ՀՀ անշարժ գույքի կադաստրի պետական կոմիտե

Վիքիպեդիայից՝ ազատ հանրագիտարանից
Jump to navigation Jump to search

Հայաստանի Հանրապետության անշարժ գույքի կադաստրի կոմիտեն գործադիր իշխանության մարմին է, որը մշակում և իրականացնում է երկրի ամբողջ տարածքում անշարժ գույքի շուկայի ընդհանուր և ՀՀ կառավարության հողային  քաղաքականությունը։

Կադաստրի կոմիտեն իր լիազորությունների շրջանակում իրականացնում է գույքի նկատմամբ իրավունքների պետական գրանցում, գույքի վերաբերյալ տեղեկատվական համակարգի կառավարում ու վերահսկում, գույքի կադաստրային գնահատման, անշարժ գույքի շուկայի վերլուծություն, մշակում է զարգացման վերաբերյալ առաջարակությունները, կատարում է հողերի հաշվառման, հասցեավորման, քարտեզագրման աշխատանք, վարում է աշխարհագրական անվանումների ռեեստրը, մշակում է ազգային ատլասը։ Այս բոլոր գործառույթներն իրականացնում է իր կազմում գտնվող սպասարկման գրասենյակների, գործառնական ու տարածքային ստորաբաժանումների  ու «Գեոդեզիա և քարտեզագրություն» ՊՈԱԿ-ի միջոցով։

Սկզբնավորվել է 1997թ., երբ ՀՀ կառավարությունն ընդունեց անշարժ գույքի պետական միասնական կադաստրի համակարգ ստեղծելու որոշումը։ Գործում է «Գույքի նկատմամբ իրավունքների պետական գրանցման մասին» և ՀՀ մի շարք այլ օրենքներով ու իրավական ակտերով։

Մարմնի առաջին ղեկավարը եղել է Մանուկ Վարդանյանը (1997-2009թթ.), ապա՝ Երվանդ Զախարյանը (2009-2014թթ.), Մարտին Սարգսյանը (2014-2018թթ.) և Սարհատ Պետրոսյանը (2018թ. մինչ օրս)։  

ՀՀ անշարժ գույքի կադաստրի կոմիտեն Եվրոգեոգրաֆիքս կազմակերպության լիիրավ անդամ է։ Ներգրավված է մի շարք միջազգային կառույցների մի շարք ծրագրերում. այդ թվում՝ ՄԱԿ-ի Պարենի և գյուղատնտեսության կազմակերպության, ՄԱԿ-ի Եվրոպական տնտեսական հանձնաժողովի Հողային ռեսուրսների կառավարման աշխատանքային խմբի, ՄԱԿ-ի Գլոբալ տարածական տեղեկատվության կառավարման մասնագետների և այլն։ Գեոդեզիայի, քարտեզագրության, կադաստրի և Երկրագնդի հեռահար զոնդավորման միջպետական խորհրդի շրջանակում համագործակցում է ԱՊՀ-ի հետ: Կոմիտեն համագործակցում է նաև Համաշխարհային Բանկի Եվրոպայի և Կենտրոնական Ասիայի հողային ռեսուրսների կառավարման աշխատանքային խմբի հետ՝ Հայաստանում անշարժ գույքի գրանցման ընթացակարգերի մասին պարբերաբար տեղեկություն տրամադրելով Համաշխարհային բանկի Doing Business պարբերականին:

Պաշտոնական կայքէջ [1]

Ընդհանուր տեղեկություն[խմբագրել | խմբագրել կոդը]

Անշարժ գույքի կադաստրի պետական կոմիտեի ղեկավար

Տեղակալներ

Աղբյուր[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

  1. «ԿՈՄԻՏԵ - www.cadastre.am»։ www.cadastre.am։ Վերցված է 2019-01-19