Բացարձակ իշխանություն (ֆիլմ, 1997)

Բացարձակ իշխանություն անգլ.՝ Absolute Power
Երկիր	ԱՄՆ
Ժանր	վեպի մոտիվներով ֆիլմ և քաղաքական թրիլեր
Թեմա	United States Secret Service? և fictional President of the United States?
Հիմք	Բացարձակ հիշողություն վեպ
Թվական	փետրվարի 4, 1997
Լեզու	անգլերեն
Ռեժիսոր	Քլինթ Իսթվուդ
Պրոդյուսեր	Քլինթ Իսթվուդ
Սցենարի հեղինակ	Ուիլյամ Գոլդման
Դերակատարներ	Քլինթ Իսթվուդ, Ջին Հեքմեն, Էդ Հարիս, Լորա Լիննի, Սքոթ Գլեն, Դեննիս Հայսբերտ, Ջուդի Դևիս, Ի. Գ. Մարշալ, Ռիչարդ Ջենիկինս, Էլիսոն Իսթվուդ, Ken Walsh?, Մարկ Մարգոլիս, Մելորա Հարդին, Փեննի Ջոնսոն Ջերալդ, Քենեթ Ուելշ և Բադի Վան Հորն
Օպերատոր	Ջեք Գրին
Երաժշտություն	Լենի Նայհաուս
Մոնտաժ	Ժոել Կոկս
Պատմվածքի վայր	Վաշինգտոն, Կոլումբիայի շրջան
Նկարահանման վայր	Բալթիմոր
Կինոընկերություն	Castle Rock Entertainment և Malpaso Productions
Տևողություն	121 րոպե
Բյուջե	50 000 000 $
Շահույթ	50 068 310 $
Absolute Power (film) Վիքիպահեստում

«Բացարձակ իշխանություն» (անգլ.՝ Absolute Power), ռեժիսոր Քլինթ Իսթվուդի ամերիկյան քաղաքական թրիլլերը, որն էկրանավորվել է Դեյվիդ Բալդաչչիի համանուն վեպի (1996 թվական) հիման վրա։

Սյուժե

Լյութեր Ուիթնին արհեստավարժ գող է, որ հազվադեպ է գործում։

Նա հաշվարկել է, որ եթե իր վերջին «գործը» հաջողվի, ապա ինքն ընդմիշտ կթողնի գողության ուղին։ Հարուստ առանձնատան գողության ժամանակ նա ստիպված է լինում թաքնվել գաղտնի սենյակում, որտեղից երկկողմանի հայելու հետևից կարողանում է տեսնել տանտիրոջ կնոջն ուրիշ տղամարդու հետ։ Վերջինս, պարզվում է, սադիստ է։ Կինը ձգվելով վերցնում է գրենական դանակն ու վիրավորում տղամարդուն, ապա ձեռքը հետ տանում` կրկին հարվածելու համար։ Սակայն այդ միջոցին վիրավոր տղամարդն օգնություն է կանչում, և սենյակ են մտնում 2 տղամարդ, որոնցից մեկը կրակելով սպանում է կնոջը։

Պարզվում է, որ ներս մտնողներն ԱՄՆ-ի նախագահի անվտանգության գաղտնի գործակալներ են, իսկ այդ տղամարդը` Ալան Ռիչմոնդը, ԱՄՆ-ի նախագահը։ Նույն պահին հայտնվում է Գլորիա Ռասսելը` նախագահի աշխատակազմի ղեկավարը։ Իմանալով կատարվածի մասին` վերջինս որոշում է թաքցնել սպանությունը։ Որոշվում է կատարվածը ներկայացնել այնպես, որ իբր կնոջը սպանել է բնակարանահատ ինչ-որ մեկը։ Հետքերը մաքրելուց հետո, սակայն, նրանք սենյակում մոռանում են դանակը։ Ուիթնին թաքստոցից դուրս է գալիս ու… վերցնում այն։ Գործակալները, հիշելով դանակի մասին, վերադառնում են ու, նկատելով Ուիթնիին, սկսում են հետապնդել նրան։

Ոստիկանությունը հետաքննություն է սկսում ու թաքցնում բազմաթիվ փաստեր, որոնք նկատում է խուզարկու Սեթ Ֆրանկը։ Վերջինս արդեն կասկածում էր, որ ինչ-որ բան այն չէ։ Սեթ Ֆրանկը Ուիթնիին կասկածում է հանցագործության մասնակից լինելու մեջ, սակայն վստահ է, որ մարդասպանն Ուիթնին չէ։ Ուիթնին փորձում է լքել քաղաքը, սակայն իմանալով, թե ինչ կաշառակեր ու բարոյալքված մարդ է Ռիչմոնդը, որոշում է խաղ խաղալ Ռիչմոնդի ու վերջինիս մարդկանց գլխին։ Միևնույն ժամանակ Ռիչմոնդը ցանկանում է, որ Ուիթնին ընդմիշտ լռի։

Դերերում

• Քլինթ Իսթվուդ - Լյութեր Ուիթնի
• Ջին Հեքմեն - նախագահ Ալան Ռիչմոնդ
• Էդ Հարիս - խուզարկու Սեթ Ֆրանկ
• Լորա Լինի - Քեյթ Ուիթնի
• Սքոթ Գլեն - գործակալ Բիլ Բարթոն
• Դեննիս Հայսբերտ - Թիմ Քոլի
• Ջուդի Դևիս - Ռասել Գլորիայի վերադասը
• Է.Գ. Մարշալ – Ուոլթեր Սալիվան
• Մելորա Հարդին - Քրիստի Սալիվան
• Քենեթ Ուելչ - Սենդի Լորդ
• Փենի Ջոնսոն - Լաուրա Սիմոն
• Ռիչարդ Ջենքինս - Մայքլ Մաքքարտի
• Մարկ Մարգոլիս - Ռեդ Բրենսդֆորդ
• Էլեյն Քագան - Վալերիա
• Էլիսոն Իսթվուդ – ուսանող-նկարիչ

Արտադրություն

Երբ Քլինթ Իսթվուդն իմացավ գրքի` ֆիլմ դառնալու մասին, հավանեց կերպարներին ու հիմնական սյուժեն, բայց նրան դուր չեկավ այն, որ իր կարծիքով հետաքրքիր շատ կերպարներ սպանվում են։ Բանակցելով սցենարիստ Ուիլյամ Գոլդմանի հետ` նա պահանջեց, որ վերջինս վերանայի տեքստն ու «չսպանի ու վերստեղծի նրանց, ում սիրում է լսարանը»։

Շահույթ

ԱՄՆ-ում ցուցադրության առաջին շաբաթվա ընթացքում ստացվել էր 16 770 220 միլիոն դոլարի շահույթ։ Ցուցադրությունից ստացված ընդհանուր գումարը կազմել է 50 068 310 միլիոն դոլար։

Արտաքին հղումներ

• Описание фильма в TCM Movie Database
• «Абсолютная власть»(անգլ.) ֆիլմը Allmovie կայքում: