Զեմերինգ (լեռնադահուկային առողջարան)
| Առողջարան | |||
|---|---|---|---|
| Զեմերինգ | |||
| գերմ.՝ Semmering | |||
| |||
 Զեմերինգի լեռնադահուկային սահքուղին | |||
| Երկիր |  Ավստրիա | ||
| Նահանգ (Հող) | Ստորին Ավստրիա | ||
| Շրջան | Նեունկիրխեն | ||
| Բնակչություն | 571 մարդ (2016) | ||
| Պաշտոնական կայք | semmering.com | ||
| |||
Զեմերինգ (գերմ.՝ Semmering), Եվրոպայի հնագույն լեռնադահուկային առողջարան, որը գտնվում է Ավստրիայի մայրաքաղաք Վիեննայից 1 ժամ կամ շուրջ 100 կմ հեռավորության վրա։ Հիմնված լինելով դեռևս 1888 թվականին՝ այսօր այն հանդիսանում է դասական ավստրիական լեռնադահուկային առողջարան, որը գործում է ամբողջ տարին։ Ձմռանը գրավիչ է լեռնադահուկային և սահնակային սահուղիներով, իսկ ամռանը՝ ժամանակակից հեծանվաուղիով, քայլարշավային արահետներով և լեռնային լճերով[1][2][3]։
Զեմերինգ քաղաքային ավանը գտնվում է Ավստրիայի Ստորին Ավստրիա նահանգի հարավային Նեունկիրխեն շրջանում։ Հայտնի հանգստավայրը մի քանի անգամ դարձել է լեռնադահուկային սպորտի աշխարհի գավաթի առաջնության անցկացման վայր։ Զեմերինգի զբասաշրջային վերելքը սկսվեց այն բանի հետո, երբ 1854 թվականին այստեղ կառուցեցին երկաթուղի։ Չնայած վերջին տարիներին, ըստ հյուրանոցային տվյալների, զբոսաշրջիկների թվաքանակը պակասել է, այնուամենայնիվ Զեմերինգ է այցելում տարեկան շուրջ 100.000 զբոսաշրջիկ։ 2016 թվականի տվյալներով բնակավայրում ապրել է ընդամենը 577 մարդ[4]։
Պատմություն[խմբագրել | խմբագրել կոդը]
19-րդ դարում Զեմերինգի լեռնադահուկային առողջարանը մեծ համբավ էր վայելում վիեննական ազնվականության շրջանում։
Բնակավայրի պատմության նոր և կարևոր էջը սկսվում է 1854 թվականից՝ երկաթգծի կառուցումով։ Գնացքով հնարավոր եղավ Վիեննայից Զեմերինգ հասնել ընդամենը մի քանի ժամում։ Այցելուները նույնիսկ այդ մի քանի ժամը չէին զգում, քանի որ հրապուրվում էին գնացքի պատուհանից բացվող լեռնային գեղատեսիլ տեսարաններով։
Զեմերինգ հայտնի առողջարան էր համարվում դեռևս Ավստրիական կայսրության ձևավորումից առաջ։ Բնակավայրով հատկապես հրապուրվում էին նկարիչները, ովքեր ոգեշնչվում էին գեղեցիկ բնությամբ։
Հին դղյակների և պահպանված վայրի բնության շնորհիվ Զեմերինգն ունի յուրահատուկ հմայք։ 20-րդ դարի սկզբից շրջանում սկսեց զարգանալ լեռնադահուկային սպորտաձևը։ Ներկայում ձմեռային և ամառային զբոսաշրջային ուղղությունները հանդիսանում են հանգստավայրի և հարակից բնակավայրերի բնակիչների գլխավոր եկամտի աղբյուրները։
Տեղադրություն[խմբագրել | խմբագրել կոդը]
Զեմերինգը գտնվում է մոտավորապես մայրաքաղաք Վիեննայից 95 կմ դեպի հարավ և Գրացից 110 կմ հեռավորության վրա՝ Ավստրիայի Ստորին Ավստրիա և Շտիրիա նահանգների սահմանին։
Հանգստավայր հնարավոր է հասնել ավտոմեքենայով[5], գնացքով[6], ավտոբուսով[7], ձմեռային էքսպրեսով[8] և ինքնաթիռով[9]։
Զեմերինգի հեռավորությունը եվրոպական մոտակա քաղաքներից՝
- Բրատիսլավա՝ ~ 150 կմ
- Բուդապեշտ՝ ~ 300 կմ
- Բուխարեստ՝ ~ 1125 կմ
- Պրահա՝ ~ 488 կմ
Ավտոմեքենայով[խմբագրել | խմբագրել կոդը]
Ավտոմեքենայով Զեմերինգ հասնելու համար հնարավոր է օգտվել նավիգացիոն սարքերից հետևյալ պարամետրերով՝ Zauberberg 1, 2680 Semmering կամ Caroulusstraße 3, 2680 Semmering: Անհրաժեշտ է ընթանալ S6 կենտրոնական ավտոմայրուղով, Maria Schutz - Semmering կամ Spital am Semmering ցուցանակներից մոտից թեքվել[5]։
Գնացքով[խմբագրել | խմբագրել կոդը]
.jpg)
Զեմերինգը երկաթուղային գծով միացված է Ավստրիայի գրեթե բոլոր քաղաքներին։ Զեմերինգի կայարանից մինչև լեռնադահուկային ճոպանուղի հասնելու համար անհրաժեշտ է քայլել 20-25 րոպե։ Առկա է տաքսի ծառայություն, որի արժեքը նշված հատվածի համար կազմում է 6 եվրո մեկ անձը[6]։
Ավտոբուս[խմբագրել | խմբագրել կոդը]
Վիեննայից Blaguss traveling հարմարավետ ավտոբուսները ուղևորներին տեղափոխում են Զեմերինգ[7]։
Ձմեռային էքսպրես[խմբագրել | խմբագրել կոդը]
Ձմեռային էքսպրես ավտոբուսները մայրաքաղաք Վիեննայի ուղևորներին մեկ ժամում հասցնում են մինչև լեռնադահուկային ճոպանուղու սկզբնամաս։ Ուղևերափոխադրումները իրականացվում են կանոնավոր կերպով[8]։
Ինքնաթիռ[խմբագրել | խմբագրել կոդը]
Զեմերինգից Վիեննայի միջազգային օդանավակայանը 100 կմ, իսկ Գրացի օդանավակայանը 120 կմ հեռավորության վրա են գտնվում։ Թռիչքները կատարում են հետևյալ ավիաընկերությունները՝
Հանգիստ[խմբագրել | խմբագրել կոդը]
Ձմեռային հանգիստ[խմբագրել | խմբագրել կոդը]
Զեմերինգում լեռնադահուկային շրջանը տևում է նոյեմբերի կեսերից մինչև ապրիլի սկիզբ։ Լեռան բարձրությունը մոտ 400 մետր է։ Ձմռանը այցելուներին հասանելի են[1]՝
- 14 կմ ուղի ցերեկային սահքի համար, որից 3 կմ նորեկների համար է, 10 կմ-ը՝ միջին մակարդակի հմտությունների տիրապետողների և 1 կմ՝ մասնագետների,
- 13 կմ ուղի գիշերային սահքի համար (Զեմերինգի դահուկաուղին համարվում է իր տեսակի մեջ աշխարհի ամենալավ լուսավորվածներից մեկը),
- 12 կմ ուղի նախատեսված դահուկավազքի համար,
- 3 կմ-անոց սահնակային սահուղի գիշերային լուսավորությամբ,
- սնոուբորդի պուրակ (հալֆփայփ, քվոթեր պայփ),
- 3 ճոպանուղի։
Ամառային հանգիստ[խմբագրել | խմբագրել կոդը]
Ամռանը հանգստավայրը դառնում է առողջարանային և սպորտային կենտրոն։ Այստեղ կարելի է այցելել ինչպես ընտանեկան հանգստի, այնպես էլ էքստրեմալ հեծանվավածքի համար։ Հանգստավայրում է գտնվում Եվրոպայի ամենամեծ հեծանվաուղիներից մեկը։ Այն հաճախ դառնում է տարբեր տեսակի շնորհանդեսների և միջոցառումների անցկացման վայր, ինչպես օրինակ Mazda MX5 ավտոմեքենայի շնորհանդես, Race the night շուրջորյա հեծանվամրցումներ և այլն[2][14]։
Ամռանը Զեմերինգում հասանելի են[2]՝
- 7 տարբեր բարդության հեծանվաուղի, այդ թվում՝ նաև մանկական,
- 185 բարեկարգված քայլարշավային արահետներ,
- ձիավարություն,
- գոլֆի դաշտեր,
- ակտիվ հանգիստ,
- ՍՊԱ և առողջարանային ծառայություններ,
- լեռնային ռեստորաններ։
Բնակեցում[խմբագրել | խմբագրել կոդը]
Զեմերինգում գործում են բազմաթիվ հյուրանոցային համալիրներ, որոնցից ամենահինը համարվող Grand Hotel Panhans-ը հանդիսանում է հանգստավայրի տեսարժան վայրերից։ Հռչակավոր հյուրանոցներից է նաև Sporthotel Semmering հյուրանոցը[14]։
Հետաքրքիր փաստեր[խմբագրել | խմբագրել կոդը]
- Զեմերինգի երկաթուղին 1998 թվականին ընդգրկվել է ՅՈՒՆԵՍԿՕ-ի համաշխարհային ժառանգության ցուցակում։ Այն Եվրոպայի ամենահին լեռնային երկաթգիծն է։
- Զեմերինգում 2002, 2006, 2008, 2010 թվականներին անցկացվել է Լեռնադահուկային սպորտի աշխարհի գավաթի խաղարկությունը։
Ծանոթագրություններ[խմբագրել | խմբագրել կոդը]
- ↑ 1,0 1,1 Ձմեռային հանգիստ Զեմերինգում:(ռուս.)
- ↑ 2,0 2,1 2,2 Ամառային հանգիստ Զեմերինգում:(ռուս.)
- ↑ Զեմերինգի հեծանվաուղին:(ռուս.)
- ↑ Statistik Austria - Bevölkerung zu Jahresbeginn 2002-2016 nach Gemeinden (Gebietsstand 1.1.2016) for Semmering.(գերմ.)
- ↑ 5,0 5,1 Ինչպե՞ս հասնել Զեմերինգ ավտոմեքենայով:(ռուս.)
- ↑ 6,0 6,1 Ինչպե՞ս հասնել Զեմերինգ գնացքով:(ռուս.)
- ↑ 7,0 7,1 Ինչպե՞ս հասնել Զեմերինգ ավտոբուսով:(ռուս.)
- ↑ 8,0 8,1 Ինչպե՞ս հասնել Զեմերինգ ձմեռային էքսպրեսով:(ռուս.)
- ↑ Ինչպե՞ս հասնել Զեմերինգ ինքնաթիռով:(ռուս.)
- ↑ Austrian Airlines ավիաընկերության պաշտոնական կայք:
- ↑ «Fly Niki ավիաընկերության պաշտոնական կայք։». Արխիվացված է օրիգինալից 2017 թ․ նոյեմբերի 27-ին. Վերցված է 2017 թ․ նոյեմբերի 25-ին.
- ↑ TUI Fly ավիաընկերության պաշտոնական կայք:
- ↑ «ավիաընկերության պաշտոնական կայք։». Արխիվացված է օրիգինալից 2011 թ․ հուլիսի 9-ին. Վերցված է 2017 թ․ նոյեմբերի 25-ին.
- ↑ 14,0 14,1 Զեմերինգի առողջարանային ծառայություններ:(ռուս.)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Զեմերինգ (լեռնադահուկային առողջարան) կատեգորիայում։ |