Գաբրիել Միքայելյան

Գաբրիել Միքայելյան; արմտ. հայ.՝ Գաբրիէլ Միքայէլեան
Ծնվել է	1885; Այնթապ, Հալեպի գավառ, Հալեպի վիլայեթ, Օսմանյան կայսրություն
Մահացել է	մայիսի 26, 1935; Հալեպ, Սիրիա
Քաղաքացիություն	Օսմանյան կայսրություն և Սիրիայի և Լիբանանի ֆրանսիական մանդատ
Ազգություն	հայ
Մասնագիտություն	արևելագետ, բանասեր և պատմաբան
Հաստատություն(ներ)	Catholic University of Applied Sciences Freiburg? և Aleppo College?
Անդամակցություն	Հայաստանի օգնության կոմիտե
Տիրապետում է լեզուներին	հայերեն, թուրքերեն, արաբերեն, իտալերեն և ֆրանսերեն

Գաբրիել Գաբրիելի Միքայելյան (1885^[1], Այնթապ, Հալեպի գավառ, Հալեպի վիլայեթ, Օսմանյան կայսրություն^[1] - մայիսի 26, 1935(1935-05-26)^[1], Հալեպ, Սիրիա^[1]), հայ արևելագետ, բանասեր, պատմաբան։ Պրոֆեսոր։

Կենսագրություն[խմբագրել | խմբագրել կոդը]

Սովորել է Այնթապի Թերա Սանտա, Ջենովայի աստվածաբանական կոլեջներում, ձեռնադրվել կաթոլիկ քահանա։ Տիրապետել է թուրքերենին, արաբերենին, իտալերենին, ֆրանսերենին։ Մինչև 1914 թվականը սեմական լեզուներ է դասավանդել Ֆրայբուրգի (Գերմանիա) Ազատ կաթոլիկական համալսարանում։ 1914 թվականին, հակառակ Հռոմի պապի կարգադրության, թողել է մանկավարժական գործունեությունը, հրաժարվել կաթոլիկությունից և ձեռնամուխ եղել Մեծ եղեռնից փրկված հայերի համար օգնություն կազմակերպելու գործին։ Եվրոպական մայրաքաղաքներում հիմնել է օգնության կոմիտեներ, աջակցել Պողոս Նուբարի դիվանագիտական գործունեությանը։ 1929 թվականից պատմություն է դասավանդել Հալեպի ամերիկյան կոլեջում, միաժամանակ զբաղվել հիերոգլիֆային (նախախեթական, խեթական) արձանագրությունների վերծանումով, որը լայն ճանաչում է գտել գիտական աշխարհում։ Գրել է արաբերենի պատմության շրջանաբաժանմանը նվիրված աշխատություն, սահմանել չերքեզերենի քերականական և ուղղագրական կանոններ, զբաղվել հայոց պատմության հարցերով։ Եղել է ՀՕԿ-ի Հալեպի բաժանմունքի նախագահը։

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 Հայկական սովետական հանրագիտարան (հայ.) — Երևան: 1981. — հատոր 7. — էջ 624.

Վիքիդարանն ունի նյութեր, որոնք վերաբերում են «Գաբրիել Միքայելյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 624)։

[_61aab15c9f85e7c1-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 Հայկական սովետական հանրագիտարան (հայ.) — Երևան: 1981. — հատոր 7. — էջ 624.

[1]