Jump to content

Սքոթ Գլեն

Վիքիպեդիայից՝ ազատ հանրագիտարանից
Սքոթ Գլեն
Ծնվել էհունվարի 26, 1941(1941-01-26)[1] (85 տարեկան)
ԾննդավայրՓիթսբուրգ, Փենսիլվանիա, ԱՄՆ[2]
ԿրթությունՈւիլյամի և Մերիի քոլեջ
Քաղաքացիություն ԱՄՆ
Մասնագիտությունկինոդերասան, դերասան, ռազմական գործիչ, լրագրող, հեռուստատեսային դերասան, կինոպրոդյուսեր, թատրոնի դերասան և հնարքներ բանեցնող
Ժանրերվեսթեռն

Թեոդոր Սքոթ Գլեն (հունվարի 26, 1941(1941-01-26)[1], Փիթսբուրգ, Փենսիլվանիա, ԱՄՆ[2]), ամերիկյան դերասան։ Նա նկարահանվել է Ուես Հայտովերի դերում «Քաղաքային կովբոյ»(1980) ֆիլմում, տիեզերագնաց Ալան Շեպարդի դերում «Տղաներն այնպիսին, ինչպիսին որ պետք են» (1983) ֆիլմում, հրամանատար Բարտ Մանկուզոյի դերում «Որս „Կարմիր Հոկտեմբերի“ հետևից» (1990) ֆիլմում և Ջեկ Կրոֆորդայի դերում «Գառնուկների լռությունը» (1991) ֆիլմում։

Վաղ տարիներ

[խմբագրել | խմբագրել կոդը]

Թեոդոր Սքոթ Գլենը ծնվել և մեծացել է Փենսիլվանիա նահանգի Փիթսբուրգ քաղաքում։ Նա գործարար Թեոդոր Գլենի և տնային տնտեսուհի Էլիզաբեթի որդին է[3]։ Ունի իռլանդացի և հնդիկ նախնիներ[4]։ Մանուկ ժամանակ հաճախ է հիվանդացել և մի տարի եղել է անկողնային հիվանդ։ Ի շնորհիվ ինտենսիվ մարզումների նա կարողացել է վերականգնել իր առողջությունը և շտկել կաղությունը։ Փիթսբուրգյան ավագ դպրոցն ավարտելուց հետո Գլենն ընդունվում է Վիլհելմի և Մարիայի քոլեջ, որտեղ հմտանում է անգլերեն լեզվի մեջ։ Դրանից հետո նա անցնում է ծովային ծառայողական կորպուսի շարքերը և այնտեղ 3 տարի ծառայում։ Գրեթե 5 ամիս Գլենը Kenosha Evening News-ում աշխատել է որպես ռեպորտյոր։ Նա իր ուժերը փորձել է որպես հեղինակ, սակայն հասկացել է որ չի կարող լավ դիալոգներ գրել։ Ավելի լավ դիալոգներ գրելու համար սկսել է հմտանալ դերասանական արվեստի մեջ։

Գլենը առաջին անգամ ելույթ է ունեցել 1965 թվականին Բրոդվեյում` «The Impossible Years» երգիծական պիեսում։ Նա միացել է Ջորջ Մարիսոնի դերասանական դասարանին, որտեղ օգնում էր ուսանողներին վճարել իրենց վարձը` պիեսներում խաղալով, և նաև հենց ինքն էլ հայտնվում էր «La MaMa Experimental Theatre Club» թատրոնի բեմադրած պիեսաներում։ 1967 թվականին ամուսնացել է Քերոլ Շվարցի հետ, և կնոջ ազեցության տակ դարձել է հուդաիզմի հետևորդ[4]։ 1968 թվականին Գլենն ընդունվում է The Actors Studio, և սկսում է աշխատել պրոֆեսիոնալ թատրոնում և հեռուստատեսությունում։ 1970 թվականին ռեժիսոր Ջեյմս Բրիջը նրան «The Baby Maker» ֆիլմում դեր է առաջարկում, որը դուրս է եկել այդ նուն տարում, և որը Գլենի առաջին դերն էր ֆիլմում։

Ծանոթագրություններ

[խմբագրել | խմբագրել կոդը]
  1. 1 2 Scott Glenn Biography & TV / Movie Credits
  2. 1 2 http://www.aveleyman.com/ActorCredit.aspx?ActorID=6634
  3. ↑ http://www.filmreference.com/film/75/Scott-Glenn.html
  4. 1 2 «Արխիվացված պատճենը». Արխիվացված է օրիգինալից 2005 թ․ փետրվարի 23-ին. Վերցված է 2017 թ․ հունիսի 19-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Սքոթ Գլեն» հոդվածին։
Ստացված է «https://hy.wikipedia.org/w/index.php?title=Սքոթ_Գլեն&oldid=9918389» էջից