Քեմերլի
| Գյուղ | ||
|---|---|---|
| Քեմերլի / Թխաձոր | ||
| ադրբ.՝ Kəmərli | ||
| Երկիր |  Ադրբեջան | |
| Տնտեսական շրջան | Գանձակ-Ղազախի տնտեսական շրջան | |
| Շրջան | Ղազախի շրջան | |
| Այլ անվանումներ | Թխաձոր | |
| Խոսվող լեզուներ | Ադրբեջաներեն | |
| Բնակչություն | 3206 մարդ | |
| Ազգային կազմ | Ադրբեջանցիներ | |
| Ժամային գոտի | UTC+4 | |
| Հեռախոսային կոդ | +994 22 29 | |
| Փոստային ինդեքս | AZ 3521 | |
| ||
Քեմերլի (Թխաձոր[1][Ն 1], ադրբ.՝ Kəmərli), գյուղ Ադրբեջանի Հանրապետության Ղազախի շրջանի հյուսիս-արևմուտքում[2]։
Աշխարհագրություն[խմբագրել | խմբագրել կոդը]
Քեմերլին շրջկենտրոն Ղազախ քաղաքից հեռու է 26 կմ[2]։ Գտնվում է Կողբափոր հովտում՝ համանուն գետակի երկու ափերին[2]։ Ծովի մակերևույթից բարձր է 440-550 մ[2]։
Պատմություն[խմբագրել | խմբագրել կոդը]
Քեմերլի գյուղի տարածքում մինչև 1898 թվականը եղել է հայաբնակ բնակավայր[2], որը կոչվել է Թխաձոր[1]։ Հայ ազգաբնակչությունը հեռացել է գյուղից և արդեն 19-րդ դարի երկրորդ կեսին նույն տեղում ձևավորվել է թուրքաբնակ գյուղը[2]։ 20-րդ դարի սկզբին այն բաժանված է եղել վերին և ներքին համանուն մասերից, որոնք հետագայում միացվել են՝ ստեղծելով շուրջ 5 կիլոմետր երկարությամբ մեկ բնակավայր[2]։
Հայ-ադրբեջանական համակարտություն[խմբագրել | խմբագրել կոդը]
Բնակավայրը գտնվում է հայ-ադրբեջանական շփման գծին և սահմանակից է Հայաստանի Տավուշի մարզի Բերդավան գյուղին[3]։
Քեմերլիում են տեղակայված Ադրբեջանի սահմանային ռազմական դիրքերը, որտեղ մինչև 2018 թվականի աշնանը մարտական հերթապահություն էր իրականացնում Ադրբեջանի զինված ուժերը։ Գյուղի հատվածում զինված ուժերին փոխարինեցին Ադրբեջանի պետական սահմանապահ ծառայության ստորաբաժանումները, որոնք մարտական ծառայություն են իրականացնում Հայաստանի Հանրապետության հետ շփման գծում[3][4]։
Գյուղում տեղակայված են Ադրբեջանի պետական սահմանապահ ծառայության ռազմական մի շարք կառույցներ և հենակետեր։
Հայաստանի Տավուշի մարզի Բերդավան և Ադրբեջանի Ղազախի շրջանի Քեմերլի բնակավայրերի միջև տեղակայված ռազմական դիրքերում հաճախակի տեղի են ունենում ռազմական ընդհարումներ։ հայ-ադրբեջանական շփման գծի այդ հատվածում երկու կողմից գրանցվում են զոհեր, գերևարումներ և բնակավայրերի գնդակոծումներ[5][6]։
Նշումներ[խմբագրել | խմբագրել կոդը]
- ↑ Թուրքաբնակ գյուղի տարածքում մինչև 1898 թվականը եղել է հայկական և կոչվել Թխաձոր։
Ծանոթագրություններ[խմբագրել | խմբագրել կոդը]
- ↑ 1,0 1,1 Թ.Խ. Հակոբյան, Ստ.Տ. Մելիք-Բախշյան, Հ.Խ. Բարսեղյան, «Հայաստանի եւ հարակից շրջանների տեղանունների բառարան», Երեւանի Համալսարանի Հրատարակչություն, Երեւան, 1988։
- ↑ 2,0 2,1 2,2 2,3 2,4 2,5 2,6 Սամվել Կարապետյան, «Հյուսիսային Արցախ», ՀՃՈՒ գրքաշար, հատոր Զ, Երևան, 2004 թվական (Հայերեն լեզվով Archived 2021-01-23 at the Wayback Machine., English version Archived 2021-11-27 at the Wayback Machine.)։
- ↑ 3,0 3,1 «Ադրբեջանը փորձել է մոտեցնել դիրքերը հայկականին, ապա կրակել է» (արխիվացված)։
- ↑ Войска Эльчина Гулиева заняли границу с Арменией (արխիվացված)․(ռուս.)
- ↑ «Սահմանամերձ գյուղերը նորից գնդակոծվել են, ադրբեջանական զինուժը մեծ կորուստներ ունի» (արխիվացված)։
- ↑ «Կարմիր խաչը դիմել է Ադրբեջանի իշխանություններին՝ սահմանն անցած ՀՀ քաղաքացուն տեսակցելու համար» (արծիվացված)։