Քլինթ Իսթվուդ

Քլինթ Իսթվուդ անգլ.՝ Clint Eastwood
Հասակը	188 սմ
Ծնվել է	մայիսի 31, 1930(1930-05-31)[…] (92 տարեկան)
Ծննդավայր	Սան Ֆրանցիսկո, Կալիֆորնիա,  ԱՄՆ
Կրթություն	Լոս Անջելես քաղաքի քոլեջ, Սիեթլի համալսարան, Oakland Technical High School? և Piedmont High School?
Քաղաքացիություն	ԱՄՆ
Ազգություն	ԱՄՆ
Կրոն	դեիզմ, բուդդայականություն և աթեիզմ
Մասնագիտություն	Դերասան, Ռեժիսոր, Սցենարիստ, Կոմպոզիտոր, Պրոդյուսեր
Ակտիվ շրջան	1952–այժմ
Ժանրեր	Մարտական, Դրամա, Թրիլեր
Ծնողներ	հայր՝ Clint Eastwood Sr.?, մայր՝ Margaret Ruth Runner?
Ամուսին(ներ)	Դինա Իստվուդ (1 երեխա), Մեգի Ջոնսոն (ամուսնալուծված) (2 երեխա)
Համատեղ ապրող(ներ)	Սոնդրա Լոկ և Ֆրենսիս Ֆիշեր
Երեխա(ներ)	3 երեխա
Պարգևներ և մրցանակներ	Ամերիկայի ռեժիսորների համքարության մրցանակ Ոսկե կառք ԱՄՆ կինոդերասանների գիլդիայի մրցանակ կինեմատոգրաֆում ներդրման համար Կալիֆորնիայի փառքի սրահ AFI կյանքի նվաճումներ մրցանակ Իրվինգ Թալբերգի անվան մրցանակ Ամերիկայի արվեստների և գիտությունների ակադեմիայի անդամ ԱՄՆ կինոքննադատների ազգային խորհրդի մրցանակ լավագույն ֆիլմի համար Golden Boot Awards? Golden Boot Awards? Ոսկե Գլոբուս լավագույն ռեժիսորի համար Ոսկե Գլոբուս լավագույն ռեժիսորի համար և Owen Wister Award?
IMDb	ID 0000142
ԿինոՊոիսկ	ID 22948
clinteastwood.net
Օսկար 2005, 1995, 1993 Ոսկե Գլոբուս 2005, 1993, 1989

Քլինթ Իսթվուդ (Քլինթոն Էլայաս Իսթվուդ կրտսեր, անգլ.՝ Clinton Elias Eastwood, Jr., մայիսի 31, 1930(1930-05-31)^[…], Սան Ֆրանցիսկո, Կալիֆոռնիա, ԱՄՆ), ամերիկացի կինոդերասան, ռեժիսոր, պրոդյուսեր, ով նաև իր ֆիլմերի համար երաժշտություն է գրում։ Համարվում է Հոլիվուդի կենդանի լեգենդներց մեկը։

Կենսագրություն

Քլինթ Իսթվուդը ծնվել է 1930 թվականին Սան Ֆրանցիսկոյում։ Հայրը՝ Քլինթ Իսթվուդ ավագը (1906-1970) զբաղվում էր պողպատագործությամբ և աշխատում միգրացիոն գործակալությունում։ Մայրը՝ Մարգարիտ Ռութը (1909-2006) բանվորուհի էր։ Իսթվուդի երակներում հոսում է անգլիացու, շոտլանդացու, իռլանդացու և հոլանդացու արյուն։ Ծնվելու ժամանակ ունեցած ծանր քաշի համար բուժքույրերը նրան «Սամսոն» մականունն էին տվել։

Դպրոցական տարիներին Իսթվուդը սովորելուց բացի զբաղվում է նաև տարբեր սպորտաձևերով, ֆուտբոլով, բասկետբոլով, մարմնամարզությամբ և լողով։ Նրանց ընտանիքը անընդհատ մի տեղից մյուսն էր տեղափոխվում և Իսթվուդը ստիպված էր ամեն անգամ նոր գործ գտնել։ Տարբեր ժամանակներում աշխատել է որպես մթերային խանութի բանվոր, անտառային հրշեջ, լրագիր ցրող, գոլֆիստի օգնական և այլն։

Կարիերան

Քլինթ Իսթվուդը նկարահանվել է մեծ մասամբ վեստերներում և մարտաֆիլմերում ստեղծելով դրական կերպարներ, նրա ամենահայտնի հերոսները կովբոյներ ու ոստիկաններ են։ Հատկապես հաջող է եղել նրա ու ռեժիսոր Սերջիո Լեոնեի համագործակցությունը։ Քլինթ Իսթվուդի համար աստղային էին 1960-1980-ական թթ., այդ տարիներին նա համարվում է Հոլիվուդի ամենապահանջված դերասաններից մեկը։ Սկսած 1970 թվականից Իսթվուդը զբաղվում է նաև ռեժիսորական աշխատանքներով, իսկ սկսած 1993 թվականից նկարահանվում է միայն իր ֆիլմերում։

Մրցանակներ

Քլինթ Իսթվուդը մրցանակների ահռելի «հավաքածու» ունի, մոտ 121 կինոմրցանակ, չհաշված ևս 79 թեկնածություն տարբեր մրցանակների։

• Օսկարի քառակի դափնեկիր է, 1993 թվականին «Չներվածը» և 2003 թվականին «Խորհրդավոր գետը» ֆիլմերի համար «Օսկար լավագույն ռեժիսորի համար» և «Օսկար լավագույն ֆիլմի համար» (որպես պրոդյուսեր) անվակարգերում

ստացել է նաև

• 5 Ոսկե Գլոբուս, որոնցից 3 Ոսկե Գլոբուս լավագույն ռեժիսորի համար ևս 2-ը Ոսկե Գլոբուս լավագույն դերասանի համար (դրամա) անվանակարգերում
• 3 Սեզար
• «Չներվածը» ֆիլմը ներառվել է Ամերիկյան կինոակադեմիայի
  • Ամերիկյան բոլոր ժամանակների 100 լավագույն ֆիլմերի ցանկում 68-րդ տեղում
  • Ամերիկյան բոլոր ժամանակների 10 լավագույն ֆիլմեր ըստ 10 ժանրերի վեստեռների ցանկում՝ 4-րդ տեղում
• Վենետիկի միջազգային կինոփառատոնի 2 մրցանակ և այլն

Ֆիլմագրություն

Կինոյում խաղում է սկսած 1955 թվականից, խաղացել է ավելին քան 60 ֆիլմերում, մոտ 30 ֆիլմի ռեժիսոր է, նույնքան ֆիլմի պրոդյուսեր, երաժշտություն է գրել իր 15-ից ավելի ֆիլմերի համար։
Առավել նշանավոր ֆիլմերն են՝

Քլինթ Իսթվուդը կովբոյի դերում

տարեթիվ	ֆիլմի անվանում	բնօրինակ անվանում	դերը	նաև
1964	Մի բուռ դոլլարի համար	A Fistful Of Dollars	Ջո
1965	Մի քանի ավել դոլլարի համար	For A Few Dollars More	Մոնկո
1966	Լավը, վատը, չարը	The Good, the Bad and the Ugly	շիկահեր (լավ)
1967	Հեծյալները բարձրավանդակներից	Hang 'Em High	մարշալ Ջեդ Կուպեր
1968	Կուգանի Բլեֆը	Coogan’s Bluff	շերիֆ Ուոլտ Կուգան
1970	Երկու ջորի քույր Սառայի համար	Two Mules for Sister Sara	Հոգան
1970	Քելլի հերոսները	Kelly’s Heroes	շարքային Քելլի
1971	Նվագիր ինձ համար «մշուշ է»	Play Misty for Me	Դեյվ Հարվեր	ռեժիսոր
1971	Կեղտոտ Հարրի	Dirty Harry	կեղտոտ Հարրի Կապլահան
1972	Ջո Կիդ	Joe Kidd	Ջո Կիդ
1973	Բարձր վայրերի թափառաշրջիկը	High Plains Drifter	անծանոթը
1979	Փախուստ Ալկատրասից	Escape from Alcatraz	Ֆրենկ Մորրիս
1983	Անսպասելի հարված	Sudden Impact	«կեղտոտ» Հարրի Կապլահան	ռեժիսոր
1986	Կոտրված սրտերի լեռնանցքը	The Bridges of Madison County	Թոմ Հեյվեյ	ռեժիսոր
1992	Նորեկը	The Rookie	Նիկ Պուլովսկի	ռեժիսոր
1992	Չներվածը	Unforgiven	Բիլլ Մունի	ռեժիսոր
1995	Մեդիսոնի կամուրջները		Ռոբեր Կինկեյդ	ռեժիսոր
2003	Խորհրդավոր գետը	Mystic River		ռեժիսոր կոմպոզիտոր
2004	Միլիոն դոլարանոց աղջիկը	Million Dollar Baby	Ֆրենկի Դանն	ռեժիսոր կոմպոզիտոր պրոդյուսեր
2006	Մեր հայրերի դրոշները	Flags of Our Fathers		ռեժիսոր
2006	Նավակներ Իվոձիմայից	Letters from Iwo Jima		ռեժիսոր
2008	Գրանդ Տորինո	Gran Torino	Ուոլտեր Կովալսկի	ռեժիսոր, պրոդյուսեր