Ասո Թավիթյան

Վիքիպեդիայից՝ ազատ հանրագիտարանից
Jump to navigation Jump to search
Ասո Օ. Թավիթյան
Aso-Tavitian-2.jpg
Ամերիկահայ բարերար
Ծնվել է1940 ապրիլի 11
ԾննդավայրՊլովդիվ, Բուլղարիա
Մահացել էապրիլի 21, 2020(2020-04-21) (80 տարեկանում)
Մահվան վայրՍթոքբրիջ, Բերկշիր շրջան, Մասաչուսեթս, ԱՄՆ
Ազգությունհայ
ԿրթությունԿոլումբիայի համալսարան
Մասնագիտությունբարերար, գործարար և արվեստի կոլեկցիոներ
Պարգևներ և
մրցանակներ
Պատվո շքանշան
ԱնդամությունAusten Riggs Center?

Ասատուր Օհաննեսի Թավիթյան (անգլ.՝ Aso O. Tavitian, Ասո O. Թավիթյան, ապրիլի 11, 1940(1940-04-11), Բուլղարիա[1][2] - ապրիլի 21, 2020(2020-04-21), Սթոքբրիջ, Բերկշիր շրջան, Մասաչուսեթս, ԱՄՆ), հայազգի բարերար, արվեստի հավաքորդ, Syncsort-ի համահիմնադիր և նախկին գործադիր ղեկավար: «Թավիթյան» հիմնադրամի միջոցով աջակցել է գիտական-ակադեմիական ծրագրերի, դրամաշնորհների, թանգարանների և այլն: Պաշտոններ է զբաղեցրել նաև Կարնեգի Մելոն համալսարանում, Կարնեգի հիմնադրամը հանուն միջազգային խաղաղության կազմակերպությունում և Ֆրիկի հավաքածու թանգարանում և այլն:

Aso-Tavitian-1.jpg

Կենսագրություն[խմբագրել | խմբագրել կոդը]

Ասո Թավիթյանը ծնվել է 1940 թվականին, Բուլղարիայում, 1915 թվականին Հայոց ցեղասպանությունը վերապրած հայերի ընտանիքում: 19 տարեկանում Թավիթյանը մեկնել է Բեյրութ, հաճախել Հայկազյան համալսարան, սովորել անգլերեն: 1961 թվականին, որպես փախստական, տեղափոխվել է Նյու Յորք, ԱՄՆ, և նույն տարվա սեպտեմբերին կրթաթոշակ ստանալով, սովորել Կոլումբիայի համալսարանում[3]: 1964 թվականին ստացել է միջուկային ֆիզիկայի բնագավառի բակալավրի աստիճան, 1966 թվականին՝ մագիստրոսի աստիճան: Դոկտորական թեզի փոխարեն, համակուրսեցիների հետ հիմնադրել է Syncsort տեխնոլոգիական ստարտափը և շուրջ 32 տարի ղեկավարել այն մինչև 2008 թվականը[4]:

Գործարարություն[խմբագրել | խմբագրել կոդը]

Ի սկզբանե Թավիթյանը պետք է գիտնական դառնար, սակայն միջուկային ֆիզիկայի դոկտորական ատենախոսության վրա աշխատելիս հրաժարվել է գիտական ծրագրից: Փոխարենը, նա համակուրսեցիների հետ հիմնադրել է տեխնոլոգիական Syncsort ընկերությունը և 1975 թվականին դարձել է կազմակերպության գլխավոր գործադիր տնօրեն: 2008 թվականին Թավիթյանն ունեցել է ընկերության 85 % բաժնեմաս: Նույն տարում նա ընկերության 70 %-ը վաճառել է ներդրողներին, 2013 թվականին՝ մնացած 15 %-ը վաճառել է ընկերությանը և շարունակել է զբաղվել բարեգործությամբ` կրթության, արվեստների ու հումանիտար այլ ուղղություններով։

Որպես Syncsort ընկերությունում 1975-2008թթ իր կառավարման շրջանում մեծ հաջողությունների համար երախտագիտություն ընկերության բաժնետերերի նիստերի դահլիճը անվանակոչվել է Ասո Թավիթյանի անունով։

«Թավիթյան» հիմնադրամ[խմբագրել | խմբագրել կոդը]

1995 թվականին[5] Ասո Դավիթյանը հիմնադրել է «Թավիթյան» հիմնադրամը, որը նվիրատվություններ է անում Հայաստանի, Արցախի և Միացյալ Նահանգների գիտական, մշակութային և կրոնական հաստատություններին: Հիմնադրամի գործունեության կիզակետում հայ և բուլղարացի երիտասարդների համար կրթական ծրագրերի ֆինանսավորումն է՝ կրթաթոշակների միջոցով: «Թավիթյան» հիմնադրամի միջոցով Հայաստանից բազմաթիվ երիտասարդներ իրենց բարձրագույն կրթությունն են շարունակել ԱՄՆ Թաֆթս համալսարանի Իրավունքի և դիվանագիտության Ֆլետչերի դպրոցում[6]:

Պարգևներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Aso Tavitian
  2. 2,0 2,1 Aso Tavitian 1940 - 2020
  3. York Carnegie Corporation of New (2013-07-19)։ «Great Immigrants, Great Stories: Three Tales of Becoming an American»։ HuffPost (անգլերեն)։ Վերցված է 2020-04-23 
  4. Avakian Florence (2017-11-02)։ «Aso Tavitian: A Life Full of Grace and Giving»։ The Armenian Mirror-Spectator (en-US)։ Վերցված է 2020-04-23 
  5. LLC Helix Consulting։ «Armenian philanthropist Aso Tavitian passed away»։ www.panorama.am (անգլերեն)։ Վերցված է 2020-04-23 
  6. «Մահացել է հայազգի մեծ բարերար ու բարեգործ Ասո Թավիթյանը»։ MediaLab Newsroom-Laboratory (en-US)։ 2020-04-22։ Վերցված է 2020-04-23 
  7. «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ www.president.am (հայերեն)։ Վերցված է 2020-04-23 
  8. «Aso Tavitian»։ Tufts Now (անգլերեն)։ 2013-10-16։ Վերցված է 2020-04-23 

Գրականություն[խմբագրել | խմբագրել կոդը]