Գարնանային և աշնանային ծաղիկներ

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Գարնանային և աշնանային ծաղիկներ
MET SL 8 2000 2 66ab.jpeg
տեսակգեղանկար
նկարիչՕգատա Կորին
տարիII հազարամյակ[1]
ստեղծման վայրՃապոնիա[1]
ստեղծման երկիրFlag of Japan.svg Ճապոնիա[1]
գտնվում էՆյու Յորք
հավաքածուՄետրոպոլիտեն թանգարան[1] և ասիական արվեստ[2]
Ծանոթագրություններ

«Գարնանային և աշնանային ծաղիկներ» (ճապ.՝ 尾形光琳筆 梅花・秋草図 二面), նախշանկար փայտի վրա՝ ստեղծված ճապոնացի նկարիչ Օգատա Կորինի կողմից, 18-րդ դարի սկզբին։ Ստեղծագործությունը Մերի և Ջեքսոն Բյորկ հիմնադրամի կողմից նվիրաբերվել է Նյու Յորքի Մետրոպոլիտեն թանգարանին և գտնվում է նրա հավաքածուում[3]։

Նկարագրություն[խմբագրել | խմբագրել կոդը]

«Գարնանային և աշնանային ծաղիկներ» երկփեղկ նախշանկարը իր մեջ համատեղում է Օգատա Կորինի ստեղծագործության երկու կարևոր տարրեր՝ ծաղիկների դեկորատիվ պատկերումը և չինացի նկարիչների ոճով թանաքով գեղանկարչությունը[4]։ Բույսերի մասին ստեղծագործությունների շնորհիվ Օգատա Կորինը դարձավ իր ժամանակաշրջանի նշանավոր նկարիչներից մեկը[3]։ Նախշանկարը բաղկացած է երկու առանձին փայտյա վահանակներից, որոնց վրա պատկերված են գարնանային և աշնանային ծաղիկներ և բույսեր։ Հնարավոր է ստեղծագործությունը նախապես բաղկացած է եղել չորս վահանակներից, որոնցից յուրաքանչյուրը ներկայացրել է տարվա առանձին եղանակ, բայց դրանցից երկուսը հետագայում կորել են[4]։ Ստեղծագործության աջ մասում պատկերված է վաղ ծաղկող ճապոնական սալորի սպիտակ ծաղիկները՝ գարնան ավետաբերը, որոնք առանձնանում են վահանակի գաղտնագրի ֆոնին։ Կոմպոզիցիան բավականին հասարակ է, նկարիչն օգտագործել է միայն սև և սպիտակ գույներ[4]։ Նման միագույնությունը համապատասխանում է Ճապոնիայում վաղ գարնան վիճակին, երբ դրսում չկա խոտ և ծաղիկներ[4]։ Ձախ վահանակին պատկերված են ծաղիկներ և խոտ, որոնք ներկայացնում են ամռան վերջը և աշնան սկիզբը, այգածաղիկներ, սպիտակ և կապույտ զանգակներ և քրիզանթեմներ։ Վառ սպիտակ, վարդագույն և կարմիր քրիզանթեմներն առանձնանում են փայտի մուգ ֆոնի վրա, իսկ մյուս ծաղիկները պատկերված են ավելի խամրած երանգներով[4]։

Երկու վահանակները փոքր ինչ թեքված են, այդ իսկ պատճառով էլ դժվար է դատել ինտերիերում դրա ենթադրյալ դերի մասին։ Այդ ժամանակաշրջանի տների ինտերիերում հանդիպող փայտի վրայի նախշանկարները նման էին վահանակների, որոնք կախված էին կորացված սյուներից և ծառայում էին որպես շրջանակ անկողնախորշի համար[4]։ Սակայն «Գարնանային և աշնանային ծաղիկներ» գործն իր չափերով չափազանց լայն էր մեկ սյունից կախելու համար, այն կարող էր գտնվել որմնախորշի տարբեր կողմերում[4]։

Աջ փեղկի ներքին աջ անկյունում դրված է «Հոկկյո Կորին» ստորագրությունը, իսկ երկու վահանակների վրա դրված է նկարչի կլոր կնիքը «Կորեսուկե» մակագրությամբ։ Նախշանկարի ոճը և վրձնով աշխատանքը, ստորագրությունը և կնիքը վկայում են, որ նկարը ստեղծվել է այն բանից հետո, երբ Օգատա Կորինը ստացել է հոկկյո («Դհարմայի կամուրջ») պատվավոր կոչումը, որը շնորհվում է գեղանկարչության բնագավառում նվաճումների համար[3]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 https://www.metmuseum.org/art/collection/search/53421
  2. Մետրոպոլիտեն թանգարան — 1870.
  3. 3,0 3,1 3,2 «尾形光琳筆 梅花・秋草図 二面 Flowers of Spring and Autumn» (անգլերեն)։ The Metropolitain Museum of Art 
  4. 4,0 4,1 4,2 4,3 4,4 4,5 4,6 Murase Miyeko, N.Y. Metropolitan Museum of Art (New York (1975-01-01)։ Japanese Art: Selections from the Mary and Jackson Burke Collection : [exhibition] (անգլերեն)։ Metropolitan Museum of Art։ էջ 182-184։ ISBN 9780870991363