Խորսանա

Խորսանա, գյուղ Արևմտյան Հայաստանում, Սեբաստիայի վիլայեթի Սեբաստիայի գավառում Սեբաստիա քաղաքից 12 կմ արևելք։

Պատմություն

Ն. Ադոնցը գյուղը նույնացնում է Փոքր Հայքում հիշատակվող Օրսա քաղաքի հետ, իսկ ուրիշները՝ Խարստանա կամ Խարսիան բերդավանի հետ։

Բնակիչները բռնությամբ տեղահանվել են Մեծ եղեռնի ժամանակ։ Նրանց մեծ մասը զոհվել է բռնագաղթի ճանապարհին։

Բնակչություն

XIX դարի սկզբին ուներ 40 տուն, նույն դարի վերջին՝ 100-120 տուն, իսկ 1914 թվականին՝ 300 տուն՝ 2600 հայ բնակչով։

Տնտեսություն

Զբաղվում էին երկրագործությամբ, անասնապահությամբ և արհեստներով։

Պատմամշակութային կառույցներ

Խորսանան ուներ Ս. Աստվածածին և Ս. Սարգիս անուններով եկեղեցիներ։

Կրթություն

Գյուղում գործում էր Արշակունյան անունով վարժարան, որտեղ սովորում էին 100 աշակերտ։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 91)։