Առվույտի գալամլակներ
| Առվույտի գալամլակներ | |
| Դասակարգում | |
| Թագավորություն | Կենդանիներ (Animalia) |
| Տիպ/Բաժին | Հոդվածոտանիներ (Arthropoda) |
| Ենթատիպ | Վեցոտանիներ (Hexapoda) |
| Դաս | Միջատներ (Insecta) |
| Կարգ | Երկթևանիներ (Diptera) |
| Ընտանիք | Գալամլակներ (Cecidomyiidae) |
| Ցեղ | Contarinia |
| Տեսակ | Առվույտի գալամլակներ (C. medicaginis) |
| Միջազգային անվանում | |
| Contarinia medicaginis | |
Առվույտի գալամլակներ (լատին․՝ Contarinia medicaginis), գալամլակների ընտանիքի միջատ, առվույտի վտանգավոր վնասատու։
Տարածվածություն[խմբագրել | խմբագրել կոդը]
Տարածված է Եվրասիայում, Հյուսիսային Ամերիկայում, Ռուսաստանի եվրոպական մասում՝ Արևմտյան Սիբիրում և Հյուսիսային Կովկասում, Ուկրաինայում, Բելառուսում, Այսրկովկասում և Ուզբեկստանում։
Նկարագրություն[խմբագրել | խմբագրել կոդը]
Մարմնի երկարությունը 1,5-2 մմ է, մոխրագույն է և ծածկված կարճ մազիկներով, թևերը թափանցիկ են, փորիկից երկար, բեղիկները համրիչաձև են։ Տարեկան զարգանում է 2-5 սերունդ։ Թրթուրները ձմեռում են առվույտադաշտի վերին հողաշերտում։ Հարսնյակավորվում են գարնանը։ Հասուն գալամլակները թռչում են առվույտի առաջին հնձի կոկոնավորման շրջանում։ Էգը մատղաշ կանաչ կոկոնների ներսում ձվադրում է 40-56 ձու։ Թրթուրները սնվում են առէջային խողովակի, վարսանդի, ծաղկապսակի հյութերով։ Կոկոնի տեղում գոյանում է գալ, որի ներսում ապրում են թրթուրները։ Վնասված կոկոներն ու ծաղիկները չորանում են ու թափվում։
Պայքարի միջոցառումներ[խմբագրել | խմբագրել կոդը]
Ագրոտեխնիկական միջոցառումներ և մշակում՝ միջատասպաններով։
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|