Գուրգեն Մովսիսյան

Գուրգեն Մովսիսյան;
Ծնվել է	1915
Ծննդավայր	Քյորփալու, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն
Քաղաքացիություն	Ռուսական կայսրություն և ԽՍՀՄ
Կրթություն	Հայկական պետական մանկավարժական համալսարան (1939)
Մասնագիտություն	մանկավարժ
Կուսակցություն	ԽՄԿԿ
Պարգևներ և ; մրցանակներ

Վիքիպեդիայում կան հոդվածներ Մովսիսյան ազգանունով այլ մարդկանց մասին։

Գուրգեն Գարեգինի Մովսիսյան (1915, Քյորփալու, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն), հայ մանկավարժ։ ԽՄԿԿ անդամ (1944): Հայրենական մեծ պատերազմի մասնակից։

Կենսագրություն

Գուրգեն Մովսիսյանը ծնվել է 1915 թվականին, Էջմիածնի շրջանի Արշալույս գյուղում։ 1933 թվականին ավարտել է Էջմիածնի միջնակարգ դպրոց և զբաղվել մանկավարժական գործունեությամբ։ Աշխատանքի է նշանակվել Եղեգնաձորի շրջանում, Ագարակաձոր, Շատին գյուղերի դպրոցներում եղել է ուսմասվար, դասավանդել է հայոց լեզու և գրականություն։ 1935-1939 թվականներին սովորել և ավարտել է Երևանի Խաչատուր Աբովյանի անվան մանկավարժական ինստիտուտի լեզվագրական ֆակուլտետը և զորակոչվել է բանակ^[1]։

1942 թվականին Մովսիսյանը մասնակցել է Ստալինգրադի ճակատամարտին։ Պարգևատրվել է «Խիզախության համար» և «Ստալինգրադի պաշտպանության համար մեդալներով։ Մասնակցել է նաև 87-րդ գվարդիական հրետանային դիվիզիայի 192-րդ գվարդիական հրետգնդում Քյոնիգսբերգի գրավմանը։ Պարգևատրվել է «Քյոնիգսբերգի գրավման համար» և «1941-1945 թթ. Հայրենական պատերազմում Գերմանիայի դեմ տարած հաղթանակի համար» մեդալներով և շնորհակալագրերով։ 1944 թվականին, մարտի դաշտում ընդունվել է կոմունիստական կուսակցության շարքերը։ 1945 թվականի ամռանը զորամասի կազմում տեղափոխվել է Հեռավոր Արևելք, մասնակցել իմպերիալիստական Ճապոնիայի ջախջախմանը։ Պարգևատրվել է «Ճապոնիայի դեմ տարած հաղթանակի համար» մեդալով^[1]։

Պատերազմի ավարտից հետո զորացրվել է և Երևանի№ 37 և 54 միջնակարգ դպրոցներում դասավանդել հայոց լեզու և գրականություն։ Աշխատել է նաև «Խորհրդային դպրոց», «Ավանգարդ» թերթերում և «Խորհրդային գրականություն» ամսագրում^[1]։

Մովսիսյանը եղել է անհատական թոշակառու, Մեծ հայրենականի և աշխատանքի վետերան, 21-րդ բանակի վետերանների խորհրդի անդամ։

Պարգևներ

«Խիզախության համար» մեդալ
«Ստալինգրադի պաշտպանության համար մեդալ
«Քյոնիգսբերգի գրավման համար» մեդալ
«Ճապոնիայի դեմ տարած հաղթանակի համար» մեդալ
«1941-1945 թթ. Հայրենական պատերազմում Գերմանիայի դեմ տարած հաղթանակի համար» մեդալ

Ծանոթագրություններ

↑ ^1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[haygirk-1] 1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[1]