Արկադիա (նկար)

Արկադիա;
տեսակ	գեղանկար
նկարիչ	Թոմաս Իկինս
տարի	մոտ 1883
բարձրություն	98,1 սանտիմետր
լայնություն	114,3 սանտիմետր
ստեղծման երկիր	ԱՄՆ
նյութ	յուղաներկ և կտավ
գտնվում է	Մետրոպոլիտեն թանգարան
հավաքածու	Մետրոպոլիտեն թանգարան
	պատկերված են
	Ծանոթագրություններ;
	Arcadia by Thomas Eakins Վիքիպահեստում

«Արկադիա» (անգլ.՝ Arcadia), ամերիկացի նկարիչ, լուսանկարիչ, մանկավարժ, ռեալիստական և ժանրային ոճերի հեղինակ Թոմաս Իկինսի նկարներից։ Այս ստեղծագործությունը հեղինակը վրձնել է մոտավորապես 1883 թվականին։ Յուղաներկով կտավի չափերն են 98,1 × 114,3 սմ։

Այսօր «Արկադիա» ստեղծագործությունը պահպանվում և ցուցադրվում է Մետրոպոլիտեն թանգարանում^[3] (Նյու Յորք, ԱՄՆ)։

Նկարագիր[խմբագրել | խմբագրել կոդը]

«Արկադիա» ստեղծագործությունը Իկինսի մյուս աշխատանքների համեմատ, որոնք ամենօրյա կյանքն են ներկայացնում, տարբերվում է նրանով, որ ներկայացված է իդեալականացված հովվերգական բնանկար։ Ֆիգուրները երեքն են․ կանգնած մերկ պատանի, որը երկու ֆլեյտա է նվագում։ Մյուս երկու ֆիգուրները պառկած են, որոնցից մեկը՝ դարձյալ տղա, նվագում է։ Նրա կողքին պառկած է մերկ աղջիկ, որը լսում է տղաների նվագը (աղջկան կարելի է ճանաչել երկար մազերից, որոնք հավաքված են ծոծրակի մոտ)^[4]։

Պատմություն[խմբագրել | խմբագրել կոդը]

Երբ Իկինսը 1890-ական թվականներին դասավանդել է Փենսիլվանիայի գեղարվեստի ակադեմիայում, սկսել է նկարել և լուսանկարել մոդելների՝ հին հունական հանդերձանքով կամ մերկ, որոնք կեցվածք էին ընդունում դասական կամ դասականին նման կերպով։ Այդ ժամանակահատվածում արված մի քանի լուսանկար ծառայել են ապագա գեղանկարների համար որպես մոդելներ։