Դոմինիկ Սոլանկե

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Դոմինիկ Սոլանկե
անգլ.՝ Dominic Solanke
Dominic Solanke v Maribor 2014.jpg
Սոլանկեն Մարիբորի դեմ խաղի ժամանակ
Անձնական տվյալներ
Ամբողջական անուն Dominic Ayodele Solanke-Mitchell
Քաղաքացիությունը Անգլիա Անգլիա
Ծննդյան ամսաթիվ սեպտեմբերի 14, 1997(1997-09-14)[1] (21 տարեկան)
Ծննդավայր Բասինգստոկ, Անգլիա
Հասակ 185 սմ
Քաշ 75 կիլոգրամ
Դիրք հարձակվող
Ակումբային տեղեկություններ
Ներկա ակումբ Անգլիա Լիվերպուլ
Պատանեկան կարիերա
2004-2015 Անգլիա Չելսի
Մասնագիտական կարիերա*
Տարի Ակումբ Խաղ (գոլ)
2014-2017 Անգլիա Չելսի 0 (0)
2015-2016Նիդերլանդներ Վիտես 25 (7)
2017-ներկա Անգլիա Լիվերպուլ 0 (0)
Ազգային հավաքական
2012-2013 Անգլիա Անգլիա (մինչև 16) 6 (1)
2013-2014 Անգլիա Անգլիա (մինչև 17) 14 (11)
2014-2015 Անգլիա Անգլիա (մինչև 18) 7 (3)
2015-2016 Անգլիա Անգլիա (մինչև 19) 10 (3)
2016-ներկա Անգլիա Անգլիա (մինչև 20) 15 (10)
2015-ներկա Անգլիա Անգլիա (մինչև 21) 3 (0)
* Մասնագիտական կարիերայում ընդգրկված են միայն առաջնության խաղերը և գոլերը:

Դոմինիկ Սոլանկե (անգլ.՝ Dominic Solanke, սեպտեմբերի 14, 1997(1997-09-14)[1], Ռեդինգ), անգլիացի պրոֆեսիոնալ ֆուտբոլիստ: Ներկայումս հանդես է գալիս անգլիական Չելսիում: Հիմնականում խաղում է հարձակվողի դիրքում, սակայն կարող է խաղալ նաև որպես վինգեր կամ հարձակվողական ոճի կիսապաշտպան[2]։

Սոլանկեն ներկայացրել է Անգլիան բոլոր երիտասարդական հավաքականներում: Իր հավաքականների հետ հաղթել է 2014 թվականի մինչև 17 տարեկանների Եվրոպայի առաջնությունը և 2017 թվականի մինչև 20 տարեկանների աշխարհի առաջնությունը, որում ճանաչվել է առաջնության լավագույն ֆուտբոլիստ:

2017 թվականի մայիսի 30-ին պայմանագիր է կնքել Լիվերպուլի հետ[3]։

Ակումբային կարիերա[խմբագրել | խմբագրել կոդը]

Չելսի[խմբագրել | խմբագրել կոդը]

2013-2014 մրցաշրջանի ընթացքում Չելսիի մինչև 18 տարեկանների թիմի կազմում Սոլանկեն 20 գոլ խփեց 25 խաղերում: 2014 թվականի մայիսի 6-ին Անգլիայի երիտասարդական գավաթի եզրափակչի ժամանակ՝ Ֆուլհեմի դեմ խաղում 2 գոլ խփեց խաղի վերջին րոպեներին, որոնց շնորհիվ Չելսին կամային հաղթանակ տարավ 5-3 հաշվով և 7-6 հաշվով երկու խաղերի արդյունքում, այդպիսով հաղթելով երիտասարդական գավաթը: Հուլիսի 29-ին Ժոզե Մոուրինյոն ասեց, որ ինքն է մեղավոր, որ հիմա Սոլանկեն չի խաղում Անգլիայի ազգային հավաքականում և հայտարարեց, որ 2014-2015 մրցաշրջանում Սոլանկեն մարզվելու է Չելսիի առաջին թիմի հետ[4]։

2014-2015 մրցաշրջան[խմբագրել | խմբագրել կոդը]

Դիեգո Կոստայի վնասվածքի հետևանքով, 2014 թվականի հոկտեմբերի 18-ին Սոլանկեն հայտավորվեց Պրեմիեր Լիգայի՝ Քրիսթալ Պելասի դեմ հանդիպման համար, սակայն այդպես էլ դաշտ դուրս չեկավ[5]: Ավելի ուշ նույն շաբաթվա մեջ՝ հոկտեմբերի 21-ին, նա իր դեբյուտն անցկացրեց պրոֆեսիոնալ մակարդակում՝ Չեմպիոնների Լիգայի՝ Մարիբորի դեմ հանդիպման 73-րդ րոպեին փոխարինելով Օսկարին[6]: Նա դարձավ Չելսիի ամենաերիտասարդ ֆուտբոլիստը, ով ելույթ է ունեցել Չեմպիոնների Լիգայում:

Երիտասարդական մակարդակում Սոլանկեն շարունակում էր գոլեր խփել: Մինչև Սուրբ Ծննդյան տոները նա խփել էր 15 գոլ 16 խաղերում և դարձել էր ՈւԵՖԱ Երիտասարդական Գավաթի խմբային փուլի լավագույն ռմբարկուն խմբային փուլի վերջին խաղում՝ Սպորտինգի դեմ հանդիպման ժամանակ խփած հեթ-տրիկի շնորհիվ: 2015 թվականի ապրիլի 10-ին Երիտասարդական գավաթի կիսաեզրափակչի Ռոմայի դեմ խաղում Սոլանկեն դուբլ հեղինակեց[7], իսկ Չելսին անցավ եզրափակիչ: Եզրափակչում՝ Շախտյորի դեմ խաղում նա նույնպես գրավեց դարպասը: Չելսին դարձավ չեմպիոն, իսկ Սոլանկեն դարձավ առաջնության լավագույն ռմբարկու՝ 9 խաղերում խփած 12 գոլով: Նա նաև գոլ խփեց Անգլիայի երիտասարդական գավաթի եզրափակչում, որում Չելսին հաղթեց Մանչեսթեր Սիթիին 3-1 հաշվով[8]: Մայիսի 7-ին Լիվերպուլի մինչև 21 տարեկանների թիմի դեմ խաղում անգլիացին հեթ-տրիկ ձևակերպեց՝ հատելով մրցաշրջանում խփած 41 գոլերի սահմանը:

2015 թվականի մայիսի 30-ին Թայլանդի առաջնության լավագույն ֆուտբոլիստների դեմ ընկերական խաղում Սոլանկեն խաղաց Չելսիի կազմում և դարձավ խաղի միակ գոլի հեղինակը[9]:

2015-2016 մրցաշրջան. Վիտես (վարձավճարով)[խմբագրել | խմբագրել կոդը]

2015 թվականի օգոստոսի 4-ին Սոլանկեն 1 տարվա վարձավճարով տեղափոխվեց հոլանդական Վիտես, որպեսզի ստանա առաջին թիմի խաղային փորձ[10]: Նա Չելսիի 5-րդ ֆուտբոլիստն էր, որ այդ ամռանը վարձավճարով տեղափոխվեց Վիտես: Ակումբում ստացավ 9 համարի մարզաշապիկը:

ՖԻՖԱ-ից Հոլանդիայում խաղալու թույլտվություն ստանալուց հետո Սոլանկեն Վիտեսում իր դեբյուտը նշեց 2015 թվականի օգոստոսի 23-ին՝ փոխարինման դուրս գալով Ֆեյենորդի դեմ խաղի 79-րդ րոպեին[11]: Օգոստոսի 30-ին նա Կամբյուրի դեմ խաղի ավարտից 15 րոպե առաջ փոխարինման դուրս եկավ և խփեց իր առաջին գոլը հոլանդական ակումբի կազմում[12]: Հոկտեմբերի 4-ին անգլիացին խփեց մրցաշրջանի իր երկրորդ գոլը՝ գրավելով Գրոնինգենի դարպասը[13]: Հոկտեմբերի 18-ին նա հաջողությամբ իրացրեց 11-մետրանոցը Զվոլեի դեմ խաղում[14]: Հոկտեմբերի 31-ին Էքսելսյորի դեմ խաղում նույնպես Սոլանկեն գրավեց հակառակորդի դարպասը 11-մետրանոցից[15]: Նա խփեց մրցաշրջանի իր 5-րդ գոլը դեկտեմբերի 18-ին՝ Տվենտեի դեմ խաղում[16]: 2016 թվականի մարտի 20-ին Գրոնինգենի դեմ խաղում Սոլանկեն փոխարինման մտավ 65-րդ րոպեին և դուբլ հեղինակեց, իսկ խաղն ավարտվեց 3-0 հաշվով[17]:

Մրցաշրջանը ավարտվեց 7 գոլով 25 խաղերում՝ հետ մնալով ակումբի լավագույն ռմբարկու Վալերի Կազաեշվիլիից 3 գոլով[18]:

2016-2017 մրցաշրջան[խմբագրել | խմբագրել կոդը]

2016 թվականի ապրիլին հաղորդվեց, որ Չելսիի և Սոլանկեի միջև պայմանագրի երկարացման բանակցությունները կանգ են առել, քանի որ երիտասարդ ֆուտբոլիստը պահանջում էր շաբաթական 50,000 ֆունտ ստերլինգ աշխատավարձ[19]: Այնուամենայնիվ, The Telegraph թերթը հետագայում պարտադրվեց տպագրել այս պնդման հերքումը[20]: Տարբեր վարձավճարի առաջարկներ մերժելուց հետո Սոլանկեն մնաց Չելսիում և դարձավ թիմի երրորդ հարձակվողը՝ Դիեգո Կոստայից և Միչի Բատշուայիյից հետո 2016-2017 մրցաշրջանի համար: 2016 թվականի օգոստոսի 23-ին Սոլանկեն հայտավորվեց Չելսիի կազմում 2014 թվականի հոկտեմբերից հետո առաջին անգամ: Սակայն Ֆուտբոլային Լիգայի գավաթի Բրիստոլ Ռովերսի դեմ խաղում նա այդպես էլ դաշտ դուրս չեկավ[21]:

Սոլանկեի հետ պայմանագրի բանակցությունները փակուղի մտան, ինչի հետևանքով Սոլանկեն դուրս մնաց թիմի կազմից: 2017 թվականի փետրվարին Չելսիի գլխավոր մարզիչ Անտոնիո Կոնտեն հաստատեց, որ ամենայն հավանականությամբ հաջորդ մրցաշրջանում Սոլանկեն կլքի ակումբը պայմանագրի լրանալու պատճառով[22]:

Լիվերպուլ[խմբագրել | խմբագրել կոդը]

2017 թվականի մայիսի 30-ին հաստատվեց, որ հուլիսի 1-ին Սոլանկեն կմիանա Լիվերպուլին: Վճարվող գումարը պետք է որոշվի դատարանի կողմից: Ակնկալվում է, որ Լիվերպուլը կվճարի մոտ 3 միլիոն ֆունտ ստերլինգ[23]:

Միջազգային կարիերա[խմբագրել | խմբագրել կոդը]

Սոլանկեն ներկայացրել է Անգլիան բոլոր տարիքային երիտասարդական հավաքականներում:

Հաղթել է 2014 թվականի մինչև 17 տարեկանների Եվրոպայի առաջնությունը՝ կիսելով առաջնության լավագույն ռմբարկուի տիտղոսը Յարի Սխյուրմանի հետ: Նա դարձավ 4 գոլի հեղինակ 4 խաղերում՝ դուբլ Թուրքիայի դեմ, գոլ կիսաեզրափակչում և ևս մեկ գոլ եզրափակչում:

2015 թվականի հունվարին ճանաչվել է 2014 թվականի լավագույն երիտասարդ ֆուտբոլիստ: Դրանից հետո Սոլանկեն հրավիրվեց Անգլիայի ազգային հավաքականում մարզվելու:

Մասնակցել է Եվրոպայի մինչև 19 տարեկանների ֆուտբոլի առաջնությանը, սակայն Անգլիան դուրս մնաց կիսաեզրափակչում:

Սոլանկեն իրավասու է ներկայացնել Նիգերիայի հավաքականը, քանի որ նա ծագումով այնտեղից է:

Իր հավաքականի հետ Սոլանկեն մասնակցեց 2017 թվականի մինչև 20 տարեկանների աշխարհի առաջնությանը և դարձավ առաջնության լավագույն ֆուտբոլիստ՝ օգնելով իր թիմին հաղթել գավաթը[24]։

Ակումբային վիճակագրություն[խմբագրել | խմբագրել կոդը]

2016 թվականի մայիսի 1-ի դրությամբ

Ակումբ Մրցաշրջան Առաջնություն Գավաթ Եվրոպա Այլ Ընդհանուր
Դիվիզիոն Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Չելսի 2014–15 Պրեմիեր Լիգա 0 0 0 0 1 0 1 0
2016–17 Պրեմիեր Լիգա 0 0 0 0 0 0
Ընդհանուր 0 0 0 0 1 0 0 0 1 0
Վիտես 2015–16 Էրեդիվիզիա 25 7 1 0 0 0 26 7
Կարիերայի ընդհանուր 25 7 1 0 1 0 27 7

Նվաճումներ[խմբագրել | խմբագրել կոդը]

Ակումբ[խմբագրել | խմբագրել կոդը]

Չելսիի երիտասարդական[խմբագրել | խմբագրել կոդը]

Միջազգային[խմբագրել | խմբագրել կոդը]

Անգլիա (մինչև 16)[խմբագրել | խմբագրել կոդը]
  • Victory Shield. 2012[25]
Անգլիա (մինչև 17)[խմբագրել | խմբագրել կոդը]
  • Եվրոպայի մինչև 17 տարեկանների առաջնություն. 2014
Անգլիա (մինչև 20)[խմբագրել | խմբագրել կոդը]
  • Աշխարհի մինչև 20 տարեկանների առաջնություն. 2017

Անհատական[խմբագրել | խմբագրել կոդը]

  • Չելսիի Ակադեմիայի տարվա լավագույն ֆուտբոլիստ. 2014-2015
  • Անգլիայի տարվա լավագույն երիտասարդ ֆուտբոլիստ. 2015
  • Մինչև 20 տարեկանների աշխարհի առաջնության լավագույն ֆուտբոլիստ. 2017

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt — 2000.
  2. «Dominic Solanke - Player Profile 16/17 | Transfermarkt» (անգլերեն)։ Վերցված է 2017-06-12 
  3. «Reds agree terms to sign Dominic Solanke»։ Liverpool FC։ Վերցված է 2017-06-12 
  4. «Mourinho: Our bright blue future»։ www.chelseafc.com (en-gb)։ Վերցված է 2017-06-12 
  5. «Crystal Palace 1-2 Chelsea»։ BBC Sport (en-GB)։ 2014-10-18։ Վերցված է 2017-06-12 
  6. «Chelsea 6-0 NK Maribor»։ BBC Sport (en-GB)։ 2014-10-21։ Վերցված է 2017-06-12 
  7. uefa.com։ «UEFA Youth League 2015 - Roma-Chelsea – UEFA.com»։ Uefa.com (անգլերեն)։ Վերցված է 2017-06-12 
  8. «Chelsea beat Manchester City 3-1 in FA Youth Cup first leg»։ Sky Sports (անգլերեն)։ Վերցված է 2017-06-12 
  9. «Match report: Thailand All-Stars 0 Chelsea 1»։ www.chelseafc.com (en-gb)։ Վերցված է 2017-06-12 
  10. «Solanke loaned to Vitesse»։ www.chelseafc.com (en-gb)։ Վերցված է 2017-06-12 
  11. «Feyenoord vs. Vitesse - 23 August 2015 - Soccerway»։ us.soccerway.com (անգլերեն)։ Վերցված է 2017-06-12 
  12. «Cookiemelding - LC.nl»։ www.lc.nl (հոլանդերեն)։ Վերցված է 2017-06-12 
  13. «Vitesse vs. Groningen - 4 October 2015 - Soccerway»։ us.soccerway.com (անգլերեն)։ Վերցված է 2017-06-12 
  14. «Eredivisie (Sky Sports)»։ SkySports (անգլերեն)։ Վերցված է 2017-06-12 
  15. «Excelsior vs. Vitesse - 31 October 2015 - Soccerway»։ us.soccerway.com (անգլերեն)։ Վերցված է 2017-06-12 
  16. «Eredivisie (Sky Sports)»։ SkySports (անգլերեն)։ Վերցված է 2017-06-12 
  17. «Eredivisie (Sky Sports)»։ SkySports (անգլերեն)։ Վերցված է 2017-06-12 
  18. «Vitesse 2015-16 Top Scorers - Football»։ www.sportsmole.co.uk (en-GB)։ Վերցված է 2017-06-12 
  19. «Chelsea quoted £50,000 a week to keep Dominic Solanke»։ Mail Online։ Վերցված է 2017-06-12 
  20. «Telegraph retracts claims about Chelsea youngster Dominic Solanke’s £50,000 wage demands»։ We Ain't Got No History։ Վերցված է 2017-06-12 
  21. «Chelsea vs. Bristol Rovers - 23 August 2016 - Soccerway»։ uk.soccerway.com (անգլերեն)։ Վերցված է 2017-06-12 
  22. Metro.co.uk Louis Sealey for (2017-02-17)։ «Antonio Conte aims subtle dig at Chelsea youngster»։ Metro։ Վերցված է 2017-06-12 
  23. «OFFICIAL: Liverpool reach agreement for Dominic Solanke signing from Chelsea - Goal.com»։ Goal.com (անգլերեն)։ 2017-05-30։ Վերցված է 2017-06-12 
  24. FIFA.com։ «FIFA U-20 World Cup Korea Republic 2017 - Awards - FIFA.com»։ FIFA.com (en-GB)։ Վերցված է 2017-06-12 
  25. «Sky Sports Victory Shield (U16 Boys)» 

Արտաքին հղումներ[խմբագրել | խմբագրել կոդը]