Բեյբ Ռութ

Վիքիպեդիայից՝ ազատ հանրագիտարանից
Ջորջ Հերման Ռութ կրտսեր
George Herman Ruth, Jr.
Babe Ruth2.jpg
Ծնվել է Փետրվարի 6, 1895
Ծննդավայր Ամերիկայի Միացյալ Նահանգներ Բալթիմոր, Մերիլենդ, ԱՄՆ
Մահացել է Օգոստոսի 16, 1948
(53 տարեկանում)
Մահվան վայր Ամերիկայի Միացյալ Նահանգներ Նյու Յորք, Նյու Յորք,ԱՄՆ
Քաղաքացիություն ԱՄՆ
Ազգություն Ամերիկայի Միացյալ Նահանգներ Ամերիկացի
Մասնագիտություն բեյսբոլիստ
Ամուսին Հելեն Վուդվորդ (զուգակցուհի, 1914-25)
Քլեր Մորգան Հոդսոն (1929-48)
Երեխաներ 2
Կայք baberuth.com
Babe Ruth Վիքիպահեստում

Ջորջ Հերման Ռութ կրտսեր (անգլ.` George Herman Ruth, Jr., փետրվարի 6, 1895 - օգոստոսի 16, 1948), առավել հայտնի որպես Բեյբ Ռութ (Babe Ruth), ամերիկացի պրոֆեսիոնալ բեյսբոլիստ-աութֆիլդեր, ով շուրջ 22 մրցաշրջան (1914–1935) անցկացրել է Բեյսբոլի բարձրագույն լիգայի (MLB) «Բոստոն Ռեդ Սոքս», «Նյու Յորք Յանկիս» և «Բոստոն Բրեյվզ» ակումբներում։ Հայտնի է եղել նաև «Մեծն Բամբինո» և «Հարվածի սուլթան» մականուններով։

1914-1919 թ թվականին հանդես է եկել «Բոստոն Ռեդ Սոքս» ակումբում՝ դառնալով ակումբի առաջատար մարզիկը։ 1920 թվականին «Ռեդ Սոքսի» ղեկավարությունը որոշում է ընդունում վաճառել Ռութին, ով տեղ է գտնում «Նյու Յորք Յանկիս» ակումբում։ Ռութի տեղափոխումից հետո «Ռեդ Սոքսը» ունենում է անհաջողությունների տասնամյակ, որը բեյսբոլային պատմության մեջ մտնում է որպես Բամբինոյի անեծք (the curse of the Bambinо

Ռութը հեռանում է սպորտային կարիերայից 1935-ին։ Մեկ տարի անց դառնում է Բեյսբոլի ազգային փառքի սրահի անդամ։

Ըստ տարբեր վարկանիշային աղյուսակների և հարցումների՝ Ռութն համարվում է բոլոր ժամանակների լավագույն բեյսբոլիստներից մեկը. 1998 թվականին «Սպորտինգ նյուզ» հանդեսը «100 մեծագույն բեյսբոլիստների» աղյուսակում Ռութին շնորհեց առաջին հորիզոնականը,[1] 1999-ին բեյսբոլի երկրպագուները Ռութին հատկացրեցին MLB-ի բոլոր ժամանակների թիմի անդամի տիտղոսը։ [2] 1969-ին՝ պրոֆեսիոնալ բեյսբոլի 100-ամյակի կապակցությամբ նրան է շնորհվում երբևէ դաշտ դուրս եկած մեծագույն բեյսբոլիստի կոչումը։ 1993-ին «Ասոշիեդ պրեսը» հայտնում է, որ Մուհամեդ Ալին և Բեյբ Ռութը գտնվում են հավասար հորիզոնականների վրա՝ որպես ամենաճանաչված ամերիկյան մարզիկներ։ [3] 1999 թվականին «ESPN»-ը Ռութին շնորհում է 20-րդ դարի երկրորդ լավագույն ամերիկացի մարզիկի կոչումը՝ զիջելով միայն բասկետբոլիստ Մայքլ Ջորդանին։ [4]

1920 թվականին Նյու Յորքի պոլոյի խաղադաշտում Բեյբ Ռութը իր 50-րդ հաղթանակած մականը պաշտոնապես նվիրում է Մերձավոր Արևելքի նպաստամատույցի ներկայացուցիչ, հայուհի Նվարդ Ձերոն Կոշկարյանին, որից հետո այդ մականը հանվում է բարեգործական աճուրդի՝ 1915 թվականի Հայոց ցեղասպանությունը վերապրած հայ որբերին աջակցելու համար[5]:

Ծանոթագրություններ[խմբագրել | խմբագրել կոդը]

  1. «Սպորտինգ նյուզի» բեյսբոլիստների վարկանիշային աղյուսակը
  2. ««All-Century Team»-ի վերջնական քվեարկությունը»։ «Ի Էս Փի Էն», «Ասոշիեդ պրես»։ Հոկտեմբերի 23, 1999։ Վերցված է Մայիսի 27, 2011 
  3. Ուիլշտայն Սթիվ (Մայիսի 17, 1993)։ «Ռեթոն, Հեմիլ` «Ամենահայտնի ամերիկացի մարզիկները»»։ «Ասոշիեդ պրես» 
  4. ««Դարի լավագույն ամերիկացի մարզիկները»»։ «Ի Էս Փի Էն»։ ESPN.com։ Սեպտեմբերի 14, 1999։ Վերցված է Փետրբարի 5, 2013 
  5. http://www.genocide-museum.am/arm/Babe-Ruth.php#sthash.Ke5y2P4h.dpuf

Արտաքին հղումներ[խմբագրել | խմբագրել կոդը]