Էլիգուդերզ (պարս.՝ دورود), քաղաք Իրանի արևմուտքում՝ Լոռեսթան օսթանում (նահանգում), Էլիգուդերզ շահրեստանի վարչական կենտրոնը։ Վերջին մարդահամարի տվյալներով բնակչությունը կազմում է ▲89 268 մարդ (2016)[1]
Քաղաքը գտնվում է Լոռեսթանի արևելյան մասում՝ կենտրոնական Զագրոսի լեռնային տեղանքում, ծովի մակարդակից 1982 մետր բարձրության վրա[2], օսթանի վարչական կենտրոն Խորամաբադից 120 կմ արևելք, երկրի մայրաքաղաք Թեհրանից մոտ 290 կմ հարավ-արևմուտք։ Կլիման բարեխառն է, տարվա ընթացքում շատ են ցուրտ օրերը (մինչև 120), ինչն առաջին հերթին պայմանավորված է քաղաքի բարձրլեռնային դիրքով։ Տարեկան միջին ջերմաստիճանը +13 °C է։ Տեղումների միջին քանակը 270 մմ է[3]։
Քաղաքի բնակչությունը 2016 թվականի մարդահամարի տվյալներով կազմում էր 89 268 մարդ, որոնք կազմում էին 25 646 տնտեսություն[4]։ Բնակչությամբ Լոռեսթան օսթանի չորրորդ ամենախոշոր քաղաքն է Խորամաբադից, Բորուջերդից և Դորուդից հետո[5]։ Քաղաքի բնակչության փոփոխությունը ժամանակի ընթացքում բերված է աղյուսակում ստորև.
Էլիգուդերզի արևմուտքում գտնվում է լեռնաշղթան, որի բարձունքներից մեկը (Օշթորան Քուհը)[11], ունի ծովի մակարդակից ավելի քան 4000 մետր բարձրություն և ծածկված է սառցադաշտով։ Սառցադաշտի հալված ջրերը մի շարք լճեր են սնուցում, որոնք գտնվում են լեռնաշղթայի լանջերին։ Դրանցից ամենամեծը Գահար լիճն է[12] (կամ Գոլ Գահար), 1,5 կմ երկարությամբ և 600 մետր միջին լայնությամբ։ Քաղաքի շրջակայքում է գտնվում նաև Տամանդար լեռը[13] (3250 մ)՝ տարածաշրջանի ամենախոշոր որսահանդակներից մեկի հետ։
Իրան
