Դանիել Դրինքուոթեր

Վիքիպեդիայից՝ ազատ հանրագիտարանից
Դանի Դրինքուոթեր
անգլ.՝ Danny Drinkwater
Անձնական տվյալներ
Ամբողջական անուն Դանիել Նոել Դրինքուոթեր
Ազգությունը Անգլիացի
Քաղաքացիությունը Անգլիա Անգլիա
Ծննդյան ամսաթիվ մարտի 5, 1990(1990-03-05)[1][2] (34 տարեկան)
Ծննդավայր Անգլիա Անգլիա
Հասակ 175 սմ
Քաշ 70 կգ
Դիրք Կիսապաշտպան
Ակումբային տեղեկություններ
Ներկա ակումբ Լեսթեր Սիթի
Համար 4
Պատանեկան կարիերա
2006-2009 Անգլիա Մանչեսթեր Յունայթեդ
Մասնագիտական կարիերա*
Տարի Ակումբ Խաղ (Գոլ)
2009-2012 Անգլիա Մանչեսթեր Յունայթեդ 0 (0)
2009-2010 Անգլիա Խադերսֆիլդ Թաուն 35 (2)
2010-2011 Անգլիա Քարդիֆ Սիթի 9 (0)
2011 Անգլիա Ուոթֆորդ 12 (0)
2011-2012 Անգլիա Բարնսլի 17 (1)
2012-մ.հ. Անգլիա Լեսթեր Սիթի 167 (13)
Ազգային հավաքական
2007-2008 Անգլիա Անգլիա (մինչև 18 տ) 2 (1)
2008-2009 Անգլիա Անգլիա (մինչև 19 տ) 12 (0)
2016-մ.հ. Անգլիա Անգլիա 3 (0)
* Մասնագիտական կարիերայում ընդգրկված են միայն առաջնության խաղերը և գոլերը:

Դանիել Նոել Դրինքուոթերը (անգլ.՝ Daniel Noel Drinkwater մարտի 5, 1990(1990-03-05)[1][2], Մանչեսթեր, Մեծ Մանչեսթեր, Միացյալ Թագավորություն) - անգլիացի ֆուտբոլիստ, Պրեմիեր Լիգայի «Լեսթեր Սիթի» ակումբի և Անգլիայի հավաքականի կիսապաշտպան։ Դանին «Մանչեսթեր Յունայթեդի» ակադեմիայի սան է։

Ակումբային կարիերա[խմբագրել | խմբագրել կոդը]

Մանչեսթերում ծնված Դանին մարզվել սկսել է 9 տարեկանից՝ «Մանչեսթեր Յունայթեդի» ակադեմիայում։ 2006 թվականի հուլիսին նա ակումբի մանկապատանեկական թիմիմ հետ պայմանագիր կնքեց։ 2008 թվականի հուլիսի 31-ին Լանկաշիրայի Մեծ գավաթի եզրափակչում՝ «Լիվերպուլի» ակադեմիայի դեմ խաղում Դրինքուոթերը փոխարինման դուրս եկավ Ռոդրիգո Պոսսեբոնի փոխարեն և խաղի ավարտից երեք րոպե առաջ խփեց հաղթական գոլը։ 2008-09 մրցածրջանում Դանին անցկացրեց 18 խաղ «Յունայթեդի» պահեստային կազմում և 2 գոլ խփեց։

2009 թվականի մայիսի 24-ին Պրեմիեր Լիգայի վերջին տուրում՝ «Հալլ Սիթի» դեմ խաղում Դրինքուոթերը առաջին անգամ թիմի հիմնական կազմում տեղ գտավ՝ «46» համարով, սակայն այդպես էլ խաղադաշտ դուրս չեկավ[3];

2009 թվականի օգոստոսի 14-ին Դանին մինչև 2009-10 մրցաշրջանը վարձավճարով տեղափոխվեց «Հադերսֆիլդ Թաուն»[4]։ Արդեն հաջորդ օրը նա նորամուտը նշեց ակումբում, խաղալով «Սաութհեմփթոնի» դեմ խաղում[5]։ Ամբողջ մրցաշրջանում նա անցկացրեց 39 հանդիպում և 2 գոլ խփեց։

2010 թվականի հուլիսի 8-ին Դրինքուոթերը վարձավճարով տեղափոխվեց ուելսյան «Քարդիֆ Սիթի», որը հանդես էր գալիս Պրեմիեր Լիգայում[6]։ Օգոստոսի 8-ին նա նորամուտը նշեց «Քարդիֆ Սիթիի» կազմում՝ «Շեֆֆիլդ Յունայթեդի» դեմ խաղում[7]։ 2011 թվականի հունվարի 25-ին «Մանչեսթեր Յունայթեդը» Դրինքուոթերին վերադարձրեց ակումբ։ Վարձավճարով հանդես գալու ժամանակ Դանին անցկացրեց 12 հանդիպում[8]։

«Քարդիֆ Սիթիից» «Յունայթեդ» տեղափոխվելուց երեք օր անց՝ 2011 թվականի հունվարի 28-ին Դրինքուոթերը մինչև մրցաշրջանի վերջը վարձավճարով տեղափոխվեց «Ուոթֆորդ»[9]։ «Ուոթֆորդի» կազմում նա անցկացրեց 12 հանդիպում։

2011 թվականի օգոստոսի 23-ին Դրինքուոթերը վարձավչարով ուղարկվեց «Բարնսլի»[10]։ «Բարնսլիի» կազմում նա անցկացրեց 18 հանդիպում և 1 գոլ խփեց («Քարդիֆ Սիթիի» դարպասը)։

Դրինքուոթերը 2013 թվականին

2012 թվականի հունվարի 20-ին Դանի Դրինքուոթերը փոխեց ակումբային գրանցումը՝ տեղափոխվելով «Լեսթեր Սիթի», իսկ տրանսֆերի արժեքը չհրապարակվեց[11]։

2013-14 մրցաշրջանը Դրինքուոթերի համար հաջողված էր. առաջնության 45 խաղում նա 7 գոլ խփեց, և դեկտեմբեր ամսին ստացավ «Ամսվա ֆուտբոլիստ» կոչումը[12], և բացի այդ առաջադրվեց առաջնության «տարվա ֆուտբոլիստ» կոչմանը[13]։ Նա մտավ առաջնության տարվա լավագույն կազմի ֆուտբոլիստների մեջ, որտեղ էին նաև նրա ակումբակիցներ Կասպեր Շմեյխելը և Ուես Մորգանը[14], իսկ «Լեսթեր Սիթին» հաղթեց առաջնությունը, ստանալով թույլատրություն խաղալու Պրեմիեր Լիգայում[15]։

2014 թվականի հունիսի 7-ին Դրինքուոթերը «Լեսթերի» հետ պայմանագիրը երկարաձգեց 4 տարով[16]։

Կարիերան հավաքականում[խմբագրել | խմբագրել կոդը]

Դրինքուոթերը Անգլիայի հավաքականում նորամուտը նշել է 18 տարեկանում՝ 2007 թվականի նոյեմբերի 20-ին խաղալով Գանայի հավաքականի դեմ, խփեց 2-րդ գոլը խաղի, որը ավարտվեց անգլիացիների հաղթանակով (2:0)։ Իսկ ավստրալիացիների դեմ խաղը նրա համար երկրորդն էր[17]։

2008-2009 թվականներին Դանին Անգլիայի մինչև 19 տարեկանների հավաքականում անցկացրեց 12 հանդիպում[17]։

2016 թվականի մարտի 29-ին նորմաուտը նշեց Անգլիայի հավաքականի հիմնական կազմում՝ խաղալով Հոլանդիայի հավաքականի դեմ խաղում[18]։

Վիճակագրությունը հավաքականում[խմբագրել | խմբագրել կոդը]

Տիտղոսներ[խմբագրել | խմբագրել կոդը]

Ակումբային տիտղոսներ[խմբագրել | խմբագրել կոդը]

Անգլիա Լեսթեր Սիթի

  • Անգլիայի 2-րդ առաջնության հաղթող - 2013-14
  • Պրեմիեր Լիգայի չեմպիոն - 2015-16

Անձնական տիտղոսներ[խմբագրել | խմբագրել կոդը]

  • Առաջնության «տարվա թիմ»-ի կազմի անդամ - 2013-14
  • Առաջնության ասմվա լավագույն խաղացող - 2013 թվականի դեկտեմբեր
  • «Լեսթեր Սիթիի» կազմի տարվա խաղացող - 2013-14

Ծանոթագրություններ[խմբագրել | խմբագրել կոդը]

  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 As (իսպ.) — Madrid: Grupo Prisa, 1967. — ISSN 1888-6671
  3. ↑ Hughes, Ian (2009 թ․ մայիսի 24). «Hull 0-1 Man Utd» (անգլերեն). BBC Sport.
  4. ↑ «Drinkwater moves to Huddersfield» (անգլերեն). BBC Sport. 2009 թ․ օգոստոսի 14.
  5. ↑ «Huddersfield 3-1 Southampton» (անգլերեն). BBC Sport. 2009 թ․ օգոստոսի 15.
  6. ↑ «Man United youngster Daniel Drinkwater joins Cardiff on loan» (անգլերեն). BBC Sport. 2010 թ․ հուլիսի 8.
  7. ↑ «Cardiff 1-1 Sheff Utd» (անգլերեն). BBC Sport. 2010 թ․ օգոստոսի 8.
  8. ↑ «Danny Drinkwater returns to Man United from Cardiff» (անգլերեն). BBC Sport. 2011 թ․ հունվարի 25.
  9. ↑ «Watford sign Manchester United midfielder Drinkwater» (անգլերեն). BBC Sport. 2011 թ․ հունվարի 28.
  10. ↑ Marshall, Adam (2011 թ․ օգոստոսի 23). «Danny joins Barnsley» (անգլերեն). ManUtd.com.
  11. ↑ Marshall, Adam (2012 թ․ հունվարի 20). «Drinkwater joins Leicester» (անգլերեն). ManUtd.com.
  12. ↑ «Drinkwater Wins Player Of The Month» (անգլերեն). LCFC.com. 2014 թ․ հունվարի 10.
  13. ↑ «Football League nominates Ings, Drinkwater & McCormack» (անգլերեն). BBC Sport. 2014 թ․ մարտի 13.
  14. ↑ «Leicester City trio make the PFA Championship Team of the Year» (անգլերեն). Sky Sports. 2014 թ․ ապրիլի 27.
  15. ↑ «Leicester City promoted to Premier League after QPR defeat» (անգլերեն). The Guardian. 2014 թ․ ապրիլի 5.
  16. ↑ «Transfer news: Leicester midfielder Danny Drinkwater signs new four-year contract» (անգլերեն). Sky Sports. 2014 թ․ հունիսի 17.
  17. ↑ 17,0 17,1 «Danny Drinkwater» (անգլերեն). theFA.com. Արխիվացված է օրիգինալից 2017 թ․ հոկտեմբերի 30-ին. Վերցված է 2016 թ․ դեկտեմբերի 5-ին.
  18. ↑ «England 1-2 Netherlands» (անգլերեն). BBC Sport. 2016 թ․ մարտի 29.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Դանիել Դրինքուոթեր» հոդվածին։
 ⛭ 
  Ֆոտո, վիդեո և աուդիո
Թեմատիկ կայքեր
Ստացված է «https://hy.wikipedia.org/w/index.php?title=Դանիել_Դրինքուոթեր&oldid=9795388» էջից