Արտաշես Խերունց
Արտաշես Խերունց | |
---|---|
Ծնվել է | 1916 |
Ծննդավայր | Գորիս, Ելիզավետպոլի նահանգ, Կովկասի փոխարքայություն, Ռուսական կայսրություն |
Մահացել է | անհայտ |
Քաղաքացիություն | Ռուսական կայսրություն և ԽՍՀՄ |
Կրթություն | Երևանի պետական համալսարան (1948) |
Մասնագիտություն | մանկավարժ |
Կուսակցություն | ԽՄԿԿ |
Պարգևներ և մրցանակներ |
Արտաշես Վաղարշակի Խերունց (1916, Գորիս, Ելիզավետպոլի նահանգ, Կովկասի փոխարքայություն, Ռուսական կայսրություն - անհայտ), հայ մանկավարժ։ ՀԽՍՀ վաստակավոր ուսուցիչ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։ ԽՄԿԿ անդամ (1943):
Կենսագրություն[խմբագրել | խմբագրել կոդը]
Արտաշես Խերունցը ծնվել է 1916 թվականին, Գորիս քաղաքում։ Որպես ուսուցիչ աշխատել է Սիսիանի շրջանի դպրոցներում։ 1938 թվականին ընդունվել է Երևանի պետական համալսարան, 4-րդ կուրս փոխադրվելուց հետո՝ 1941 թվականի օգոստոսին, զորակոչվել է բանակ։ Ավարտել է Թելավի ռազմական ուսումնարանը, ստացել լեյտենանտի զինվորական կոչում և 89-րդ հայկական հրաձիգային դիվիզիայի 526-րդ գնդում նշանակվել վաշտի հրամանատար։ 1942 թվականի մայիսին ռազմաճակատում մարտերին մասնակցել է 409-րդ հայկական դիվիզիայի շարքերում Հյուսիսային Կովկասում և Ուկրաինայում։ 1943 թվականի սեպտեմբերին ընդունվել է ԽՄԿԿ շարքերը։ 1943 թվականի հոկտեմբերի վերջին Դնեպրոպետրովսկի մարզի Չերվոննայա Ուկրաինա բնակավայրի մոտ մղված մարտերից մեկում վիրավորվել է։ Այնուհետև 59-րդ գվարդիական դիվիզիայի 179-րդ գնդում որպես ականանետային վաշտի հրամանատար մասնակցել է ազատագրական կռիվներին Բեսարաբիայում, Ռումինիայում, Բուլղարիայում, Հարավսլավիայում, Հունգարիայում[1]։
Ցուցաբերած խիզախության համար Խերունցը պարգևատրվել է «Հայրենական պատերազմի երկրորդ աստիճանի», «Կարմիր աստղի» շքանշաններով և մի շարք մեդալներով[1][2]։
Զորացրվել և 1946 թվականին շարունակել է սովորել Երևանի պետական համալսարանում։ 1948 թվականին՝ համալսարանն ավարտելուց հետո, նշանակվել է Մեղրու շրջանային ժողկրթության բաժնի վարիչ և պաշտոնավարել շուրջ յոթ տարի, ապա որպես ուսմասվար աշխատել է դպրոցներում, եղել է դպրոցի տնօրեն, ուսումնական մասի վարիչ։ 1981 թվականի փետրվարին անցել է կենսաթոշակի։
Մանկավարժական անբասիր աշխատանքի համար Խերունցն արժանացել է Հանրապետության վաստակավոր ուսուցչի կոչման[1]։
Պարգևներ[խմբագրել | խմբագրել կոդը]
- «Կարմիր աստղի» շքանշան
- «Հայրենական պատերազմի Երկրորդ աստիճանի» շքանշան
- ՀԽՍՀ վաստակավոր ուսուցիչ
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:
- ↑ «ԽԵՐՈՒՆՑ ԱՐՏԱՇԵՍ ՎԱՂԱՐՇԱԿԻ». ԶԱՆԳԵԶՈՒՐ. 2010 թ․ մայիսի 2. Վերցված է 2020 թ․ հոկտեմբերի 2-ին.
- 1916 ծնունդներ
- Գորիս քաղաքում ծնվածներ
- Մահվան ամսաթիվը չորոշված անձինք
- ԵՊՀ շրջանավարտներ
- ԽՄԿԿ անդամներ
- Հայրենական պատերազմի 2-րդ աստիճանի շքանշանակիրներ
- Կարմիր աստղի շքանշանի ասպետներ
- Անձինք այբբենական կարգով
- Դպրոցի տնօրեններ
- ՀԽՍՀ վաստակավոր մանկավարժներ
- Հայ մանկավարժներ
- Հայրենական մեծ պատերազմի հայ մասնակիցներ