Գետնաստղ կովկասյան
| Գետնաստղ կովկասյան | |
 Գետնաստղ կովկասյան | |
| Դասակարգում | |
| Թագավորություն | Բույսեր (Plantae) |
| Վերնաբաժին | Բարձրակարգ բույսեր (Embryophyta) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Բոգածաղկավորներ (Gentianales) |
| Ընտանիք | Տորոնազգիներ (Rubiaceae) |
| Ցեղ | Գետնաստղ (Asperula) |
| Տեսակ | Գետնաստղ կովկասյան (A. taurina) |
| Միջազգային անվանում | |
| Asperula taurina | |
Գետնաստղ կովկասյան (լատին․՝ Asperula taurina), տորոնազգիների ընտանիքին պատկանող ծածկասերմ բույս, որը գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
30-60 սմ բարձրությամբ բազմամյա խոտաբույս է։ Տերևները ձվաձև նշտարաձև են՝ ցողունի վրա դասավորված 4-ական և միմյանցից հեռացած օղակներով։ Գագաթնային գլխիկներում գտնվող ծաղիկների պսակը քառաբլթակ է, սպիտակ կամ բաց երկնագույն[1]։
Տարածվածություն[խմբագրել | խմբագրել կոդը]
Հայաստանում հանդիպում է միայն Իջևանի ֆլորիստիկական շրջանում (Իջևանի շրջակայք)։ Տեսակը հանդիպում է նաև Արևմտյան և Արևելյան Անդրկովկասում, Ղրիմում և Անատոլիայում[1]։
Էկոլոգիա[խմբագրել | խմբագրել կոդը]
Աճում է միջին լեռնային գոտում՝ ծովի մակարդակից 1300-1400 մ բարձրությունների վրա, ինչպես նաև հաճարենու և կաղնու ստվերոտ անտառներում։ Ծաղկում է մայիսին, պտղաբերում՝ հունիսին[1]։
Պահպանություն[խմբագրել | խմբագրել կոդը]
Վտանգված տեսակ է։ Տարածման և բնակության շրջանները 10 կմ²-ից պակաս են։ Տեսակի տարածման և բնակության շրջաններին, կապված աճելավայրերի պայմանների փոփոխության հետ, սպառնում է նվազման վտանգ։ Տեսակի հիմնական տարածման շրջանը գտնվում է Հայաստանի սահմաններից դուրս, հետևաբար սպառնալիքի կատեգորիան նվազեցվել է։ Հայաստանի Կարմիր գրքի առաջին հրատարակության մեջ ընդգրկված չէր։ Ընդգրկված չէ նաև CITES-ի և Բեռնի կոնվենցիաների հավելվածներում[1]։
Պահպանության միջոցառումներ չեն իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Գետնաստղ կովկասյան» հոդվածին։ |
 | Վիքիպահեստն ունի նյութեր, որոնք վերաբերում են «Գետնաստղ կովկասյան» հոդվածին։ |
|
|