Լեքս Լյութոր

Վիքիպեդիայից՝ ազատ հանրագիտարանից
Լեքս Լյութոր
Հրատարակման պատմություն
ՀեղինակJerry Siegel? և Ջո Շուստեր
Դերակատար / ՁայնՆիկոլաս Հոլթ
ԱշխարհDC Universe
Ներկայացրած էԲեթմենն ընդդեմ Սուպերմենի։ Արդարության արշալույսին, Superman?, Superman?, Superman?, Բեթմեն։ Լռություն, Superman Returns?, Արդարության լիգա, Zack Snyder's Justice League? և Superman?
Անձնական տվյալներ
Տեսակկոմիքսների կերպար, գեղարվեստական անձ, անիմացիոն կերպար, հեռուստատեսային կերպար և կինոհերոս
ԲնակավայրՄետրոպոլիս
Սեռարական
Քաղաքացիություն ԱՄՆ
Զբաղմունքքիմիկոս, Թմրավաճառ, բիզնես մագնատ, Հանցագործության ղեկավար, ճարտարագետ, գյուտարար, mass murderer, ֆիզիկոս, գլխավոր գործադիր տնօրեն, սուպերհերոս, roboticist, գործադիր տնօրեն և բարեգործ
Ծնողներհայր՝ Jules Luthor? և Lionel Luthor?
ԵրեխաներJaxon Xavier?, Lex Luthor, Jr.? և Conner Kent?
Թիմեր և կազմակերպություններ
Injustice Gang?, Injustice League?, Secret Six?, Intergang?, Secret Society of Super Villains?, Արդարության լիգա և LCorp?
Կայք
dccomics.com/characters/lex-luthor​(անգլ.)

Ալեքսանդր Ջոզեֆ (Լեքս) Լյութոր (անգլ.՝ Alexander Joseph «Lex» Luthor), «DC Comics»-ի սուպերչարագործ և Սուպերմենի ոխերիմ թշնամին[1]։ Ստեղծվել է Ջերի Սիգելի և Ջոզեֆ Շուստերի կողմից։ Նա առավել հայտնի է որպես չարագործ Սուպերմենիի պատմություններում, թեև առաջին անգամ հայտնվել է «Action Comics #23» (1940) կոմիքսում՝ որպես բանջո նվագող։ Կոմիքսի տարբեր տարբերակներում Լեքսի կերպարը տարբերվում է՝ ոգեշնչված խելագար գիտնականից մինչև անսկզբունքային գործարար։ 1960 թվականի կոմիքսների մի տարբերակում Լյութորը պատկերված է որպես չարացած գիտնական, որը մեղադրում է Սուպերմենին լաբորատոր վթարի համար, որի հետևանքով Լյութորը ճաղատացել է։

Լյութորը եղել է Սուպերմենի ոխերիմ թշնամին սուպերհերոսի հայտնվելու մեծ մասում՝ նպատակ ունենալով լինել նրա հակառակորդը՝ բարոյապես կոռումպացված է և հենվում է ինտելեկտի վրա, այլ ոչ թե ուժի։ Լյութորը զավթում է իշխանությունը՝ օգտագործելով իր հանճարությունը, սովորաբար իր շահի համար, այլ ոչ թե լավի համար և սպառնալիք է հանդիսանում ամեն ինչի համար։ Չնայած նրան սկզբում ներկայացնում էին որպես հանցագործ գիտնական՝ նրա կերպարը հետագայում բնութագրվում է որպես անբարեխիղճ արդյունաբերող և սպիտակ օձիք ունեցող հանցագործ (նա նույնիսկ կարճ ժամանակով զբաղեցրել է ԱՄՆ նախագահի պաշտոնը)։ Լյութորի հետագա բնութագրումները ցույց են տվել երկու մեկնաբանությունների տարրերը։

Ներկայումս Լյութորը գիտնական է և բարձր տեխնոլոգիաների ամենահզոր կոնգլոմերատներից մեկի՝ LexCorp-ի նախկին նախագահն է։ Թեև Լեքս Լյութորը DC-ի ամենավտանգավոր կերպարներից մեկն է, այն ինչ Լյութորին առանձնացնում է Սուպերմենի թշնամիների պատկերասրահի մեծ մասից՝ նրա հասարակությունն է նա, նորարար է և չունի գերունակություններ, բացի իր սեփական նենգությունից և խորամանկությունից։ Նա ձգտում է գերազանցել Սուպերմենին։

Ջին Հեքմենը կատարել է Լյութորի դերը «Սուպերմեն» ֆիլմում (1978) և երկու շարունակություններում։ Դերը ժառանգել է Քևին Սփեյսին «Սուպերմենի վերադարձը» (2006) ֆիլմում։ Միքայել Ռոզենբաումը կատարել է երիտասարդ Լեքսի դերը «Սմոլվիլի գաղտնիքը» հեռուստասերիալում։ «Բեթմենն ընդդեմ Սուպերմենի։ Արդարության արշալույսին» (2016) ֆիլմում Լեքսին մարմնավորել է Ջեսսի Այզենբերգը։

2006 թվականին «Wizard» ամսագիրը նրան հատկացրել է 8-րդ հորիզոնականը բոլոր ժամանակների ամենամեծ չարագործների ցանկում, իսկ ըստ World of Fantasy ամսագրի՝ Լյութորն արժանացել է 5-րդ հորիզոնականին խելագար գիտնականների ցանկում[2]։ Լյութորը Սուպերմենի պատմությունների մի քանի կերպարներից մեկն է՝ «ԼԼ» սկզբնատառերով (անգլ.՝ "LL" ) (ի թիվս այլոց՝ Լոիս Լեյն, Լանա Լանգ և Լորի Լեմարիս, Լայոնել Լյութոր, Լուկաս Լյութոր, Լիլիան Լյութոր, Լաուրա Լանգ, Լյուիս Լանգ, Լյուսի Լեյն, Լինդա Լեյք, Լուի Լիրի, Լյուտեսա Լյութոր (Սմոլվիլի գաղտնիքները) շարքից)։

Կենսագրություն[խմբագրել | խմբագրել կոդը]

Մինչ Անսահման Հողերի ճգնաժամը[խմբագրել | խմբագրել կոդը]

Կոմիքսների ոսկե դար[խմբագրել | խմբագրել կոդը]

Կերպարի նախաճգնաժամային տարբերակը հայտնի է միայն Լյութոր ազգանունով (անգլ.՝ Luthor): Լյութորն առաջին անգամ հայտնվել է 1940 թվականին[3], նա պատկերված է ամբողջովին կարմիր մազերով ծածկված գլխով։ 1941 թվականին՝ նկարչի սխալի պատճառով «Սուպերմեն» կոմիքսում Լյութորը հայտնվել է ամբողջովին ճաղատ կերպարանքով։ Շուստերն այնուամենայնիվ նախընտրել է նկարել ճաղատ չարագործներին և Սիգելի թույլտվությունից հետո ավելի ցնցող տեսք է ստացել և դարձել է Լյութորի ապրանքանշանը։ Արտաքին տեսքի փոփոխությունը կարող է լինել նաև մեկ այլ չարագործի՝ Ուլտրա-Հումանիտի հետ շփոթության արդյունք, որը հենց սկզբից եղել է ճաղատ գիտնական։

Գիտական հանճարը փորձել է խանգարել Եվրոպայի խաղաղության կոնֆերանսը, սակայն նրան կանգնեցրել է Սուպերմենը։ Չնայած բացահայտելով Սուպերմենի թուլությունը կրիպտոնիտի նկատմամբ, նրան չհաջողվեց սպանել նրան։ Երբ 1960-ակններին «DC բազմատիեզերքը» սկսել է ձևավորվել՝ կարմիր մազերով Լյութորը հայտարարվել է որպես ճաղատ Լյութորի (հայտնի է որպես Լեքս) կրկնօրինակը «Երկրորդ աշխարհ» հարթությունից և նրան տրվել է Ալեքսեյ (անգլ.՝ Alexei) անունը։ Իր կյանքի հաջորդ տարիներին նա հանդիպել է իր «Առաջին երկրի» գործընկերոջը և յուրաքանչյուրը փորձել է հաղթել Սուպերմենի տարբեր տարբերակներին։ Անսահման Երկրների վրա ճգնաժամի ժամանակ կայացած չարագործների պատերազմի ժամանակ, երբ Ալեքսեյը մարտահրավեր է նետել Լեքսի և Բրեյնիակի գործընկերությանը՝ Բրեյնիակը սպանել է Ալեքսեյին հակամարտությունը ճնշելու համար։

Ճգնաժամից հետո[խմբագրել | խմբագրել կոդը]

Ժամանակակից Լյութոր[խմբագրել | խմբագրել կոդը]

1986 թվականին Ջոն Բիրնի կողմից Սուպերմենի առասպելների սահմանափակ քանակով «վերաթողարկման» մեջ՝ «Պողպատե մարդ», Լեքս Լյութորի կերպարը վերաշարադրվեց «զրոյից»՝ նպատակ ունենալով նրան դարձնել չարագործ, որը կհամապատասխանի 1980-ականների կորպորատիվ սպիտակ օձիգավոր հանցագործ (գաղափարն ի սկզբանե պատկանել է Մարվ Վոլֆմանին)։ Այլ հեղինակների աշխատանքի արդյունքում նա ի վերջո դարձել է հանցավոր ուղեղային կենտրոն, ամենուր ներկա և երբեք ամբողջովին չպարտված կարգավիճակում։ Ի տարբերություն մյուս հանցագործների, որոնք հայտնվում են Սուպերմենի առջև՝ Լյութորը հաճախ ավելի խորամանկ է և հիմնականում գործում է «կուլիսների հետևում»։ Որպես կանոն Լյութորը վայելում է օրինական լինելու հարմարավետությունը և նախընտրում է «ձեռքերը չկեղտոտել» (թեև եղել են բացառություններ)։

Նախաճգնաժամային մանրամասները երբեմն հայտնվում են փոփոխված, բայց ճանաչելի ձևերով։ Դրանց թվում է մարտական կոստյումը, որով Լյութորը պատկերված է «Action Comics» #544-ում, որը նախկինում հայտնվել էր նաև «Man of Steel» #5-ում, որը կրել է նաև Լյութորի կամակատարներից մեկը, որն ըստ երևույթին, հեշտությամբ հաղթել է Սուպերմենին (Լյութորը կրում է մարտական կոստյում, որը շատ նման է իր մինչճգնաժամային տարբերակի կոստյումին)։

Ծագում[խմբագրել | խմբագրել կոդը]

Համաձայն պողպատե մարդու առասպելաբանությն՝ Լյութորը ծնվել է Մետրոպոլիսի տարածքում գտնվող Ինքնասպան թաղամասերում։ Իր վաղ տարիները Ալեքսանդր Ջոզեֆ «Լեքս» Լյութոր (անգլ.՝ Alexander Joseph "Lex" Luthor) անցկացրել է մի ընտանիքում, որտեղ նրա դաժան և տաքարյուն հայրը վատ է վերաբերվել մորը և ոչնչացրել է նրա ավելի լավ կյանքի մասին նրա երազանքները։ Նրա միակ ընկերը դասընկեր Փերի Ուայթն է եղել (անգլ.՝ Perry White ), որը նպաստել է Լեքսի ձգտումներին՝ փախչել վատ թաղամասերից և դառնալ հաջողակ։

Լեքսի միջավայրը դեռահասության տարիներին զարգացրել է նրա անխիղճ ողջախոհությունն ու մանիպուլյացիայի տաղանդը։ Լեքսը ապահովագրության պայմանագիր է կնքել առանց նրանց իմացության մեծ գումարով ապահովագրելով ծնողների կյանքը, իսկ հետո փչացրել նրանց մեքենայի արգելակները՝ սպանելով նրանց։ Լեքսին հանձնել են խնամատարության, որտեղ նա սպասել է մինչև չափահաս դառնալը՝ իր ապահովագրական նպաստները հավաքելու համար։ Շուտով Լեքսը հայտնաբերել է, որ իր խնամակալ ծնողները նույնիսկ ավելի դաժան են, քան իր կենսաբանական ծնողները։ Ագահ ու կառավարված՝ նրանք ծրագրել են գտնել, թե որտեղ են պահվում Լեքսի փողերը և գողանալ նրանից։ Կարճ ժամանակ անց, երբ Լեքսը մեծանում է և կարողանում է ստանալ իր գումարը՝ նա գաղտնի կերպով փոխանցում է այն խնայողական հաշվին՝ ցուցումներով, որ միայն ինքը կարող է գումար հանել հաշվից։ Երբ նրա որդեգրողները գտնում են Լեքսի բանկային փաստաթղթերը, որոնք թաքցված էին իրենցից՝ Լեքսի որդեգրած հայրը գնում է իրենց դստեր՝ Լենայի (անգլ.՝ Lena) մոտ և պահանջում, որ նա գայթակղի Լեքսին (որը սիրահարվել էր Լենային)՝ ծնողներին գումար փոխանցելու համար։

Լենան, որը զգացմունքներ ուներ Լեքսի հանդեպ, հրաժարվում է և դրա համար հոր կողմից ծեծի ենթարկվում։ Լեքսն այդ ժամանակ տանը չի լինում, քանի որ ընկեր Փերին նրան համոզել էր գնալ ֆուտբոլային հանդիպման։ Երբ Լեքսը վերադառնում է տուն, նա վշտի մեջ է հայտնվում՝ գտնելով Լենայի մահացած մարմինը։ Այս իրադարձությունը շրջադարձային է դառնում Լեքս Լյուտորի կյանքում, ով երդվում է ամեն գնով իշխանություն և բացարձակ վերահսկողություն ձեռք բերել իր շրջապատի վրա։ Մեկ տասնամյակ անց այն օրը, երբ ծնվում է Լյութորի դուստրը, Լեքսը վարձում է իր խնամակալ հորը, որպեսզի սպանի Մետրոպոլիսի քաղաքապետին։ Սպանությունից հետո Լեքսը ծառուղում (վճարի պատրվակով) հանդիպել է որդեգրող հորը և անձամբ կրակել նրա վրա։ Լեքսն իր դստերը անվանել է Լենա[4]։

Փերի Ուայթը դառնում է Լեքսի ցասման առաջին թիրախը հենց որ նա ձեռք է բերում իշխանություն։ Լեքսը Փերիին մեղադրում է Լենայի մահվան մեջ և վրեժխնդիր է լինում նրանից՝ գայթակղելով Փերիի կնոջը և նրանից երեխա ունենում։ Ջերի Ուայթի (անգլ.՝ Jerry White) զավակն իր իսկական ծագման մասին իմացել է իր երիտասարդության վերջին տարիներին, նախքան նրա հետ առնչված տեղական փողոցային հանցախմբի կողմից սպանվելը)։ Մի քանի տարի անց Լեքսը ստացել է «Daily Planet»-ը և փորձել է «վերացնել» թերթը Փերիի հանդեպ ունեցած ատելությունից։

Որպես ԱՄՆ նախագահ[խմբագրել | խմբագրել կոդը]

52[խմբագրել | խմբագրել կոդը]

Գոթեմ քաղաքի ոստիկանության վարչությունը կարծում է, որ Լյութորի մարմինը գտնվում է ծառուղում։ Ջոն Հենրի Այրոնսը զննում է մարմինը STAR լաբորատորիայում և նշում, որ մահից հետո դիակը փոխվել է, որպեսզի նմանվի Լեքս Լյութորին։ Մամուլի ասուլիսի ժամանակ իսկական Լյութորը հրապարակավ հայտարարում է, որ դա այլ Երկրից եկած խաբեբայի մարմինն է և որ այդ խաբեբան է հանցագործությունների իրական մեղավորը, որում մեղադրվում է Լյութորը։ Չնայած նրան, որ Ալեքսանդրի մարմննի վրա բացակայում էր մեկ մատ և տարբերվում էր Լեքսից նրա մահվան պահին, 52-ի խմբագիր Սթիվեն Վաքերը հաստատել է, որ Գոթեմում հայտնաբերված մարմինն իսկապես Ալեքսինն է և որ Լյութորը փոխել էր այն նախքան ոստիկանության կողմից հայտնաբերվելը։

Լյութորն անմիջապես սկսում է եկեղեցի կառուցել, որը նա անվանում է Լյութոր եկեղեցի, նա դառնում է Everyman նaխագծի կողմից ստեղծված նոր ընթացակարգի խոսնակը, որը մշակում է սովորական քաղաքացիներին գերտերություններ զարգացնելու համար։ Ալեքսանդր Լյութոր կրտսերի դիահերձման ժամանակ նա գաղտնի կերպով Ջոն Հենրի Իրոնսին ենթարկում է քիմիական նյութերի ազդեցության, որոնք առնչվում են նրա նոր սուպերհերոսների բանակի ստեղծմանը, Ջոնին դարձնելով սուպերհերոս Պողպատ։ Մոտենալով Ջոնի զարմուհուն՝ Նատաշա Այրոնսին, Լյութորը հաճույքով թույլ է տալիս նրան դառնալ իր առաջին փորձարկվողներից մեկը։ Օգտագործելով Նատաշային և մի քանի այլ կամավորների՝ Լյութորը ձևավորում է սուպերհերոսների իր թիմը, որը նրանք կոչում են որպես նոր Infinity Inc: 21-րդ շաբաթում Infinity Inc.-ը կռվում է Բլոքբաստերի հետ (որը նույնպես ստեղծվել է Լյութորի կողմից), երբ նա ցույց է տալիս, որ կարող է «անջատել» իր յուրաքանչյուր գործակալի ուժերը և դա հանգեցնում է նրա սփիդսթերի հետագծային մահվանը։

Ամանորի կեսգիշերին Լյութորը կատարում է հաշվարկված դավադրություն, որպեսզի վարկաբեկի Սուպերնովային՝ նոր հերոսին, որը Սուպերմենի բացակայության ժամանակ ստանձնել էր Մետրոպոլիսի պաշտպանությունը։ Լյութորը նախաձեռնում է զանգվածային անջատում բոլոր նրանց համար, ովքեր մասնակցել են Everyman ծրագրին, բացառությամբ Infinity Inc.-ի անդամների։ Օդային կարողություններ ունեցող մի քանի մարդ մահանում է ստորգետնյա գազատարի պայթյունից, ինչի արդյունքում լինում են զոհեր, որոնց թվում են լինում նաև խաղաղ բնակիչներ։ Պատճառվում է միլիոնավոր դոլարների վնաս։ Լյութորի սյուժեն ի վերջո ձախողվում է, երբ Սուպերնովան կարողանում է նվազագույնի հասցնել աղետը՝ փրկելով մի շարք մարդկանց։

Ուսումնասիրելով Լյութորին՝ իր շարժառիթը արմատախիլ անելու համար Նատաշա Այրոնսը հայտնաբերում է, որ Լյութորը ստուգում է իրեն՝ համոզվելու համար, որ նա համատեղելի է արհեստական մետագենային բուժման հետ։ Ջոն Հենրի Այրոնսը հարձակվում է Լյութորի շենքի վրա, չնայած կռվի ընթացքում նրա զրահը ոչնչացնելուն՝ Այրոնսը դիմակայում է Լյութորին և պարզում, որ Լյութերը ուժով գերազանցում է նրան, Լյութորը ցույց է տալիս Սուպերմենին բնորոշ գրեթե բոլոր ունակությունները։ Լյութորը մտածում է երկիրը նվաճելու և այն Լեքսոր վերանվանելու մասին։ Այնուամենայնիվ Նատաշան օգտագործում է իր հորեղբոր մուրճը՝ էլեկտրամագնիսական Իմպուլս առաջացնելու համար, որն անջատում է սինթետիկ մետագենը այնքան ժամանակ, որպեսզի Պողպատը ժամանակ ունենա հաղթել Լեքսին։ Արդյունքում Լեքսը խայտառակվում է, իսկ ավելի ուշ նրան մեղադրում են, երբ «Everyone» նախագծի մասնակիցները հասկանում են, որ Լեքսը օգտագործել է նրանց։

Կոմիքսներից դուրս[խմբագրել | խմբագրել կոդը]

Ֆիլմեր[խմբագրել | խմբագրել կոդը]

1978 թվականին նկարահանված «Սուպերմեն» ֆիլմում Ջին Հեքմենը կատարել է Լեքս Լյուտորի դերը, որտեղ նա գլխավոր չարագործն էր։ Հեքմենը կատարել է այդ դերը ֆիլմաշարի երկրորդ և չորրորդ մասերում։

Սուպերմենի վերադարձը[խմբագրել | խմբագրել կոդը]

«Սուպերմենի վերդրձը» (2006) ֆիլմում Լեքս Լյութորին մարմնավորել է Քևին Սփեյսին։ Անցել է 5 տարի, Լեքսն արդեն ամուսնացած է, բայց շարունակում է իր հանցագործությունները։ Լեքսը և նրա մարդիկ գտնում են Քլարկի ամրոցը և վերցնում կրիպտոնիտները։ Նա հայտնաբերում է, որ կրիպտոնիտն ընդարձակվում է ջրի մեջ և Անտարկտիդայում իր համար կրիպտոնիտե ամրոց է ստեղծում։ Շուտով Լոիսը որդու՝ Ջեյսոնի հետ միասին որոշում է ինչ-որ բան իմանալ նրա մասին և գնում է ամրոց, բայց Լեքսը հայտնաբերում է նրանց և գերի է վերցնում։ Այն բանից հետո, երբ Ջեյսոնը սպանում է իր մարդկանցից մեկին՝ Լյութորը հասկանում է, որ տղայի հայրը Սուպերմենն է։ Ավելի ուշ Կրիպտոնիտե ամրոցում Լեքս Լյութորը խոցում է Քլարկին կրիպտոնիտի շեղբով։ Լեքսը վստահ է, որ Սուպերմենը մահացել է և իր ծրագիրը կիրականանա, բայց հետո տեղի է ունենում երկրաշարժ, որի պատճառով նրա մարդիկ մահանում են և նա կնոջ հետ փախչում է ուղղաթիռով։ Սակայն նրա կինը դավաճանում է նրան՝ վախենալով ամուսնու մեծ, արյունարբու ծրագրերից և դեն է նետում մնացած ադամանդները։ Լեքսը չի հասցնում վերադառնալ նրանց մոտ, ամրոցը ոչնչանում է և նրանք թռչում են։ Բայց հանկարծ նրանց վառելիքը սպառվում է և վայրէջք կատարում ամայի կղզում։

DC ընդլայնված տիեզերք[խմբագրել | խմբագրել կոդը]

  • Ջեսսի Այզենբերգը կատարել է Լեքս Լյուտորի դերը[5]։ Ջեսի Այզենբերգի Լյութորի տարբերակին բնորոշ է հանճարեղությունը, խելագարությունը և բարոյական սկզբունքների իսպառ բացակայությունը։ Երբ նա բանտարկվում է, նրա գլուխը սափրում են և դարձնում ճաղատ (ինչպես մյուս նախորդ տարբերակներում՝ Լյութորը ճաղատ է կամ ինչ-ինչ պատճառներով կորցրել էր մազերը)։ Բանտ գնալուց հետո նրա մոտ գալիս է Բեթմենը։ Լեքսը զգուշացնում է նրան, որ Սուպերմենը մահացել է, Երկիրը պաշտպանելու տարբերակ չկա և շուտով կգան նրանք, ովքեր չգիտեին նրա մասին՝ նրանց անվանելով «Հրեշներ խավարի մեջ»։ Սա ստիպում է Բեթմենին ստեղծել Արդարության լիգա և հավաքել մետամարդկանց՝ այդ ամենը թույլ չտալու համար։
  • Ջեսի Էյզենբերգը վերադարձել է Զաք Սնայդերի «Արդարության լիգա» ֆիլմում Լեքս Լյուտորին մարմնավորելու համար[6][7][8]։ Նա հանդես է գալիս հետտիտրային հատվածում։ Նա օգնում է Դեստրոուկին հասնել Բեթմենին՝ ասելով նրան Բեթմենի իսկական անունը՝ Բրյուս Ուեյն։

Հեռուստասերիալներ[խմբագրել | խմբագրել կոդը]

Մուլտսերիալներ[խմբագրել | խմբագրել կոդը]

  • «Արդարության լիգա»
  • «սուպերմեն» (1998—2000)
  • «Երիտասարդ Արդարության լիգա»

Մուլտիպլիկացիոն ֆիլմեր[խմբագրել | խմբագրել կոդը]

  • «Արդարության լիգա։ Աստվածներ և հրեշներ» անիմացիոն ֆիլմում, որը տեղի է ունենում զուգահեռ տիեզերքում՝ Լեքս Լյութորը նմանություն ունի Սթիվեն Հոքինգի հետ։

Տեսախաղեր[խմբագրել | խմբագրել կոդը]

  • Nintendo 64-ի համար Superman խաղի հիմնական հակառակորդը։
  • Հայտնվում է Superman: Shadow of Apokolips խաղի մեջ
  • Superman Returns: The Videogame-ում Լեքս Լյութորը գլխավոր հերոսներից մեկն է, քանի որ խաղը ստեղծվել է «Սուպերմենի վերդարձը» ֆիլմի հիման վրա։
  • DC Universe Online-ում Լեքս Լյութորը հանդես է գալիս որպես սուպերչարագործների երեք մենթորներից մեկը։ Խաղալ հնարավոր է Legends ռեժիմում։
  • LEGO Batman 2: DC Super Heroes խաղում հանդիսանում է հիմնական ոճրագործ՝ Ջոկերի հետ միասին։ Խաղարկելի կերպար է
  • LEGO Batman 3: Beyond Gotham խաղում շեֆերից մեկն է և խաղարկելի կերպար։

Mortal Kombat vs. DC Universe[խմբագրել | խմբագրել կոդը]

«Mortal Kombat vs. DC Universe» խաղի ավարտի ժամանակ՝ օգտագործելով հատուկ ջոկատներից գողացված տվյալները, Լեքս Լյութորը պորտալ է կառուցում և դրա միջոցով մտնում է Mortal Kombat տիեզերք։ Այնտեղ նա հանդիպում է կախարդ Քուան Չիին։ Նրանց միացած ուժն անպարտելի կլինի։ Շուտով այս նոր մահացու դաշինքը կտիրի երկու տիեզերքներին։ Այստեղ նա խաղային կերպար է։

Injustice: Gods Among Us[խմբագրել | խմբագրել կոդը]

«Injustice: Gods Among Us» խաղում Միացյալ երկրային տիեզերքում Լյութորը բարիացակամ է, որը Սուպերմենից գաղտնի՝ օգնում է Բեթմենին տապալել Ռեժիմը։ Միևնույն ժամանակ նա երբեք չի խախտել օրենքը։ Սպանվել է Սուպերմենի կողմից՝ վրեժ լուծելով իր դավաճանության համար։ Խաղային կերպար է։ Պատմության ռեժիմում Կալ-Էլին հաղթելուց հետո նա ստանում է իր ուզածը և դառնում Երկրի հերոսը, ինչի առաջին ապացույցը երկրի վրա Լեքս Լյութորի արձանի կառուցումն է։

Քննադատություն և արձագանքներ[խմբագրել | խմբագրել կոդը]

2009 թվականին Լեքս Լյութորը IGN-ի 100 ամենամեծ կոմիքսների չարագործների ցանկում զբաղեցրել է 4-րդ հորիզոնականը։

Ծանոթագրություններ[խմբագրել | խմբագրել կոդը]

  1. ↑ Albert, Aaron. [comicbooks.about.com/od/characters/tp/archenemies.htm «Top Ten Comic Book Archenemies - Superhero and Villain Arch-rivals»]. About.com. Արխիվացված օրիգինալից 2012 թ․ հունվարի 27-ին. Վերցված է 2008 թ․ հունիսի 25-ին. {{cite web}}: Check |url= value (օգնություն)
  2. ↑ «Доска почета. Сумасшедшие ученые — Михаил Попов — МИР ФАНТАСТИКИ И ФЭНТЕЗИ». Արխիվացված օրիգինալից 2011 թ․ փետրվարի 4-ին. Վերցված է 2010 թ․ սեպտեմբերի 1-ին.
  3. ↑ «Action Comics» № 23
  4. ↑ «Superman» № 131
  5. ↑ «Jesse Eisenberg and Jeremy Irons Join the Cast of Warner Bros. Pictures' Untitled Superman/Batman Film from Director Zack Snyder». Business Wire. 2014 թ․ հունվարի 31. Արխիվացված օրիգինալից 2014 թ․ հուլիսի 3-ին. Վերցված է 2014 թ․ հունվարի 31-ին.
  6. ↑ Алексей Ионов. Бэтмен против Супермена: На заре справедливости // Мир фантастики : журнал. — 2016. — Т. 153. — № 05. — С. 61.
  7. ↑ Юрий Коломенский (2016 թ․ մարտի 24). «Рецензия: «Бэтмен против Супермена: На заре справедливости»». SpiderMedia.ru. Արխիվացված է օրիգինալից 2016 թ․ մայիսի 28-ին. Վերցված է 2016 թ․ մայիսի 28-ին.
  8. ↑ Andy Scott. «How Jesse Eisenberg ruined Batman v Superman» (անգլերեն). Grunge. Արխիվացված է օրիգինալից 2016 թ․ մայիսի 28-ին. Վերցված է 2016 թ․ մայիսի 28-ին.

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Լեքս_Լյութոր&oldid=9800017» էջից