Էլսա Կելլի

Վիքիպեդիայից՝ ազատ հանրագիտարանից
Էլսա Կելլի
 
Կուսակցություն՝ Քաղաքացիական ռադիկալ միություն
Կրթություն՝ Բուենոս Այրեսի համալսարան
Մասնագիտություն՝ փաստաբան, համալսարանի դասախոս, դատավոր և դիվանագետ
Ծննդյան օր փետրվարի 28, 1939(1939-02-28) (84 տարեկան)
Ծննդավայր Բուենոս Այրես, Արգենտինա
Քաղաքացիություն  Արգենտինա

Էլսա Ռոզա Դիանա Կելլի (իսպ.՝ Elsa Rosa Diana Kelly, փետրվարի 28, 1939(1939-02-28), Բուենոս Այրես, Արգենտինա), արգենտինացի իրավաբան, դիվանագետ։ Որպես փորձագետ` ներկայումս ՄԱԿ-ի ծովային իրավունքի միջազգային ատյանում դատավոր է։ Արգենտինայի դիվանագիտության պատմության մեջ բազմաթիվ պաշտոններ է ստանձնել և եղել է Արգենտինայի պաշտոնական ներկայացուցիչը (դեսպանը) Իտալիայում, Ավստրիայում և ՅՈՒՆԵՍԿՕ-ում։

Կենսագրություն[խմբագրել | խմբագրել կոդը]

Կելլին ծնվել է 1939 թվականի փետրվարի 23-ին Բուենոս Այրեսում[1]։ 1960 թվականին ավարտել է Բուենոս Այրեսի համալսարանի իրավաբանության ֆակուլտետը և Հարվարդի համալսարանի միջազգային հարաբերությունների կենտրոնի կողմից արժանացել է կրթաթոշակի։ Կելլին եղել է Միջազգային հանրային իրավունքի պրոֆեսոր[2]։ Նա սկսել է իր դիվանագիտական կարիերան Instituto del Servicio Exterior de la Nación համալսարան ընդունվելով։ Կելլին դարձել է դեսպան 1984 թվականին։ Միջազգային հարաբերությունների և կրոնի նախարարությունում նա մի շարք պաշտոններ է զբաղեցրել, ներառյալ՝ Դեսպանների բարձրագույն խորհրդի անդամի, մշակութային կապերի գծով տնօրենի և բնապահպանության հարցերով գլխավոր տնօրենի պաշտոնները։ Էլսան Ռաուլ Ալֆոնսինի ղեկավարությամբ նշանակվել է Արտաքին գործերի նախարարի տեղակալի պաշտոնում[3]։

1985-1989 թվականներին Փարիզում ՅՈՒՆԵՍԿՕ-ին (Միավորված ազգերի Կրթության, գիտության և մշակույթի կազմակերպությանը) ներկայացրել է Արգենտինան։ Մինչև 2003 թվականը եղել է Իտալիայում Արգենտինայի դեսպանը[4]։ 2003-2006 թվականներին եղել է Իտալիայում Արգենտինայի պաշտոնական ներկայացուցիչը[5]։ 2010 թվականին Կելլին նախագահ Քրիստինա Ֆերնանդես դե Կիրշների կողմից նշանակվել է Վաշինգտոնում կայացած Միջուկային Միջազգային գագաթաժողովի ազգային համակարգողի պաշտոնում։ 2011 թվականի հոկտեմբերի 1-ին նշանակվել է ՄԱԿ-ի ծովային իրավունքի միջազգային ատյանի դատավորի պաշտոնում՝ դառնալով կառույցի 20 անդամներից միակ կինը[6]։ Այս պաշտոնում նա մնացել է ինը տարի[7][8]։

Պարգևներ[խմբագրել | խմբագրել կոդը]

2008 թվականին Կոնեքս հիմնադրամի կողմից դիվանագիտական ոլորտում համար մատուցած ծառայությունների համար արժանացել է «Կոնեքս» մրցանակի[9]։

Ծանոթագրություններ[խմբագրել | խմբագրել կոդը]

  1. ↑ «Judge Elsa Kelly»։ International Tribunal for the Law of the Sea։ Արխիվացված է օրիգինալից 2016-08-16-ին։ Վերցված է հուլիսի 29, 2016 
  2. ↑ Infobae (հուլիսի 8, 2010)։ «Elsa Kelly, cerca de la Embajada argentina en Washington» (Spanish)։ Արխիվացված է օրիգինալից մարտի 13, 2016-ին։ Վերցված է մարտի 11, 2013 
  3. ↑ Perfil (նոյեմբերի 13, 2012)։ «Quién es Elsa Kelly, la esperanza de la Fragata» (Spanish)։ Արխիվացված է օրիգինալից 2016-03-04-ին։ Վերցված է մարտի 11, 2013 
  4. ↑ Clarín (օգոստոսի 23, 2000)։ «Elsa Kelly, con destino en Roma» (Spanish)։ Վերցված է մարտի 11, 2013 
  5. ↑ Prensa Argentina (փետրվարի 8, 2010)։ «Designan a Elsa Kelly como coordinadora nacional para la Cumbre Nuclear Global de Washington» (Spanish)։ Արխիվացված է օրիգինալից ապրիլի 3, 2013-ին։ Վերցված է մարտի 11, 2013 
  6. ↑ «General Assembly Adopts Resolution Aimed at Ensuring Sustainability of World’s Fisheries, as It Holds Annual Debate on UN Regime Protecting Seas, Oceans»։ United Nations։ դեկտեմբերի 6, 2011։ Վերցված է հուլիսի 29, 2016 
  7. ↑ Infobae (հունիսի 16, 2011)։ «Una diplomática argentina fue designada en el Tribunal del Mar de la ONU» (Spanish)։ Արխիվացված է օրիգինալից հունիսի 19, 2011-ին։ Վերցված է մարտի 11, 2013 
  8. ↑ Infobae Profesional (նոյեմբերի 14, 2012)։ «Quién es Elsa Kelly, la esperanza del Gobierno para recuperar la fragata Libertad» (Spanish)։ Վերցված է մարտի 11, 2013 
  9. ↑ Fundación Konex։ «Elsa Kelly» (Spanish)։ Վերցված է մարտի 11, 2013 (չաշխատող հղում)

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Էլսա_Կելլի&oldid=8824280» էջից