Դեվեն Վարմա

Վիքիպեդիայից՝ ազատ հանրագիտարանից
Jump to navigation Jump to search
Դեվեն Վարմա
անգլ.՝ Deven Verma
հինդի՝ देवेन वर्मा
Ծնվել էհոկտեմբերի 23, 1930(1930-10-23) կամ հոկտեմբերի 23, 1937(1937-10-23)[1]
ԾննդավայրՊունա, Bombay Presidency, Բրիտանական Հնդկաստան
Մահացել էդեկտեմբերի 2, 2014(2014-12-02)
Մահվան վայրՊունա, Մահարաշտրա, Հնդկաստան
ԿրթությունSavitribai Phule Pune University?
ՔաղաքացիությունFlag of India.svg Հնդկաստան
Մասնագիտությունկինոդերասան, կինոռեժիսոր, կինոպրոդյուսեր, սցենարիստ և հեռուստատեսային դերասան
Պարգևներ և մրցանակներFilmfare Award for Best Performance in a Comic Role?, Filmfare Award for Best Performance in a Comic Role? և Filmfare Award for Best Performance in a Comic Role?

Դեվեն Վարմա (անգլ.՝ Deven Verma, հինդի՝ देवेन वर्माհոկտեմբերի 23, 1930(1930-10-23) կամ հոկտեմբերի 23, 1937(1937-10-23)[1], Պունա, Bombay Presidency, Բրիտանական Հնդկաստան - դեկտեմբերի 2, 2014(2014-12-02), Պունա, Մահարաշտրա, Հնդկաստան), կինոյի և հեռուստատեսության հնդիկ դերասան։ Նկարահանվել է 149 ֆիլմում, որոնց մի մասը հինդի լեզվով է, իսկ մի քանիսը՝ մարաթի և բհոճպուրի լեզուներով[2]։ Լավագույն զավեշտական դերակատարման համար երեք անգամ արժանացել է «Filmfare Award» մրցանակի[3]։

Կենսագրություն և գործունեություն[խմբագրել | խմբագրել կոդը]

Դեվեն Վարման ծնվել է 1937 թվականի հոկտեմբերի 23-ին[4]։ Հայրը՝ Բալդև Սինգհ Վարման, սկզբում զբաղվում էր արծաթագործությամբ, այնուհետև ֆիլմերի վարձույթով, իսկ մայրը տնային տնտեսուհի էր։ Դեվենն ունի չորս քույր։ Ընտանիքը տեղափոխվել է Պունա, որպեսզի Բոմբեյում տեղի ունեցող անկարգությունները չխանգարեն ավագ քրոջը ուսում ստանալ[2]։ Դեվենը հաճախել է Պանչգանիի գիշերօթիկ դպրոց, որից հետո՝ 1953-1957 թվականներին՝ Նովրոսջե Վադիա քոլեջ, որտեղ ուսումնասիրել է սոցիոլոգիա և քաղաքագիտություն։ Այնուհետև ընդունվել է Բոմբեյի իրավաբանական քոլեջ, որը կես տարի անց կիսատ է թողել[2]։

Դեռևս քոլեջում սովորելու տարիներին Վարման մասնակցում էր ուսանողական պիեսներին և երիտասարդական փառատոններին։ Կրթություն ստանալուց հետո միացել է թատերախմբին և սկսել հանդես գալ բեմում։ Այդ ելույթներից մեկի ժամանակ նրան նկատել է Բ․ Ռ․ Չոպրան և առաջարկեց օժանդակ դեր իր եղբոր՝ Յաշ Չոպրայի «Ճակատագրի որդին» ֆիլմում (1961)։ Թեև ֆիլմը տապալվել է վարձույթում, սակայն «AVM Productions» ընկերության ղեկավար Ա․ Վ․ Մեյյապանը Դեվինի հետ կնքել է եռամյա պայմանագիր[2]։ Պայմանագիրը կատարելու համար Վարման մնացել է Մադրասում (այժմ՝ Չեննայ), որտեղ բարելավել է իր դերասանական վարպետությունը։

Նրա կատակերգական տաղանդն առաջին անգամ հայտնվել է «Սխալ պատկերացում» ֆիլմում (1963), որտեղ նա խաղում էր Աշոկ Կումարի հերոսի սպասավորի դերը։ ծառայությունը։ Ֆիլմը նրա վրա ուշադրություն հրավիրեց, ինչի արդյունքում ստացավ մի շարք դերերի առաջարկներ, թեև համաձայնում էր նկարահանվել տարվա մեջ երկուսից ոչ ավելի ֆիլմերում[4]։ Այդ ժամանակ նրա առաջին պայմանագրի ժամկետը լրացել էր, և նա վերադարձավ Բոմբեյ։ Այս տարիների ընթացքում նա խաղացել է բոլիվուդյան մի շարք դրամաներում, այդ թվում՝ «Անուպամա» (1966), «Լռություն» (1970)[5]։ Նա հաջողությամբ խաղաց բարեսիրտ դերասանի դերը Գուլզարի մեկ այլ՝ «Փնտրում եմ քեզ» դրամայում (19711969 թվականին Դեվենըն առաջին անգամ փորձեց իրեն որպես պրոդյուսեր «Yakeen» ֆիլմում։ Ընդհանուր առմամբ նա իր գործունեության ընթացքում նկարահանել է ութ ֆիլմ, որոնցից չորսում եղել է նաև ռեժիսոր՝ «Nadaan» (1971), «Bada Kabutar» (1973), «Besharam» (1978) և «Dana Paani» (1989)[2]։

Ամեն ինչ փոխվեց 1975 թվականին, երբ «Chori Mera Kaam» ֆիլմում դերակատարման համար նա ստացավ իր առաջին «Filmfare Award» մրցանակը՝ կատակերգական դերի լավագույն կատարման համար։ Դերասանին սկսեցին ավելի շատ առաջարկներ անել, և Դեվենը, չկարողանալով մերժել իր ընկերները դարձած շատ կինոռեժիսորների, արդյունքում միաժամանակ նկարահանվեց 16 ֆիլմում[2]։ «Angoor» ֆիլմում (1982) Բահադուրի կրկնակի դերը, Ուիլյամ Շեքսպիրի «Սխալների կատակերգություն» պիեսի ադապտացիան, համարվում են հինդիով ամենածիծաղաշարժ դերերից։ Նրա հիշարժան ֆիլմերի թվում են նաև՝ «Chor Ke Ghar Chor», «Ամեն ինչ բեղերի մեջ է», «Khatta Meetha», «Naasstik», «Inciter», «Heart», «Separation», «Ես ուզում եմ ամուսնանալ միլիոնատիրոջ դստեր հետ» և «Խենթ սիրտ»: Դերասանը հեռացել է կինոյից «Ճակատագրական հանդիպում» ֆիլմից հետո (2003):

Դեվեն Վարման տեղափոխվել է հիվանդանոց 2014 թվականի դեկտեմբերի 1-ին, որտեղ դեկտեմբերի 2-ին՝ ժամը 1:45-ին, մահացել է[6]: Վարման ամուսնացած էր դերասան Աշոկ Կումարի կրտսեր դստեր՝ Ռուպե Գանգուլիի հետ[7]:

Մրցանակներ[խմբագրել | խմբագրել կոդը]

Կատակերգական դերերի լավագույն կատարման համար դերասանը 13 անգամ ներկայացվել «Filmfare Award» մրցանակի, որից չորս անգամը՝ երկու զուգահեռ անվանակարգում (1977, 1979, 1980 և 1981), և 3 անգամ հաղթող է ճանաչվել հետևյալ ֆիլմերի համար․

  • 1976 - Chori Mera Kaam[8]
  • 1979 - Chor Ke Ghar Chor[9]
  • 1983 - Angoor[10]

Ծանոթագրություններ[խմբագրել | խմբագրել կոդը]

  1. 1,0 1,1 Person Profile // Internet Movie Database — 1990.
  2. 2,0 2,1 2,2 2,3 2,4 2,5 Patcy N (2014-12-02)։ «Why Deven Varma retired from the movies» (անգլերեն)։ Rediff.com։ Վերցված է 2015-02-03 
  3. «Deven Verma: Bollywood actor dead» (անգլերեն)։ BBC։ 2014-12-02։ Վերցված է 2015-02-04 
  4. 4,0 4,1 «Deven Verma: A man of love, life and laughs!»։ DNA India (անգլերեն)։ 2014-12-02։ Վերցված է 2015-02-03 
  5. Shoumojit Banerjee (2014-12-02)։ «Deven Verma no more»։ The Hindu (անգլերեն)։ Վերցված է 2015-02-04 
  6. Garima Rakesh Mishra (2014-12-02)։ «Veteran comedian Deven Verma dies at 77 in Pune»։ The Indian Express (անգլերեն)։ Վերցված է 2015-02-03 
  7. «Veteran actor Deven Verma dies of heart attack in Pune»։ Hindustan Times (անգլերեն)։ 2014-12-02։ Վերցված է 2015-02-04 
  8. Лауреаты Արխիվացված է Փետրվար 26, 2011 Wayback Machine-ի միջոցով:(անգլ.) 23-й церемонии награждения Filmfare Awards (за работы 1975 года) на официальном сайте премии.
  9. Лауреаты Արխիվացված է Մարտ 12, 2009 Wayback Machine-ի միջոցով:(անգլ.) 26-й церемонии награждения Filmfare Awards (за работы 1978 года) на официальном сайте премии.
  10. Лауреаты Archived 2012-07-09 at Archive.is(անգլ.) 30-й церемонии награждения Filmfare Awards (за работы 1982 года) на официальном сайте премии.