Jump to content

Լուստենաու

Վիքիպեդիայից՝ ազատ հանրագիտարանից
Բնակավայր
Լուստենաու
գերմ.՝ Lustenau
Զինանշան

47°25′37.56″N 9°40′16.10″E / 47.4271000°N 9.6711389°E / 47.4271000; 9.6711389
ԵրկիրԱվստրիա Ավստրիա
ՀամայնքDornbirn District?
Մակերես22,26 կմ²
ԲԾՄ404 մետր
Բնակչություն▲24 603 մարդ (հունվարի 1, 2025)
Հեռախոսային կոդ05577
Փոստային դասիչ6890 և 6893
Ավտոմոբիլային կոդDO
Պաշտոնական կայքlustenau.at​(գերմ.)
Լուստենաու (Ավստրիա)##
Լուստենաու (Ավստրիա)

Լուստենաու (գերմ.՝ Lustenau), տոնավաճառային քաղաք (գերմ.՝ Gemeinde) Ավստրիայում՝ Ֆորառլբերգ նահանգի Դոռնբիռն շրջանում։ Գտնվում է Ալպյան տարածաշրջանում, Հռենոս գետի ափին։ Զբաղեցնում է 22,55 քառակուսի կիլոմետր տարածք։ Հարևանությամբ գտնվող Շվեյցարիայի հետ կապված է չորս կամուրջներով։ Բնակչության թվաքանակը 2016 թվականին եղել է 22.510[1], 2019-ին՝ 23.314[2]:

Պատմություն

[խմբագրել | խմբագրել կոդը]

Լուստենաու անվանումը պատմական փաստաթղթերում առաջին անգամ հանդիպում է կարոլինգյան արքա Կառլ III-ի (գերմ.՝ Karl der Dicke, ֆրանսերեն՝ Charles le Gros) "Lustenauua curti regali" (նշանակում է «Լուստենաուի արքունի դատարան») փաստաթղթում, որը թվագրված է 887 թվականի հունվարի 24-ով։ 1830 թվականից բնակավայրը Ավստրիայի մաս է կազմել։ Գերմանական ռայխի տիրապետության տարիներին նրա բազմաթիվ բնակիչներ աքսորվել են, ուղարկվել համակենտրոնացման ճամբարներ, մահապատժի ենթարկվել[3]։ Երկրորդ համաշխարհային պատերազմից հետո ձեռագործության, շյուղագործության, ժանեկագործության ավանդական արհեստներն ապահովել են Լուստենաուի տնտեսական բուռն աճն ու վերելքը[4]։

Պարբերական միջոցառումներ

[խմբագրել | խմբագրել կոդը]

Արդեն երեսուն տարուց ավելի է, ինչ "Szene Lustenau" երիտասարդական մշակութային ընկերակցությունը յուրաքանչյուր ամառ Հռենոսի ափին կազմակերպում է Szene Openair բացօթյա փառատոն, որը խոշորագույն փառատոնն է Արևմտյան Ավստրիայում։ Ելույթներ են ունենում ինչես տեղացի, այնպես էլ արտասահմանյան երկրներից հրավիրված արտիստներ, իսկ Ավստրիայի, Գերմանիայի, Շվեյցարիայի, Լիխտենշտայնի տարբեր ծայրերից եկած հանդիսատեսների թիվն անցնում է տասը հազարից։ Փառատոնի կազմակերպմանն աջակցում են 450-ից ավելի կամավորներ[5]։

Ամեն տարի հոկտեմբեր ամսվա երկրորդ կիրակի օրը անց է կացվում սբ. Պողոս-Պետրոսի ծխական տոնավաճառը՝ Kilbi-ն, որն իր տեսակի մեջ խոշորագույնն է Ֆորառլբերգ երկրամասում։ Ծխական եկեղեցուն առընթեր հրապարակում բացվում ու գործում են շուրջ 160 շուկայական հարթակներ, որտեղ վաճառքի են հանվում ամենաբազմազան ապրանքներ։ Բացի այդ, քաղաքային հրապարակում գործարկվում է զվարճանքների ժամանակավոր զբոսայգի՝ ամերիկյան արագընթաց ոլորավայրէջքային գնացքներով (roller coasters, американские горки), կարուսելներով, խաղային հրաձգարաններով և այլն։ Տոնավաճառին նախորդող շաբաթ օրը կազմակերպվում է ճոխ, շքեղ երեկույթ՝ "Kilbifest"[6]:

Պատկերասրահ

[խմբագրել | խմբագրել կոդը]

Ժողովրդագրություն

[խմբագրել | խմբագրել կոդը]

Քաղաքի բնակչության թվաքանակի փոփոխությունները 1869 - 2011 թթ.[7].

Բնակչությունն ըստ թվականների
ՏարիԲնակ.±%
18693903—    
18804164+6.7%
18905054+21.4%
19005221+3.3%
19106221+19.2%
19238383+34.8%
19348365−0.2%
19398733+4.4%
195110 292+17.9%
196112 582+22.3%
197115 451+22.8%
198118 484+19.6%
199119 709+6.6%
200119 709+0.0%
201121 184+7.5%

Ծանոթագրություններ

[խմբագրել | խմբագրել կոդը]
  1. ↑ Statistik Austria: Bevölkerung zu Jahresbeginn 2002-2017 nach Gemeinden (Gebietsstand 1. Januar 2017)
  2. ↑ http://www.statistik.at/blickgem/gemDetail.do?gemnr=80303|título= Statistik Austria - Lustenau |autor=|data=|publicado=Site Oficial da Statistik Austria|acessodata=27 de março de 2020|ling=de}}
  3. ↑ Wolfgang Scheffknecht: 100 Jahre Marktgemeinde Lustenau. Lustenau 2003, 3-900954-06-2, p. 245–251
  4. ↑ Wolfgang Scheffknecht: 100 Jahre Marktgemeinde Lustenau. Lustenau 2003, 3-900954-06-2, p. 330–334
  5. ↑ Official Szene Openair Website
  6. ↑ Official Kilbi Website
  7. ↑ Gemeindedaten von Lustenau

Գրականություն

[խմբագրել | խմբագրել կոդը]
  • Alfred Bösch (Redaktion); Kulturreferat der Marktgemeinde Lustenau (Hrsg.): Lustenau und seine Geschichte Band 1–4, Kulturreferat der Marktgemeinde Lustenau, Lustenau 1988–1996.
    • Band 1.: Alfred Bösch: Lustenau und seine Schulen 1988.
    • Band 2.: Erich Schneider: Musik und Theater in Lustenau 1989, ISBN 3-900954-01-1.
    • Band 3.: Adolf Bösch: Unser Gemeindearchiv, Kirchengeschichte in Lustenau, die Flurnamen von Lustenau. 1992, ISBN 3-900954-02-X.
    • Band 4.: Adolf Bösch: Geschichten aus dem alten Lustenau 1996, ISBN 3-900954-04-6.

Արտաքին հղումներ

[խմբագրել | խմբագրել կոդը]
Տես՝ լուստենաու Վիքիբառարան, բառարան և թեզաուրուս
Վիքիճամփորդն ունի Լուստենաուին առնչվող զբոսաշրջային տեղեկատվություն։
Վիքիպահեստն ունի նյութեր, որոնք վերաբերում են «Լուստենաու» հոդվածին։
Ստացված է «https://hy.wikipedia.org/w/index.php?title=Լուստենաու&oldid=9489843» էջից