Էվա Ֆարնա

Վիքիպեդիայից՝ ազատ հանրագիտարանից
Jump to navigation Jump to search
Էվա Ֆարնա
Ewa Farna 2018.jpg
Բնօրինակ անունլեհ.՝ Ewa Farna և չեխ․՝ Ewa Chobot Farna
Ի ծնե անունչեխ․՝ Ewa Farna
Ծնվել էօգոստոսի 12, 1993(1993-08-12)[1] (28 տարեկան)
Třinec, Ֆրիդեկ-Միստեկի շրջան[1]
ԵրկիրFlag of the Czech Republic.svg Չեխիա
Ժանրերփոփ երաժշտություն, փոփ ռոք, ինդի փոփ, էլեկտրոփոփ, Եվրո փոփ և Ինդի երաժշտություն
Մասնագիտություներգչուհի, դերասանուհի, մոդել, պարուհի, ֆոտոմոդել, Երաժիշտ, կինոդերասանուհի, հեռուստատեսային դերասանուհի և հեռուստատեսային դեմք
Գործիքներկիթառ և վոկալ
ԼեյբլUniversal Music Group, Warner Music Group և Sony Music Entertainment
ԱմուսինMartin Chobot?[2]
ՊարգևներQ104774895?
Կայքewafarna.com
Ewa Farna Վիքիպահեստում

Էվա Ֆարնա (անգլ.՝ Ewa Farna, օգոստոսի 12, 1993(1993-08-12)[1], Třinec, Ֆրիդեկ-Միստեկի շրջան[1]), լեհական ծագմամբ չեխ փոփ երգչուհի։ Ֆարնան չեխերենով թողարկել է 4 ձայնասկավառակ, որոնք Չեխիայում դարձել են պլատինե։ Հետագայում թողարկվել են դրանց լեհերեն տարբերակները։ Ֆարնան Չեխիայի Հանրապետության ամենաերիտասարդ կոմերցիոն հաջողակ երգչուհին է։

Կենսագրություն[խմբագրել | խմբագրել կոդը]

Էվա Ֆարնան ծնվել է 1993 թվականի օգոստոսի 12-ին Չեխիայի Հանրապետության Տրշինեց քաղաքում։ Փոքր ժամանակ հաճախել է լեհական տարրական դպրոց և գեղարվեստի դպրոց, որտեղ սովորել է դաշնամուր նվագել և պարել։

2004 և 2005 թվականներին Չեխիայում և Լեհաստանում տաղանդների տեղական մրցույթներում հաղթելուց հետո նրան նկատեց Չեխիայում հայտնի պրոդյուսեր, կոմպոզիտոր և երգերի հեղինակ Լեշեկ Վրոնկան (չեխ․՝ Lešek Wronka)։ 2006 թվականի նոյեմբերի 6-ին՝ 13 տարեկան հասակում, նա թողարկեց իր դեբյուտային «Měls mě vůbec rád» ալբոմը, որը բարձրացավ չեխական չարտերի բարձր հորիզոնականներ և ձեռք բերեց պլատինե կարգավիճակ։ Այդ ալբոմի շնորհիվ Ֆարնան արժանացավ բազմաթիվ հեղինակավոր մրցանակների և դարձավ հայտնի Չեխիայում ու Սլովակիայում։

Երկրորդ՝ «Ticho» ալբոմը թողարկվել է 2007 թվականի հոկտեմբերի 1-ին[3][4]։ Ինչպես առաջին ալբոմը, այս մեկը ևս ստացավ պլատինե կարգավիճակ։ 2008 թվականի նոյեմբերի 7-ին տեղի ունեցավ «Blíž ke hvězdám» համերգային տեսասկավառակի պրեմիերան, համերգը նկարահանվել էր 2008 թվականի հունիսի 17-ին Պրահայում։ Այդ սկավառակը 2008 թվականին Չեխիայի Հանրապետությունում ամենավաճառված DVD-ն էր։ Ալբոմում տեղ էր գտել 1 լեհերեն երգ՝ «Tam gdzie ty»։

2009 թվականի հոկտեմբերի 26-ին թողարկվեց Ֆարնայի ստուդիական ալբոմը, որը վերնագրվել էր «EWAkuacja»։ Լեհաստանում այդ ալբոմն առաջադրվեց որպես տարվա փոփ-ալբոմ, իսկ ինքը՝ երգչուհին, առաջադրվեց տարվա արտիստ կատեգորիայում։

2010 թվականի նոյեմբերի 5-ին լեհերենով թողարկվեց նոր՝ «EWAkuacja» ալբոմը։ Թողարկումից 2 շաբաթ անց ալբոմն արժանացավ ոսկե կարգավիճակի, իսկ 2011 թվականի մայիսին՝ պլատինե։ Ալբոմի առաջին սինգլ դարձավ «EWAkuacja» երգը, որն արժանացավ բազմաթիվ մրցանակների։

2011 թվականին Էվան որպես Լեհաստանի լավագույն արտիստ արժանացավ «MTV Europe Music Awards» մրցանակի և առաջադրվեց «Եվրոպական լավագույն կատարող» անվանակարգում։ Նա նաև «Český slavík» մրցույթում արժանացավ լավագույն երգչուհի մրցանակի։

2013 թվականի հոկտեմբերի 22-ին թողարկվեց լեհերեն «(W)INNA?» ալբոմը։ 2014 թվականի մայիսի 14-ին տեղի ունեցավ Leporelo սինգլի պրեմիերան։

2014 թվականի հունիսի 7-ին Օպոլեի փառատոնում Էվան ներկայացրեց (W)INNA? ալբոմի երրորդ սինգլը՝ Tajna Misja երգը։

Նոյեմբերի 6-ին երկու սկավառակով թողարկվեց INNA ալբոմը։ Առաջին սկավառակում Էվայի այնպիսի հայտնի երգերն էին, ինչպիսիք են Ewakuacja, Cicho և Znak։ Երկրորդ սկավառակը պարունակում էր երեք նոր երգեր և W Silnych Ramionach սինգլը, որը նախկինում թողարկվել էր կոմպոզիտոր Տոմեկ Լյուբերտի սկավառակով։

2016 թվականին Էվան նշեց իր երաժշտական կարիերայի տասնամյակը։ 2016 թվականի նոյեմբերի 11-ին կունենա մեգահամերգ, որտեղ կկատարի իր բոլոր հիթերը։

Սկավառակագրություն[խմբագրել | խմբագրել կոդը]

Ալբոմներ

  • Měls mě vůbec rád (2006)
  • Ticho (2007)
  • Sam na sam (2007)
  • Blíž ke hvězdám (2008)
  • Cicho (2009)
  • Virtuální (2009)
  • EWAkuacja (2010)
  • Ewa Farna Live (2011)
  • 18 LIVE (2011)
  • (W)Inna? (2013)
  • Leporelo (2014)
  • G2 Acoustic Stage (2015)
  • Inna (2015)

Սինգլներ

  • Měls mě vůbec rád (2006)
  • Zapadlej krám (2006)
  • Ticho (2007)
  • La la laj (2007)
  • Tam gdzie nie ma dróg (2007)
  • Jaký to je (2008)
  • Oto ja (դուետ Կուբա Մոլեդայի հետ, 2008)
  • Boží mlejny melou (2008)
  • Cicho (2009)
  • Dmuchawce, latawce, wiatr (2009)
  • Toužím (2009)
  • Ty jsi král (2009)
  • La la laj (լեհերեն տարբերակ, 2010)
  • Maska (2010)
  • Stejný cíl mám dál (դուետ Յանա Բենդինգի հետ, 2010)
  • Nie zmieniajmy nic (դուետ Կուբա Մոլեդայի հետ, 2010)
  • Ewakuacja (2010)
  • Bez łez (2011)
  • Nie przegap (2011)
  • Sama Sobě (2011)
  • Toxique Girls (Toxique խմբի հետ, 2012)
  • Znak (2013)
  • Ulubiona rzecz (2013)
  • Leporelo (2014)
  • Tajna misja (2014)
  • Z nálezů a krás (2014)
  • Rutyna (2015)
  • W Silnych Ramionach (feat. Lubert, 2015)
  • Tu (2015)
  • Na ostří nože (2016)

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Czech National Authority Database
  2. iDNES.cz (չեխերեն) — 2017.
  3. Chris True։ «Ewa Farna Biography»։ Allmusic։ Վերցված է մայիսի 16, 2009 
  4. «Ewa Farna Biography»։ ewafarna.cz։ Վերցված է մայիսի 16, 2009 

Արտաքին հղումներ[խմբագրել | խմբագրել կոդը]