Բարան բո Օդար
| Բարան բո Օդար | |
|---|---|
_(cropped)2.jpg) | |
| Ծննդյան թիվ՝ | ապրիլի 18, 1978[1][2][3] (44 տարեկան) |
| Ծննդավայր՝ | Օլտեն, Olten-Gösgen, Զոլոտուրն, Շվեյցարիա |
| Քաղաքացիություն՝ |  Գերմանիա |
| Մասնագիտություն՝ | կինոռեժիսոր, սցենարիստ և կինոսցենարիստ |
| IMDb։ | ID 2171633 |
| baranboodar.com | |
Բարան բո Օդար (գերմ.՝ Baran bo Odar, ապրիլի 18, 1978[1][2][3], Օլտեն, Olten-Gösgen, Զոլոտուրն, Շվեյցարիա), շվեդ ռեժիսոր և սցենարիստ։ Առավել հայտնի է դարձել «Ով եմ ես» ֆիլմի շնորհիվ, որը հասել է գերմանական կինեմատոգրաֆիայի չարթերի բարձունքին[4]։ Նրա 2017 թվականին թողարկված «Խավար» սերիալը հանրաճանաչություն է ձեռք բերել աշխարհում և դարձել է Նեթֆլիքսի առաջին բնօրինակ գերմաներեն սերիալը։
Կենսագրություն[խմբագրել | խմբագրել կոդը]
Բարան բո Օդարը ծնվել է Շվեյցարիայում, նրա հայրը Շվեյցարիայում աշխատել է որպես ատոմային արդյունաբերության քիմիկոս[5]։ Իր մանկությունն ու պատանեկությունը անցկացրել է Էրլանգենում, որտեղ սովորել է Ալբերտ Շվեցերի վարժարանում։
Ավելի ուշ, 1998-2006 թվականներին, նա սովորել է Մյունխենի հեռուստատեսության և կինոյի քոլեջում։ Քոլեջում Նա ծանոթացել է Յանտյե Ֆրիզեի հետ։ «Փայլ» և «Արևի տակ» ֆիլմերը ցուցադրվել են Բեռլինի կինոփառատոնում, իսկ «Արևի տակ» ֆիլմը նաև առաջադրվել է Max Ophüls մրցանակի 2006 թվականին։
Ուսումն ավարտելուց հետո նա զբաղվել է գովազդային հոլովակների, երաժշտական տեսահոլովակների և կարճամետրաժ ֆիլմերի արտադրությամբ։ 2010 թվականին կինոյում նրա դեբյուտը դարձել է «Լռություն» ֆիլմը, որն առաջին անգամ ցուցադրվել է Լոկառնոյի կինոփառատոնում՝ Պիացցա Գրանդեի հրապարակում։ Ֆիլմի հայտնի դառնալուց հետո, «Variety» ամսագիրը Բարանին ընդգրկել է այն ռեժիսորների ցուցակում, որոնց «ֆիլմերը արժե դիտել»[6]։
«Ով եմ ես» ֆիլմը դարձել է հիթ և գրավել է Հոլիվուդի ուշադրությունը, Warner Bros. կինոընկերությունը ձեռք է բերել ֆիլմի ռիմեյքի իրավունքները։
2017 թվականի հունվարի 12-ին ԱՄՆ-ում տեղի է ունեցել Օդարի առաջին ամերիկյան «Անքուն գիշեր» ֆիլմի պրեմիերան։ Այդ ֆիլմից հետո նա սկսել է աշխատել «Խավար» սերիալի վրա, որը դարձել է Նեթֆլիքսի առաջին բնօրինակ գերմաներեն սերիալը։
Անձնական կյանք[խմբագրել | խմբագրել կոդը]
Բարան բո Օդարը ապրում է Բեռլինում իր կնոջ՝ Յանտյե Ֆրիզեի հետ, նրանք ունեն դուստր։
Ծանոթագրություններ[խմբագրել | խմբագրել կոդը]
| ||||||||||||
