Գագիկ Սուքիասյան

Գագիկ Սուքիասյան;
Ծնվել է	մայիսի 9, 1952 (72 տարեկան)
Ծննդավայր	Ձորագյուղ, Մարտունու շրջան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	Հայկական պետական մանկավարժական համալսարան (1981) և Մոսկվայի մշակույթի պետական ինստիտուտ (1990)
Կոչում	պրոֆեսոր
Գիտական աստիճան	մանկավարժական գիտությունների դոկտոր
Մասնագիտություն	մատենագետ և գրադարանագետ

Վիքիպեդիայում կան հոդվածներ Սուքիասյան ազգանունով այլ մարդկանց մասին։

Գագիկ Արամի Սուքիասյան (մայիսի 9, 1952(1952-05-09), Ձորագյուղ, Մարտունու շրջան, Հայկական ԽՍՀ, ԽՍՀՄ), հայ մատենագետ, գրադարանագետ։ Մանկավարժական գիտությունների դոկտոր (1997), պրոֆեսոր (2014): ։

Կենսագրություն

Գագիկ Սուքիասյանը ծնվել է 1952 թվականի մայիսի 9-ին, Ձորագյուղ (Հայաստանի Գեղարքունիքի մարզ) գյուղում։ 1981 թավկանին ավարտել է Երևանի Խաչատուր Աբովյանի անվան հայկական պետական մանկավարժական ինստիտուտը։ 1987-1990 թվականներին սովորել է Մոսկվայի մշակույթի պետական ինստիտուտի (հետագայում՝ համալսարան) ասպիրանտուրայում, 1994-1997 թվականներին՝ դոկտորանտուրայում։ 1991 թվականից դասավանդում է ՀՊՄՀ-ում, որտեղ 1999-2014 թվականներին եղել է գրադարանագիտության և մատենագիտության ամբիոնի վարիչը^[1]։ 1991 թվականին Մոսկվայում ստացել է մանկավարժական գիտությունների թեկնածուի գիտական աստիճան («Հայագիտական մատենագիտություն. պատմություն, ժամանակակից վիճակը և զարգացման հեռանկարները»), 1997 թվականին՝ դոկտորի գիտական աստիճան («Մատենագիտության պատմությունը Հայաստանում և հայկական սփյուռքում (5-20-րդ դարեր)»)։ 2016 թվականին մասնակցել է տեղեկատվական տեխնոլոգիաների հմտությունների բարձրացման դասընթացներին։ Անդամակցում է Եվրասիայի գրադարանային ասամբլեային (1993) և Հայաստանի ժուռնալիստների միությանը։ Հրատարակվել են նրա «Ուսումնական ծրագրեր և հանձնարարելի մատենագիտություն» (2005), «Մատենադարան։ Մատենագիտական հանրագիտարան» (2007 թվական, ռուսերեն), «Փաստաթղթագիտություն և փաստաթղթային-տեղեկատվական աղբյուրներ» (2009), «Գրադարանային-տեղեկատվական և մատենագիտական բարձրագույն կրթությունը Հայաստանում» (ուսումնամեթոդական ձեռնարկ, 2011), «Հայաստանի և հայ սփյուռքի գրքի պատմություն» (2012 թվական, ռուսերեն), «Գրքագիտություն և հայ գրատպության պատմագրություն» (2012), «Գրքագիտություն և հայ գրատպության պատմագրություն» (մենագրություն, 2013), «Գիրքը և գրադարանը Արցախի պատմության մեջ։ Շուշին՝ հայկական մշակույթի օջախ» (2014) աշխատությունները։ Գագիկ Սուքիասյանը տիրապետում է հայերեն, ռուսերեն, գերմաներեն լեզուների^[2]։

Աշխատությունները վերաբերում են մատենագիտության, գրադարանագիտության, գրքագիտության, թանգարանագիտության, հուշարձանների պահպանության, աղբյուրագիտության, փաստաթղթագիտության (ՀՊՄՀ-ում ուսուցանվող նոր առարկայի) խնդիրներին^[2]։

Անդամակցություն

Եվրասիայի գրադարանային ասամբլեայի անդամ
Հայաստանի ժուռնալիստների միության անդամ

Հրապարակումներ

Գիրքը, գրադարանը և ընթերցանությունը Հայաստանի պետական ԲՈւՀ-երում։ Ուսումնական ձեռնարկ։ Երևան, Էդիթ Պրինտ, 2018^[3]։
Գրադարանային-տեղեկատվական կրթության համակարգում նոր տեխնոլոգիաների և սոցիալական մեդիայի կիրառման արդի միտումները։ Հանրապետական գիտաժողովի զեկուցումների ժողովածու^[4]։
Գիրքը և գրադարանը Արցախի պատմության մեջ։ Շուշին՝ հայկական մշակույթի օջախ։ Հայկական գրատպության 500-ամյակին նվիրված միջազգային գիտական կոնֆերանսի զեկուցումներ։ Շուշի։ Կաճառ, 2014, էջ 15-24։
Գրքագիտություն և հայ գրատպության պատմագրություն (Մենագրություն, Երևան, 2013։
Գրքագիտություն և հայ գրատպության պատմագրություն։ Գիտամեթոդական և ոսումնամեթոդական ձեռնարկ, Երևան, 2012^[5]։
Գրադարանային-տեղեկատվական և մատենագիտական բարձրագույն կրթությունը Հայաստանում։ Ուսումնամեթոդական ձեռնարկ, Երևան, 2011։
Փաստաթղթագիտություն և փաստաթղթային-տեղեկատվական աղբյուրներ։ Դասագիրք, Երևան, 2009։
Ուսումնական ծրագրեր և հանձնարարելի մատենագիտություն (05.27- Գրադարանագիտություն և մատենագիտություն, 0528-Թանգարանային գործ և հուշարձանների պահպանություն), Երևան, 2005։
Матенадаран // Библиотечная энциклопедиа. -М., 2007.- С. 605-606.
История книги в Армении и армянской диаспоре // Библиотечной ассамблеи Евразии.-М., 2012.- № 3. С. 35-36.

Պարգևներ

«Մանկավարժական համալսարան-90-ամյակ» ոսկեզօծ հուշամեդալ (2012)

Ծանոթագրություններ

↑ Գագիկ Սուքիասյանի մասին ՀՊՄՀ-ի կայքում
↑ ^2,0 ^2,1 «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Հայկական հանրագիտարան հրատարակչություն, Երևան, 2007, էջ 512։
↑ Սուքիասյան, Գագիկ (2018). Գիրքը, գրադարանը և ընթերցանությունը Հայաստանի պետական ԲՈւՀ-երում ։ Ուսումնական ձեռնարկ. Երևան ։: Էդիթ Պրինտ. ISBN 9789939025827.(չաշխատող հղում)
↑ Սուքիասյան, Գագիկ Արամի, ed. (2014). Գրադարանային-տեղեկատվական կրթության համակարգում նոր տեխնոլոգիաների և սոցիալական մեդիայի կիրառման արդի միտումները։ Հանրապետական գիտաժողովի զեկուցումների ժողովածու. Երևան: Էդիթ Պրինտ. ISBN 9789939528748.(չաշխատող հղում)
↑ Սուքիասյան, Գագիկ Արամի (2012). Գրքագիտություն և հայ գրատպության պատմագրություն։ Գիտաօժանդակ և ուսումնաօժանդակ ձեռնարկ. Երևան: Էդիթ Պրինտ.(չաշխատող հղում)

Արտաքին հղումներ

Գագիկ Սուքիասյան Արխիվացված 2021-04-28 Wayback Machine

Վիքիդարանն ունի նյութեր, որոնք վերաբերում են «Գագիկ Սուքիասյան» հոդվածին։

[1] Գագիկ Սուքիասյանի մասին ՀՊՄՀ-ի կայքում

[Ով_ով_է-2] 2,0 ^2,1 «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Հայկական հանրագիտարան հրատարակչություն, Երևան, 2007, էջ 512։

[3] Սուքիասյան, Գագիկ (2018). Գիրքը, գրադարանը և ընթերցանությունը Հայաստանի պետական ԲՈւՀ-երում ։ Ուսումնական ձեռնարկ. Երևան ։: Էդիթ Պրինտ. ISBN 9789939025827.(չաշխատող հղում)

[4] Սուքիասյան, Գագիկ Արամի, ed. (2014). Գրադարանային-տեղեկատվական կրթության համակարգում նոր տեխնոլոգիաների և սոցիալական մեդիայի կիրառման արդի միտումները։ Հանրապետական գիտաժողովի զեկուցումների ժողովածու. Երևան: Էդիթ Պրինտ. ISBN 9789939528748.(չաշխատող հղում)

[5] Սուքիասյան, Գագիկ Արամի (2012). Գրքագիտություն և հայ գրատպության պատմագրություն։ Գիտաօժանդակ և ուսումնաօժանդակ ձեռնարկ. Երևան: Էդիթ Պրինտ.(չաշխատող հղում)

[1]

[2]

[3]

[4]

[5]