Խաչատուր Բադալյան (երգիչ)
Անվան այլ կիրառումների համար տե՛ս՝ Խաչատուր Բադալյան (այլ կիրառումներ)- Վիքիպեդիայում կան հոդվածներ Բադալյան ազգանունով այլ մարդկանց մասին։
| Խաչատուր Բադալյան | |
|---|---|
| Ծնվել է | մայիսի 9, 1982 (42 տարեկան) Վլադիկավկազ, ՌԽՖՍՀ, ԽՍՀՄ |
| Մասնագիտություն | երգիչ |
| Գործիքներ | վոկալ |
| Կրթություն | Ռոստովի կոնսերվատորիա |
Խաչատուր Լիպարիտի Բադալյան (մայիսի 9, 1982, Վլադիկավկազ, ՌԽՖՍՀ, ԽՍՀՄ), հայկական ծագմամբ ռուսաստանաբնակ օպերային երգիչ (տենոր), Նոր օպերայի (2007) և Մարիինյան թատրոնի (2012) մենակատար։
Կենսագրություն
[խմբագրել | խմբագրել կոդը]Ծնվել է 1982 թվականի մայիսի 9-ին Օրջոնիկիձե քաղաքում, գիտական աշխատողների ընտանիքում։
1996 թվականին ընտանիքի հետ տեղափոխվել է Դոնի Ռոստով։ Սովորել է տնտեսագիտական լիցեյում, այնուհետև՝ Դոնի պետական տեխնիկական համալսարանում համապատասխան մասնագիտությամբ։ Դեռ համալսարանն ավարտելուց առաջ ընդունվել է Ռոստովի Ս. Ռախմանինովի անվան պետական կոնսերվատորիա, սովորել է Վալերի Կոստինի և Նատալյա Պետրովայի մոտ[1]։
Մասնակցել է Վլադիսլավ Պյավկոյի, Վիկտոր Զաբիյակոյի, Լիա Սարգսյանի, Մայքլ Պոլի, Վերիանո Լուկետիի և Միետա Սիգելեի վարպետության դասերին։
2004-2006 թվականներին եղել է Ռոստովի մարզային ֆիլհարմոնիայի մենակատար։
2007-2012 թվականներին և 2016 թվականից՝ Մոսկվայի Ե. Կոլոբովի անվան «Նոր օպերա» թատրոնի մեներգիչ է։ Նորամուտը նշել է Լոենգրինի դերերգով (Ռ. Վագների համանուն օպերա), որը հետագայում կատարել է նաև Չելյաբինսկի Մ. Գլինկայի անվան օպերայի և բալետի թատրոնի բեմում (քննադատի խոսքով՝ «նրա կատարումն այնքան էլ ավանդական չէ Ռուսաստանի համար, որը ճանաչել է այնպիսի կատարողների, ինչպիսիք են Սոբինովը, Կոզլովսկին, Պլուժնիկովը, որոնց համար բնորոշ էր լուսավոր, արծաթափայլ և միևնույն ժամանակ չափազանց քնարական հնչեղությունը։ Բադալյանն իր հերոսին երգում է ավելի մութ, անփայլ ձայնով, ավելի շուտ եվրոպական ավանդույթներով»)[2]։
2008 թվականին հրավիրվել է Մեծ թատրոնում կատարելու Ռուդոլֆի («Բոհեմ», Ջ. Պուչինի) դերերգը, իսկ հաջորդ տարի նույն բեմում կատարել է Վոդեմոնի («Իոլանտա», Պյոտր Չայկովսկի) դերերգը։
2008 թվականին հայտարարվել է Լուչանո Պավարոտիի հիշատակին նվիրված տենորների միջազգային մրցույթի դափնեկիրներից մեկը[3], իսկ 2010 թվականին դարձել է Գալինա Վիշնևսկայայի՝ օպերային արտիստների միջազգային 3-րդ մրցույթի հաղթող[4]։
2012 թվականից Մարիինյան թատրոնի հրավիրված մենակատար է։
2017 թվականին «Նոր օպերա» թատրոնի հետ մասնակցել է Պուչինիի 63-րդ միջազգային փառատոնին (Տորրե դել Լագո)՝ կատարելով Ալֆրեդի դերերգը Ջ. Վերդիի «Տրավիատա»-ում[5]
Օպերային սիրված դերերգերի թվում տարբեր ժամանակներում հիշատակել է Ռուդոլֆի, Ալֆրեդի («Տրավիատա», Վերդի)[1] և Խոզեի («Կարմեն», Ժ. Բիզե) դերերգերը[6]։ Վերը թվարկվածներից բացի Խաչատուր Բադալյանի երգացանկում ընդգրկված են այնպիսի դերերգեր, ինչպիսիք են Ֆաուստը (Շ. Գունոյի համանուն օպերան)[7], Ֆորեստոյի («Աթթիլա», Վերդի)[8][9], Կարլ VII-ի («Օռլեանի կույսը», Պ. Չայկովսկի)[10], Վլադիմիր Իգորևիչի («Իշխան Իգոր», Ա. Բորոդին)[11] և այլ դերերգեր։
Ծանոթագրություններ
[խմբագրել | խմբագրել կոդը]- ↑ 1,0 1,1 Интервью с Хачатуром Бадаляном // А. Матусевич, operanews.ru
- ↑ Катарсис по-уральски // А. Матусевич, operanews.ru
- ↑ Международный конкурс теноров памяти Лучано Паваротти в Петербурге // А. Хрипин, belcanto.ru
- ↑ «На взлете // Л. Гучмазова, «Итоги», № 25 (732), 21.06.2010». Արխիվացված է օրիգինալից 2019 թ․ նոյեմբերի 5-ին. Վերցված է 2019 թ․ հոկտեմբերի 17-ին.
- ↑ «Successo de «La Traviata» di Verdi al gran teatro Puccini di Torre del Lago // Oriano De Ranieri, La Gazzetta di Viareggio». Արխիվացված է օրիգինալից 2019 թ․ ապրիլի 3-ին. Վերցված է 2019 թ․ հոկտեմբերի 17-ին.
- ↑ Хачатур Бадалян: «Мы приходим для того, чтобы познать мир и себя» // Ю. Пнева, Voci dell’Opera
- ↑ «Фауст»: старая сказка в «Новой опере» // М. Жилкина, operanews.ru
- ↑ Пасхальный «Аттила» в КЗЧ // Т. Елагина, operanews.ru
- ↑ Быстрее, еще быстрее… // Ю. Алябов, belcanto.ru
- ↑ Орлеанская дева без Жанны д’Арк // А. Матусевич, belcanto.ru
- ↑ Эпос для затравки // А. Матусевич, operanews.ru