Լևոն Փարյան
| Լևոն Փարյան | |
|---|---|
| Ծնվել է | 1955 |
| Ծննդավայր | Բեյրութ, Լիբանան |
| Քաղաքացիություն |  ԱՄՆ |
| Կրթություն | Չիկագոյի համալսարան, Հարավային Իլինոյսի համալսարան և Կալիֆորնիայի նահանգային համալսարան (Նորթրիդջ) |
| Մասնագիտություն | կենսաբան և լուսանկարիչ |
Լևոն Փարյան (Յոթնեղբայրյան, 1955, Բեյրութ, Լիբանան), հայազգի լուսանկարիչ։
Կենսագրություն[խմբագրել | խմբագրել կոդը]
Լևոն Փարյանը ծնվել է 1955 թվականին Բեյրութում։ Սերում է Ուրֆայի Յոթնեղբայրյանների ընտանիքից, որը հերոսներ է տվել 1915 թվականի Ուրֆայի նշանավոր հերոսամարտի ժամանակ[1]։ Երկու տարեկանում ծնողների հետ տեղափոխվել է Չիկագո։ Հոր աշխատանքի բերումով ընտանիքն ապրել է նաև Իրանում և Պակիստանում։ 1977 թվականին Լևոնն ավարտել է Չիկագոյի համալսարանի կենսաբանական ֆակուլտետը, այնուհետև` ասպիրանտուրան, ստացել մանրէաբանի գիտական աստիճան։ Լուսանկարչության հանդեպ տածած հետաքրքրության պատճառով թողել է գիտական գործունեությունը, ընդունվել Հարավային Իլինոյսի համալսարանի փիլիսոփայության և լուսանկարչության բաժինը։ 1980 թվականին ընդունվել է Փասադենայի արվեստի կենտրոնի տեխնիկայի և գովազդի քառամյա դպրոց, որը չի ավարտել։ 1983-1986 թվականներին եղել է լուսանկարիչ Հելմուտ Նյուտոնի օգնականը։ 1986 թվականին ինքնուրույն աշխատել է լուսանկարչության և գովազդի ասպարեզում։ 2005 թվականից դասավանդում է Կալիֆորնիայի նահանգային համալսարանում (Նորթրիդջ)[2]։ 2008 թվականին ավարտել է Կալիֆոռնիայի նահանգային համալսարանը (Նորթրիդջ)` ստանալով գեղանկարչության մագիստրոսի աստիճան[2]։
Փարյանի աշխատանքները ներառված են աշխարհի տարբեր թանգարաններում և մասնավոր հավաքածուներում։
Անհատական ցուցահանդեսներ[խմբագրել | խմբագրել կոդը]
- Լոս Անջելես, 1986 թ.
- Աթենք, 1992 թ.
- Փարիզ, 1994 թ.
- Նյու Յորք, Լոս Անջելես, 1995 թ.
- Երևան, 1996, 2015 թթ.
- Գլենդել, Խմբակային ցուցահանդես "I witness"[3]
Գրականություն[խմբագրել | խմբագրել կոդը]
- Վահան Քոչար, «Հայ լուսանկարիչներ», Երևան, Հեղինակային հրատարակություն, 2007 թ.[4]։
Ծանոթագրություններ[խմբագրել | խմբագրել կոդը]
- ↑ “Crows of the Desert - A Hero’s Journey through the Armenian Genocide” Trailer
- ↑ 2,0 2,1 Levon Parian
- ↑ «Survivors and Artists Memorialize the Armenian Genocide at a New Glendale Venue». Hyperallergic (ամերիկյան անգլերեն). 2017 թ․ մայիսի 16. Վերցված է 2017 թ․ սեպտեմբերի 19-ին.
- ↑ «ՓԱՐՅԱՆ, ԼԵՎՈՆ | Հայ լուսանկարչական արվեստների հետազոտական շտեմարան». www.lusarvest.org (անգլերեն). Վերցված է 2017 թ․ սեպտեմբերի 19-ին.