Դրաժեն Պետրովիչ

Վիքիպեդիայից՝ ազատ հանրագիտարանից
Դրաժեն Պետրովիչ
Lipofsky-JDražen Petrović.jpg
Դիրքը Հարձակվող պաշտպան
Համար 44, 3, 4, 10, 5
Ի ծնե տրված անունը Դրաժեն Պետրովիչ
Ծննդյան ամսաթիվ Հոկտեմբերի 22, 1964թ.
Ծննդավայր Հարավսլավիա Շիբենիկ, Խորվաթական ԽՍՀ, Հարավսլավիա
Մահացել է Հունիսի 7, 1993թ. (28 տարեկանում)
Վախճանի վայրը Գերմանիա Դենկենդորֆ, Գերմանիա
Հասակ 196 սմ
Քաշ 91 կգ
Դրաֆթի տարի 1986 / ռաունդ` 3 / ընտր.` 60-րդ
Դրաֆթ ակումբ Պորտլենդ Թրեյլ Բլեյզերս
Կարիերայի պատմություն ՀարավսլավիաԿԿ Շիբենկա (1979–1983)
ՀարավսլավիաԿԿ Ցիբոնա (1984–1988)
ԻսպանիաՌեալ Մադրիդ ԲԱ (1988–1989)
Ամերիկայի Միացյալ ՆահանգներՊորտլենդ Թրեյլ Բլեյզերս (1989–1991)
Ամերիկայի Միացյալ ՆահանգներՆյու Ջերսի Նեթս (1991–1993)
Կարիերայի ցուցանիշներ 4,461 (15,4 միավոր/խաղ)

Դրաժեն Պետրովիչ (խոր.` Dražen Petrović, հոկտեմբերի 22, 1964 – հունիսի 7, 1993), հարավսլավացի և խորվաթ նշանավոր բասկետբոլիստ։ Խաղացել է որպես ռմբարկու։ Մեծ հաջողություններ է ունեցել 1980-ականներին` Եվրոպայում հանդես գալու տարիներին։ 1989 թ.-ին միանում է NBA-ին` մինչև կյանքի վերջը խաղալով «Պորտլենդ Թրեյլբլեյզերսի» և «Նյու Ջերսի Նեթսի» կազմում։ Պետրովիչը մահացել է ավթովթարից` ընդամենը 28 տարեկան հասակում։ Արժանացել է բազմաթիվ մրցանակների ու տիտղոսների։

Իր ճանաչումն ու փառքը ավելի հավերժացնելու համար Պետրովիչը 1989 թ.-ին հաստատվում է Բասկետբոլի ազգային ասոցիացիայում (NBA)` միանալով «Պորտլենդ Թրեյլբլեյզերսին», որի կազմում, սակայն, Պետրովիչն ավելի շատ հանդես էր գալիս որպես պահեստային։ Սակայն 1991թ.-ին փոխանակվում և տեղափոխվում է «Նյու Ջերսի Նեթս», որի կազմում արդեն դառնում է մեկնարկային խաղացող և նույնիսկ ճանաչվում լիգայի լավագույն ռմբարկուներից մեկը։

Պետրովիչն իր մեծ ավանդն ունի մեր օրերում սովորական դարձած եվրոպացի բասկետբոլիստների` NBA տեղափոխվելու և իրենց կարիերաներն այնտեղ շարունակելու մեջ։ 1999 թվականին «Նյու Ջերսի Նեթսը» հավերժացնում է նրա 3-րդ համարի խաղաշապիկը։ 2002 թվականին Պետրովիչին հետմահու ընդունում են Բասկետբոլի փառքի սրահ։

Արտաքին հղումներ[խմբագրել]

Commons-logo.svg