Գևորգ Խաչատուր

Գևորգ Խաչատուր
Ծննդյան անուն	Գևորգ Խորենի Խաչատրյան
Ծնվել է	մայիսի 5, 1940(1940-05-05) (83 տարեկան)
Ծննդավայր	Գանձակ, Ադրբեջանական ԽՍՀ, ԽՍՀՄ
Մասնագիտություն	բանաստեղծ և թարգմանիչ
Քաղաքացիություն	ԽՍՀՄ և  Հայաստան
Կրթություն	ԵՊՀ մաթեմատիկայի և մեխանիկայի ֆակուլտետ
Անդամակցություն	ՀԳՄ
Աշխատավայր	Խորհրդային դպրոց
Գևորգ Խաչատուր Վիքիդարանում

Գևորգ Խաչատուր (ծննդյան անուն՝ Գևորգ Խորենի Խաչատրյան, մայիսի 5, 1940(1940-05-05), Գանձակ, Ադրբեջանական ԽՍՀ, ԽՍՀՄ), հայ բանաստեղծ, թարգմանիչ, 1988 թվականից Հայաստանի գրողների միության անդամ։

Կենսագրություն

Ծնվել է 1940 թվականի մայիսի 5-ին, Գանձակ քաղաքում։

Ավարտել է ԵՊՀ մաթեմատիկայի և մեխանիկայի ֆակուլտետը և ստանալով ինժեներ հիդրոմեխանիկի մասնագիտություն՝ երկար տարիներ աշխատել է հեռուստառադիոպետկոմում և «Սովետական դպրոց» թերթում։ Նրա ստեղծագործությունները և թարգմանությունները պարբերաբար տպագրվել են հանրապետական գրական հանդեսներում, իսկ ստեղծագործությունները թարգմանվել են ռուսերեն, ուկրաիներեն, հարավսլավերեն, բուլղարերեն, գերմաներեն, արաբերեն և նույնիսկ՝ թուրքերեն։ Կազմել և հրատարակել է արցախցի վաղամեռիկ բանաստեղծ Մանվել Աղաջանյանի «Թռիր իմ նետ» և «Ապրող կարոտներ» բանաստեղծական ժողովածուները։ Շուրջ 20 գրքի և մի շարք թարգմանական ժողովածուների հեղինակ է։

Երկեր

• Հանճարաբույլ, Երևան, 2010։
• Բախտանիվ, Երևան, 2003։
• Երես առ երես, Երևան, 1996։
• Տարերք, Երևան, 1988։
• Մարդուն ընդառաջ, Երևան, 1984։

Թարգմանություններ ռուսերենից

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Օմար Խայամ, Քառյակներ, Երևան, 2013։
• Անդրեյ Վոզնեսենսկի, Վիտրաժային գործերի վարպետը, Երևան, 1986։
• Էդվարդ Մեժելայտիս, Իմ կրկնակի Արարատը (ժողովածուի պոեմները) և «Իմ Իթակեն», Երևան, 1985։
• Իսա Իսմայիլզադե, Լուսավոր տերևներ, Երևան, 1981։
• Դեսանկա Մաքսիմովիչ, Երազների գերին, Երևան, 1983։

Տես նաև

• Հայաստանի գրողների միության անդամների ցանկ

Աղբյուրներ

• Հայկ Խաչատրյան (1986). Գրական տեղեկատու. Երևան: «Սովետական գրող».

Վիքիդարանն ունի նյութեր, որոնք վերաբերում են «Գևորգ Խաչատուր» հոդվածին։