Անուշավան

Անվան այլ կիրառումների համար տե՛ս՝ Անուշավան (այլ կիրառումներ)

Անուշավան Անուշավան
Տեսակ	արական անձնանուն
Նշանակություն	անմահ հոգի
Ծագում
Ծագման լեզու	հայերեն
Գիր	Հայոց գրեր
Կապված հոդվածներ	«Անուշավան» սկսվող էջեր

Անուշավան, հայկական տղամարդու տարածված անուն է։ Ըստ պատմահայր Մովսես Խորենացու Արա Գեղեցիկի թոռան անունն է, որը նաև «սոսանվեր» է կոչվել։ Հայնրիխ Հյուբշմանի ստուգաբանությամբ այս անունը կազմված է զենդերեն anaoso «անմահ» և urvan «հոգի» բառերից։ Այս կարծիքի են նաև Նիկողայոս Ադոնցը և Հրաչյա Աճառյանը։ Գրիգոր Ղափանցյանը անվան մեջ տեսնում էր nos «Նոճի., «սոճի. բառը, անվան վերջավորությունը մեկնում որպես «պաշտող», «նվիրված»։ Այստեղից էլ Անուշավան անունը բացատրում է, իբրև «սոսանվեր»։ Ոմանք դիտում են որպես հայերեն «անուշ» և «ավան» (գյուղ) բառերից կազմված անուն։ Այժմ բավական տարածված անուն է։

Հայոց մեջ տարածված Անուշավան և Առուշան անձնանունները միևնույն անվանական տարբերակներ են, ինչպես օրինակ՝ Հովնան – Հունան – Օհան, Հովհանես – Իոհան – Իվան, Բարսեղ – Վասիլ, Միհրան – Մհեր և այլն։ Մեծ հավանականությամբ Անուշավան և Առուշան տարբերակներով անձնանուններն ունեն ուրարտական /կամ հ(խ)ուրիական/ ծագում, որը սեպագրերում հիշատակվում է ՈՒ(Ա)րշա կամ Ռուս(շ)ա ընթերցմամբ։

Հայտնի կրողներ

• Անուշավան Աբովյան,
• Անուշավան Արզումանյան,
• Անուշավան Գասպարյան,
• Անուշավան Մակարյան,
• Անուշավան Շիրոյան,
• Անուշավան Վարդանյան,
• Անուշավան Տեր-Ղևոնդյան,
• Վիվան (իսկական անունը՝ Անուշավան Ջիդեջյան),