Թոմ Ադամս

	Թոմ Ադամս
Կուսակցություն՝	Barbados Labour Party?
Կրթություն՝	Մագդալեն քոլիջ և Harrison College?
Մասնագիտություն՝	փաստաբան
Դավանանք	Անգլիկան եկեղեցի
Ծննդյան օր	սեպտեմբերի 24, 1931
Ծննդավայր	Բարբադոս
Վախճանի օր	մարտի 11, 1985 (53 տարեկան)
Վախճանի վայր	Բարբադոս
Քաղաքացիություն	Բարբադոս
Հայր	Grantley Herbert Adams?
Tom Adams

Ջոն Մայքլ Ջեֆրի Մանինգհեմ Ադամս (անգլ.՝ Jon Michael Geoffrey Manningham Adams, ավելի հայտնի է որպես Թոմ Ադամս (անգլ.՝ Tom Adams), սեպտեմբերի 24, 1931(1931-09-24)^[1], Բարբադոս - մարտի 11, 1985(1985-03-11)^[1], Բարբադոս), բարբադոսցի քաղաքական և պետական գործիչ, անկախ Բարբադոսի երկրորդ վարչապետը 1976-1985 թվականներին^[2]։ Բարբադոսի Լեյբորիստական կուսակցության առաջնորդը։ Վարել է ճիշտ քաղաքական կուրս, համագործակցել է Ռոնալդ Ռեյգանի ամերիկյան վարչակազմի հետ։ Եղել է 1983 թվականին Գրենադա ներխուժման կազմակերպիչներից մեկը։

Ծագում և կրթություն[խմբագրել | խմբագրել կոդը]

Ծնվել է 1931 թվականի սեպտեմբերի 24-ին Բրիջթաունում, Վեստ Ինդիայի և Բարբադոսի Ֆեդերացիայի առաջին վարչապետ Գրենթլի Հերբերտ Ադամսի ընտանիքում։ Ստացել է փիլիսոփայական, քաղաքական և տնտեսական կրթություն Բարբադոսի Հարիսոն քոլեջում և Օքսֆորդի համալսարանի Մագդալեն քոլեջում։

Վերադառնալով կղզի՝ Ադամս կրտսերը միացել է Բարբադոսի Լեյբորիստական կուսակցությանը (ԲԼԿ), ոը հիմնադրել էր իր հայրը։ Աշխատել է որպես լրագրող։ Գրենթլի Ադամսի մահից հետո գլխավորել է ԲԼԿ-ը։

Կառավարության գլխավոր[խմբագրել | խմբագրել կոդը]

Լեյբորիստ-ռեյգանիստ[խմբագրել | խմբագրել կոդը]

ԲԼԿ-ը հաղթել է 1976 թվականի խորհրդարանական ընտրություններում։ Վարչապետի պաշտոնում Թոմ Ադամսը փոխարինել է Էրրոլ Բարրոյին և դարձել է անկախ Բարբադոսի կառավարության երկրորդ ղեկավարը։ Զբաղեցրել է նաև ֆինանսների նախարարի պաշտոնը։ Ադամսի շուկայական տնտեսական քաղաքականությունը արդյունավետ է եղել, 1981 թվականի ընտրություններում ընտրական հաջողություններն ամրապնդվել են։ ԲԼԿ-ին տրված ձայների քանակը զգալիորեն ավելացել է։

Թոմ Ադամսի կառավարությունը կենտրոնացած էր անգլոսաքսոնական աշխարհի պահպանողական ուժերի, առաջին հերթին՝ Մարգարետ Թետչերի բրիտանական կառավարության և Ռոնալդ Ռեյգանի ամերիկյան վարչակազմի հետ սերտ համագործակցության վրա։ Ադամսը հանդես է եկել հակամոմունիստական հիմքի վրա արևելակարիբյան կղզային պետությունների ռազմաքաղաքական ինտեգրման օգտին։ Նա առաջարկել է Արևելակարիբյան պետությունների կազմակերպության շրջանակներում միացյալ զինված ուժերի ստեղծում^[3]։

Ճամայկայի վարչապետ Էդվարդ Սիագայի և Դոմինիկյան Հանրապետության վարչապետ Յուջինիա Չարլզի հետ միասին Թոմ Ադամսը արևելակարիբյան տարածաշրջանում ձևավորել է ամերիկամետ ռեյգանական առանցք^[4]։

Դերը գրենադյան իրադարձություններում[խմբագրել | խմբագրել կոդը]

Թոմ Ադամսի կառավարությունը թշնամաբար է վերաբերվել Գրենադայում Մորենիս Բիշոփի մարքսիստական կուսակցության՝ ՋՈւԵԼ նոր շարժման իշխանության գալուն։ Քաղաքական գաղթականները Ֆրենսիս Ալեքսիսի գլխավորությամբ Բարբադոսում կազմակերպել են Գրենադայի դեմոկրատական շարժումը։

1983 թվականի հոկտեմբերին Թոմ Ադամսը ակտիվորեն աջակցել է ԱՄՆ-ի ներխուժմանը Գրենադա։ Նա եղել է միջամտության նախաձեռնողներից մեկը և Բարբադոսի տարածքը տրամադրել ամերիկյան զորքերի համար որպես փոխաբեռնման կետի օգտագործելու համար։ Գրենադա է ուղարկվել Բարբադոսի զորախումբ, որի գործողությունները հատկապես կոշտ էին^[5]։ Միանշանակ գրավելով Ռեյգանի կողմը՝ Ադամսը, այդպիսով, խնդիրներ է ունեցել Թետչերի հետ, որը դժգոհ էր Բրիտանական Համագործակցությանը պատկանող երկրում Միացյալ Նահանգների միակողմանի գործողություններից^[6]։ Այդ նույն պատճառով վատացել են հարաբերությունները Կանադայի, Տրինիդադ և Տոբագոյի հետ^[7]։

Մահը պաշտոնավարման ընթացքում[խմբագրել | խմբագրել կոդը]

Թոմ Ադամսը մահացել է իր նստավայրում սրտի կանգից 53 տարեկան հասակում։ Նա դարձել է Բարբադոսի երեք վարչապետներից մեկը՝ Էրրոլ Բերոուի (1987) և Դևիդ Թոմփսոնի (2010) հետ միասին, որոնք մահացել են կառավարական պաշտոնավարման ընթացքում^[8]։

Բարբադոսի կենտրոնական բանկը կոչվել է Թոմ Ադամսի ֆինանսական կենտրոն^[9]։

Թոմ Ադամսը ամուսնացած էր, ուներ երկու որդի։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Munzinger Personen (գերմ.)
↑ [1], New York Times
↑ 2nd Prime Minister Tom Adams 1976—1985
↑ America Invasion of Grenada: 30 Years On
↑ «Exclusive interview with Bernard Coard. Walks from prison after 26 years for killing Grenada's Prime Minister Maurice Bishop». Արխիվացված է օրիգինալից 2013 թ․ հոկտեմբերի 27-ին. Վերցված է 2016 թ․ հունիսի 2-ին.
↑ Margaret Thatcher’s files as Prime Minister, 1983
↑ Reagan apologised to angry Thatcher over Grenada, tapes reveal
↑ «Barbados PM David Thompson is dead». Արխիվացված է օրիգինալից 2018 թ․ նոյեմբերի 20-ին. Վերցված է 2021 թ․ հունվարի 3-ին.
↑ «Tom J M G M «Tom» Adams». Արխիվացված է օրիգինալից 2017 թ․ հունվարի 18-ին. Վերցված է 2021 թ․ հունվարի 3-ին.

Վիքիպահեստն ունի նյութեր, որոնք վերաբերում են «Թոմ Ադամս» հոդվածին։

[_d6fd41e01b6c86ff-1] 1,0 ^1,1 ^1,2 ^1,3 ^1,4 Munzinger Personen (գերմ.)

[2] [1], New York Times

[3] 2nd Prime Minister Tom Adams 1976—1985

[4] America Invasion of Grenada: 30 Years On

[5] «Exclusive interview with Bernard Coard. Walks from prison after 26 years for killing Grenada's Prime Minister Maurice Bishop». Արխիվացված է օրիգինալից 2013 թ․ հոկտեմբերի 27-ին. Վերցված է 2016 թ․ հունիսի 2-ին.

[6] Margaret Thatcher’s files as Prime Minister, 1983

[7] Reagan apologised to angry Thatcher over Grenada, tapes reveal

[8] «Barbados PM David Thompson is dead». Արխիվացված է օրիգինալից 2018 թ․ նոյեմբերի 20-ին. Վերցված է 2021 թ․ հունվարի 3-ին.

[9] «Tom J M G M «Tom» Adams». Արխիվացված է օրիգինալից 2017 թ․ հունվարի 18-ին. Վերցված է 2021 թ․ հունվարի 3-ին.

[1]

[2]

[3]

[4]

[5]

[6]

[7]

[8]

[9]