Ավանգարդ (թերթ)

Անվան այլ կիրառումների համար տե՛ս՝ Ավանգարդ (այլ կիրառումներ)

Ավանգարդ
Տեսակ	թերթ
Լեզու	հայերեն
Հիմնադրվել է	1923
Երկիր	Հայաստան
Գրասենյակ	Երևան, Հայաստան
Հաճախականություն	շաբաթը մեկ անգամ
Պարգևներ
Կայք	avangard.am

Ավանգարդ, խորհրդային և հետխորհրդային շրջանի թերթ։ Խորհրդային ժամանակահատվածում հանդիսացել է ՀԼԿԵՄ Կենտկոմի (սկզբում՝ ՌԿԵՄ Անդրկովկասյան երկրային կոմիտեի և ՀԿԵՄ Կենտկոմի) պաշտոնաթերթը, 1991 թվականից վերագրանցվել է որպես անկախ պարբերաթերթ և չի պատկանում ու չի հարում որևէ կուսակցության, քաղաքական որևէ ուժի։ 1998 թվականից՝ շաբաթը մեկ անգամ պարբերականությամբ։

Պատմություն

Հրատարակվել Է Երևանում, 1923 թվականից, Երկրորդ համաշխարհային պատերազմի տարիներին լույս չի տեսել։ Արծարծել Է երիտասարդության կոմունիստական դաստիարակության խնդիրներ, լուսաբանել Հայաստանի կոմերիտական կազմակերպությունների աշխատանքը։ Տպագրվում են երիտասարդ բանաստեղծների և արձակագիրների ստեղծագործություններ, գրախոսականներ արվեստի և գրականության մասին։ Ավանգարդը պարբերաբար հրատարակել Է «Ծիածան» էջը՝ նվիրված սփյուռքահայ երիտասարդության կյանքին։ ԽՍՀՄ Գերագույն խորհրդի 1973 թ. հուլիսի 3-ի հրամանագրով Ավանգարդը պարգևատրվել է «Պատվո նշան» շքանշանով։

Խմբագիրներ

1923-1933 թվականներին թերթը խմբագրել է խմբագրական կոլեգիան, այնուհետև խմբագիրներն են եղել՝

• Հ. Միրզոյան (1933-1937),
• Մ. Նահապետյան (1937),
• Ա. Նազարյան (1937),
• Ա. Ղազարյան (1938),
• Մ. Մանուկյան (1939),
• Ա. Մնացականյան (1940),
• Ա. Սիմոնյան (1941),
• Ա. Թադևոսյան (1945-1949),
• Ա. Խաչիկյանը (1949-1952),
• Մ. Թութխալյան (1952-1955, 1958-1959),
• Գ. Առաքելյան (1955-1958),
• Լ. Կրոյան (1960-1969),
• 1969 թվականից խմբագիրն է եղել Լ. Մանուկյանը,
• Գ. Հայրումյան,
• 1987 թվականից խմբագիրն է եղել Մ. Զոհրաբյանը,
• 1997-ից՝ Ջուլիետ Մարտիրոսյան

Արտաքին հղումներ

• Պաշտոնական կայք

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 604)։