Գրիգոր Բադալյան (բժիշկ)

Վիքիպեդիայից՝ ազատ հանրագիտարանից
Անվան այլ կիրառումների համար տե՛ս՝ Գրիգոր Բադալյան (այլ կիրառումներ)
Գրիգոր Բադալյան
Ծնվել էհոկտեմբերի 14, 1955(1955-10-14) (68 տարեկան)
ԾննդավայրԵրևան, Հայկական ԽՍՀ, ԽՍՀՄ
Քաղաքացիություն Հայաստան
ԿրթությունԵրևանի Մխիթար Հերացու անվան Պետական Բժշկական Համալսարան (1978)
Մասնագիտությունուռուցքաբան
Գիտական աստիճանբժշկական գիտությունների դոկտոր (1991) և պրոֆեսոր
ԱշխատավայրՎ.Ա. Ֆանարջյանի անվան ուռուցքաբանության ազգային կենտրոն

Գրիգոր Խաչատուրի Բադալյան (հոկտեմբերի 14, 1955(1955-10-14), Երևան, Հայկական ԽՍՀ, ԽՍՀՄ), հայ ուռուցքաբան։ Բժշկական գիտությունների դոկտոր (1991), պրոֆեսոր։ ՀՀ վիրաբուժության ԳԱ անդամ (1997)։

Կենսագրություն[խմբագրել | խմբագրել կոդը]

Գրիգոր Բադալյանը ծնվել է 1955 թվականին Երևանում։ 1978 թվականին ավարտել է Երևանի բժշկական ինստիտուտի մանկաբուժության ֆակուլտետը։ 1984 թվականից աշխատում է ՀԽՍՀ առողջապահության նախարարության Ուռուցքաբանության գիտական կենտրոնում[1]։ 1993 թվականից Հայաստանի մանկական հակաուռուցքային հիմնադրամի նախագահ, 1994 թվականից՝ մանկական ուռուցքաբանության բաժանմունքի վարիչ, 1997 թվականից, միաժամանակ՝ Երևանի պետական բժշկական համալսարանի պրոֆեսոր։ 1992-2001 թվականներին եղել ՝ ՀՀ առողջապահության նախարարության մանկական ուռուցքաբանության գլխավոր մասնագետ[2], 2000 թվականից Հայկական հակաքաղցկեղային միության նախագահն է։ 1992-2011 թվականներին SIOP-ի շրջանակներում համաժողովների է մասնակցել Հունաստանում, Գերմանիայում, Ֆրանսիայում, Ավստրիայում, Ճապոնիայում, Հոլանդիայում, Պորտուգալիայում, Եգիպտոսում, ԱՄՆ-ում, Իռլանդիայում, Իսպանիայում, Իրանում, Իտալիայում, Անգլիայում և այլ երկրներում[3][4]։

Աշխատանքները վերաբերում են մանկական ուռուցքների (հատկապես չարորակ) ախտորոշման և բուժման հարցերին։

Անդամակցություն[խմբագրել | խմբագրել կոդը]

  • Մանկական ուռուցքաբանների միջազգային ընկերության անդամ (1991-1997)
  • ՀՀ քաղցկեղով երեխաների բարեկամներ հասարակական կազմակերպության նախագահ (1993)
  • ՀՀ մանկական վիրաբույժների և անեսթեզիոլոգների ընկերակցության գործադիր-տնօրեն (1995)
  • Հայ ուռուցքաբանների ընկերակցության նախագահ (2000)
  • ՀՀ գիտության և կրթության նախարարության բժշկության գծով փորձագիտական հանձնաժողովի անդամ (2001)
  • Նվիրիր կյանք բարեգործական հիմնադրամի Մասնագետների կոմիտեի անդամ (2011)

Ծանոթագրություններ[խմբագրել | խմբագրել կոդը]

  1. ↑ «Գրիգոր Բադալյան». www.med-practic.com. Վերցված է 2017 թ․ հունվարի 5-ին.
  2. ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
  3. ↑ «Գրիգոր Բադալյան :։ Վ. Ա. Ֆանարջյանի անվան ուռուցքաբանության ազգային կենտրոն». www.oncology.am. Վերցված է 2017 թ․ հունվարի 5-ին.
  4. ↑ «Գրիգոր Խաչատուրի Բադալյան | Doctors.am». www.doctors.am. Արխիվացված է օրիգինալից 2017 թ․ փետրվարի 12-ին. Վերցված է 2017 թ․ հունվարի 5-ին.
Վիքիդարանն ունի նյութեր, որոնք վերաբերում են «Գրիգոր Բադալյան (բժիշկ)» հոդվածին։
ՀԳՀԳ: 11634
Ստացված է «https://hy.wikipedia.org/w/index.php?title=Գրիգոր_Բադալյան_(բժիշկ)&oldid=9400239» էջից