Արևալո

Արևալո
Մունիցիպալիտետ
	Արևալո
	Arévalo
Դրոշ	Զինանշան
	Արևալոյի բերդը՝ կառուցված 12-16-րդ դարերում
Երկիր	Իսպանիա
Ինքնավար համայնք	Կաստիլիա և Լեոն
Նահանգ	Ավիլա
Շրջան	Լա Մորանիա
Քաղաքապետ	Վիդալ Գալիցիա Խարամելո
Մակերես	46.07 կմ²
ԲԾՄ	820 մ
Կլիմայի տեսակ	Միջերկրածովյան
Խոսվող լեզուներ	Իսպաներեն
Բնակչություն	8114 մարդ (2010)
Խտություն	175,7 մարդ/կմ²
Տեղաբնականուն	arevalenses
Ժամային գոտի	UTC+1, ամառը UTC+2
Փոստային ինդեքսներ	05200
Ավտոմոբիլային կոդ	AV
Պաշտոնական կայք	ayuntamientoarevalo.es
	Արևալո Վիքիպահեստում

Արևալո (իսպ.՝ Arévalo), մունիցիպալիտետ Իսպանիայում։ Մտնում է Կաստիլիա և Լեոն ինքնավար համայնքում՝ Ավիլա պրովինցիայի մեջ։ Գտնվում է Լա Մորանիա շրջանում։

Քաղաքի անվանումն առաջացել է կելտական arevalon բառից, որը թարգմանաբար նշանակում է «Քարերին մոտ տարածք»։ Քաղաքում ամեն տարի հուլիսի 7-ին նշվում է քաղաքի հովանավոր պաշտպան Սան Վիկտորինոյի (San Victorino) փառատոնը։ Այն ավարտվում է գիշերվա ժամը 11-ին քաղաքի ամրոցի մոտ՝ հրավառությամբ։ Արևալոյի քույր քաղաք է համարվում ֆրանսիական Աուտուն քաղաքը։

Տարածաշրջանային կարևորություն[խմբագրել | խմբագրել կոդը]

Արևալոն Լա Մորանիա շրջանի մայրաքաղաքն է։ Իսպանիայի կառավարությունն այս քաղաքը հայտարարել է պատմական և մուդեխարական մշակույթի (իսպ.՝ mudéjar, արաբերեն مدجّن [mudaǧǧan] բառից՝ կենցաղային, տնային) բազմաթիվ նմուշների համար^[2]։ Արևալոյում է գահ բարձրացել Իզաբելա I (իսպ.՝ Isabella I of Castile) թագուհին։

Տեղադրություն և բնակչություն[խմբագրել | խմբագրել կոդը]

Գտնվում է Արևալիլո (Arevalillo) և Ադախա (Adaja) գետերի միախառնման վայրին մոտ։ Զբաղեցնում 46.07 կմ² մակերես տարածք։ Ծովի մակարդակից գտնվում է 820 մ բարձրության վրա։ Բնակչությունը կազմում է 8114 մարդ (2010 թվական)։ Միջնադարում այն եղել է գյուղատնտեսության գլխավոր վայր (Comunidad de Villa y Tierra)՝ միևնույն անվանումով։

Տարեթիվ	1900	1950	1960	1970	1981	1991	2001
Բնակչություն	3.495	5.066	5.065	5.524	6.579	7.375	7.507

Կլիմա[խմբագրել | խմբագրել կոդը]

Ջերմաստիճանի և տեղումների տարեկան միջին ցուցանիշները Արևալոյում
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	տարին
միջին ջերմաստիճանը (°C)	3,0	4,8	6,3	8,1	11,9	17,0	20,7	20,3	17,4	11,4	6,7	4,1	11,0
տեղումների քանակը (մմ)	36,2	31,6	25,9	40,6	49,7	34,5	21,4	16,1	27,1	46,1	45,9	37,6	412,6

Հուշարձաններ[խմբագրել | խմբագրել կոդը]

La Muralla - Քաղաքի պաշտպանական պատերը, որոնք սկզբնական շրջանում ունեցել են 5 դուռ և կազմում են եռանկյուն ամրոցի հետ միասին։ Դրանց հիմքը պաշտպանված է 2 շարքով շարված պատով։
Santo Domingo de Silos եկեղեցի
San Juan եկեղեցի
Santa María եկեղեցի, որի աշտարակը հատում է համանուն փողոցը, որտեղ գտնվում է եկեղեցին
San Miguel եկեղեցի, որտեղ պահվում են արվեստի գործերի տարբեր արժեքավոր նմուշներ
San Martín եկեղեցի, նախկինում՝ մզկիթ, որը ներկայումս պահպանում է իր ինքնատիպ տեսքը
El Salvador եկեղեցի

Բացի այս եկեղեցիներից և հուշարձաններից, Արևալոյի տարբեր տարածաշրջաններում կան բազմաթիվ այլ տեսարժան և պատմական կոթողներ, ամրոցներ, վանքեր։

Դպրոցներ[խմբագրել | խմբագրել կոդը]

Այստեղ առկա են 3 դպրոցներ՝ C.P. La Moraña, C.P. Los Arevacos և El Amor de Dios։ Բացի այդ, այստեղ կան նաև միջնակարգ կրթության 3 կենտրոններ՝ Los Salesianos, I.E.S Adaja և I.E.S Eulogio Florentino Sanz.