Գորբունովի երկարաբեղիկ
| Գորբունովի երկարաբեղիկ | |
| Դասակարգում | |
| Թագավորություն | Կենդանիներ (Animalia) |
| Տիպ/Բաժին | Հոդվածոտանիներ (Arthropoda) |
| Ենթատիպ | Վեցոտանիներ (Hexapoda) |
| Դաս | Միջատներ (Insecta) |
| Կարգ | Բզեզներ (Coleoptera) |
| Ընտանիք | Երկարաբեղիկներ (Cerambycidae) |
| Ցեղ | Dorcadion |
| Տեսակ | Գորբունովի երկարաբեղիկ (D. gorbunovi) |
| Միջազգային անվանում | |
| Dorcadion gorbunovi | |
Գորբունովի երկարաբեղիկ (լատին․՝ Dorcadion gorbunovi), երկարաբեղիկների ընտանիքին պատկանող միջատ։ Գրանցված է Հայաստանի Հանրապետության Կարմիր գրքում։
Նկարագրություն
[խմբագրել | խմբագրել կոդը]11-14,5 մմ երկարությամբ, բավականին ձգված, սև մարմնով, գրեթե հավասարաչափ, խիտ, բաց մոխրագույն կամ արծաթագույն թավշյա ծածկույթ ունեցող վերնաթևերով, կողային եզրերի երկայնքով ձգվող սև զոլով ոչ մեծ չափի բզեզ է։ Վերնաթևերն առաջնամեջքից փոքր-ինչ լայն են, նեղ ձվաձև, էգինը՝ ավելի լայն, քան արուինը[1]։
Տարածվածություն
[խմբագրել | խմբագրել կոդը]Տարածված է Նախիջևանի Ինքնավար Հանրապետությունում, Հայաստանում հանդիպում է Դարալագյազի լեռնաշղթայի և Զանգեզուրի լեռնաշղթայի ծայրհյուսիսային հատվածից։ Հայտնաբերվել է Գնիշիկ գյուղի (Վայոց ձորի մարզ), Տաթև և Անգեղակոթ (Սյունիքի մարզ) գյուղերի մոտակայքում[1]։
Էկոլոգիա
[խմբագրել | խմբագրել կոդը]Ապրում է ծովի մակարդակից 1800-2200 մ բարձրությունների վրա՝ լեռնատափաստանային, ալպյան և ենթալպյան գոտիներում։
Բզեզները գետնին սողում են ցերեկը` ապրիլի վերջից մինչև հուլիսի կեսերը։ Զարգացումը ընթանում է հողում[1]։
Պահպանություն
[խմբագրել | խմբագրել կոդը]Սահմանափակ արեալով հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ։
Թվաքանակը բավականին բարձր է, իսկ փոփոխության միտումները հայտնի չեն։
Վտանգման հիմնական գործոններն են անասունների չկարգավորված արածեցումը, կլիմայի կանխատեսվող փոփոխությունների հետևանքով դրա սահմանների լանջն ի վեր տեղաշարժմամբ պայմանավորված տեսակի տարածման շրջանների կրճատումը։
Պահպանության միջոցառումներ չեն իրականացվում[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Գորբունովի երկարաբեղիկ» հոդվածին։ |
|
