Բորիս Բալայան (բժիշկ)
Անվան այլ կիրառումների համար տե՛ս՝ Բորիս Բալայան (այլ կիրառումներ)
 | |
|---|---|
.jpg) | |
| Ծնվել է | դեկտեմբերի 10, 1938[1] |
| Ծննդավայր | Ստեփանակերտ, Ադրբեջանական ԽՍՀ, ԽՍՀՄ[1] |
| Մահացել է | փետրվարի 18, 2019 (80 տարեկան) |
| Քաղաքացիություն |  ԽՍՀՄ և  Հայաստան |
| Կրթություն | Անդիջանի բժշկական ինստիտուտ (1964) |
| Մասնագիտություն | բժիշկ, ախտաբան-անատոմ և դասախոս |
| Կոչում | պրոֆեսոր[1] |
| Գիտական աստիճան | բժշկական գիտությունների դոկտոր[1] (2005) |
| Աշխատավայր | Առողջապահության ազգային ինստիտուտ և Երևանի Մխիթար Հերացու անվան Պետական Բժշկական Համալսարան |
| Վիքիդարան | Բորիս Բալայան |
Բորիս Հայկի Բալայան (դեկտեմբերի 10, 1938[1], Ստեփանակերտ, Ադրբեջանական ԽՍՀ, ԽՍՀՄ[1] - փետրվարի 18, 2019), հայ բժիշկ, ախտաբան-անատոմ։ Բժշկական գիտությունների դոկտոր (2005), պրոֆեսոր։ Բուխարայի գլխավոր ախտաբան-անատոմ (1964-1973)[2]։
Զորի Հայկի Բալայանի եղբայրը։
Կենսագրություն[խմբագրել | խմբագրել կոդը]
Բորիս Բալայանը ծնվել 1938 թվականին Ստեփանակերտում (ԼՂՀ), ԼՂ կրթության հանձնակատար Հայկ Բալայանի ընտանիքում։ 1958 թվականին ընդունվել և 1964 թվականին ավարտել է Անդիջանի (Ուզբեկստան) բժշկական ինստիտուտի բուժական ֆակուլտետը։ 1964-1973 թվականներին ղեկավարել է Բուխարայի ուռուցքաբանական դիսպանսերի պաթոհիստոլոգիայի լաբորատորիան։ Սանկտ Պետերբուրգում ասպիրանտուրան ավարտելուց հետո 1973 թվականին պաշտպանել է թեկնածուական թեզը։ 1979-1982 թվականներին եղել է Երևանի բժիշկների կատարելագործման ինստիտուտի ախտաբանաանատոմիայի ամբիոնի դոցենտ։ 1980 թվականին Բորիս Բալայանը տեղափոխվել է Հայաստան, որտեղ 1982-2010 թվականներին ղեկավարել է Շտապ օգնության քաղաքային հիվանդանոցին կից պաթանատոմիական կենտրոնը, հանդիսացել Երևանի գլխավոր պաթանատոմը, միաժամանակ եղել է Առողջապահության ազգային ինստիտուտի պաթանատոմիայի ամբիոնի դոցենտ։ 1988 թվականին Բորիս Բալայանին շնորհվել է բժիշկ-պաթանատոմի բարձրագույն որակավորում։ 1992-1993 թվականներին գործուղվել է Արցախ, որտեղ կազմակերպել է պաթանատոմիական ծառայությունը։ 2005 թվականին պաշտպանել է դոկտորական ատենախոսություն, ստացել պրոֆեսորի կոչում։ 2005 թվականից եղել է Ազգային առողջապահության ինստիտուտի ախտաբանաանատոմիայի ամբիոնի վարիչի պաշտոնակատար։ 2006-2009 թվականներին Բալայանը նշանակվել է Առողջապահության ազգային ինստիտուտի պաթանատոմիայի ամբիոնի վարիչ, 2009 թվականից` Երևանի պետական բժշկական համալսարանի Ախտաբանական անատոմիայի և կլինիկական մորֆոլոգիայի ամբիոնի պրոֆեսոր։
Աշխատանքները վերաբերում են սրտի սուր անբավարարությունից հանկարծամահության ժամանակ սրտամկանի այտուցի մահաբանական նշանակությանը[3]։ Ավելի քան 200 գիտական հոդվածների և մենագրությունների հեղինակ է։
Բորիս Բալայանը մահացել է 2019 թվականի փետրվարի 18-ին[4][5]։
Երկեր[խմբագրել | խմբագրել կոդը]
- Սրտամկանի այտուցի տանատոլոգիական նշանակությունը սուր սրտային անբավարարության ժամանակ (հանկարծամահություն)։
- Танатологическое значение отека миокарда при острой сердечной недостаточности (внезапной смерти), Ереванский государственный медицинский университет им. М. Гераци, (2005).[6]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 Ով ով է. հայեր (հայ.) / Հ. Այվազյան — Երևան: 2005. — հատոր 1.
- ↑ «Մեծանուն Հայեր»։ haymard.am։ Արխիվացված է օրիգինալից 2018-09-04-ին։ Վերցված է 2020-04-04
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։
- ↑ «Մահացել է Բորիս Բալայանը»։ Analitik.am։ Վերցված է 2020-04-04
- ↑ «Послесловие»։ Новое Время (ռուսերեն)։ Վերցված է 2020-04-04
- ↑ Балаян Борис Гайкович (2005-06-29)։ «Танатологическое значение отека миокарда при острой сердечной недостаточности (внезапной смерти)»։ Արխիվացված է օրիգինալից 2021-04-19-ին։ Վերցված է 2020-04-04
|
