Անդրանիկ Կյուրեղյան
| Անդրանիկ Կյուրեղյան | |
|---|---|
| Ծնվել է | 1914 |
| Ծննդավայր | Կարին, Էրզրումի վիլայեթ, Օսմանյան կայսրություն |
| Մահացել է | 1996[1] |
| Քաղաքացիություն |  Թուրքիա և  ԽՍՀՄ |
| Մայրենի լեզու | թուրքերեն |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Պարգևներ և մրցանակներ | |
Անդրանիկ Գրիգորի Կյուրեղյան (1914, Կարին, Էրզրումի վիլայեթ, Օսմանյան կայսրություն - 1996[1][2]), հայ մանկավարժ։ ՀԽՍՀ վաստակավոր մանկավարժ (1953): Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։ ԽՄԿԿ անդամ (1944):
Կենսագրություն[խմբագրել | խմբագրել կոդը]
Անդրանիկ Կյուրեղյանը ծնվել է 1914 թվականին, Էրզրումում։ Վաղ զրկվելով ծնողներից, մանկությունն անցկացրել է որբանոցում։ Միջնակարգ կրթությունն ստացել է Նովոռոսիյսկում։ Ավարտել է Երևանի հեռակա մանկավարժական ինստիտուտը։ 1936 թվականին աշխատել է Թալինի շրջանի Մաստարա գյուղի միջնակարգ դպրոցում[3]։
1941 թվականին Կյուրեղյանը մեկնել է գործող բանակ։ Ֆաշիստական զորքերի դեմ կռվել է Մոզդոկում, Կրասնոդարում, Ռոստովում։ Մասնակցել է Կիևի, Վարշավայի ազատագրման մարտերին։ Նրա ռազմական ուղին ավարտվել է Բեռլինում, 1945 թվականի մայիսին[3]։
Մարտերում աչքի ընկնելու համար պարգևատրվել է «Արիության համար», «Կովկասի պաշտպանության համար», «Բեռլինի գրավման համար» մեդալներով։ 1953 թվականին Կյուրեղյանին շնորհվել է ՀԽՍՀ վաստակավոր ուսուցչի պատվավոր կոչում։ 1944 թվականին ընդունվել է կոմունիստական կուսակցության շարքերը։ Կյուրեղյանը դասավանդել է ռուսաց լեզու և գրականություն, նաև դպրոցի արտադասարանական-արտադպրոցական դաստիարակչական աշխատանքների կազմակերպիչ է[3]։
Պարգևներ[խմբագրել | խմբագրել կոդը]
- ՀԽՍՀ վաստակավոր մանկավարժ (1953)
- «Արիության համար» մեդալ
- «Կովկասի պաշտպանության համար» մեդալ
- «Բեռլինի գրավման համար» մեդալ
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 https://hush.am/index.php?route=product/hush&grave_id=hush7ae6a2641e36699
- ↑ «The memorial of Kyureghyan Andranik (Անդրանիկ Կյուրեղյան Գրիգորի) buried at Yerevan's Shahumyan cemetery». hush.am (անգլերեն). Վերցված է 2020 թ․ նոյեմբերի 16-ին.
- ↑ 3,0 3,1 3,2 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982: