Ամինե Ավդալ

Ամինե Ավդալ; քրդ.՝ Эмине Ә'вдал
Ծնվել է	հոկտեմբերի 15, 1906
Ծննդավայր	Յամանչաիր, Կարսի մարզ, Ռուսական կայսրություն
Վախճանվել է	սեպտեմբերի 22, 1964 (57 տարեկան)
Վախճանի վայր	Երևան, ԽՍՀՄ
Մասնագիտություն	գրող
Լեզու	քրդերեն և հայերեն
Քաղաքացիություն	ԽՍՀՄ
Կրթություն	Երևանի պետական համալսարան (1936)
Գիտական աստիճան	բանասիրական գիտությունների թեկնածու
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Աշխատավայր	ՀՀ ԳԱԱ

Ամինե Ավդալ (հոկտեմբերի 15, 1906(1906-10-15)^[1], Յամանչաիր, Կարսի մարզ, Ռուսական կայսրություն^[1] - սեպտեմբերի 22, 1964(1964-09-22)^[2]^[1], Երևան, ԽՍՀՄ^[2]^[1]), հայաստանցի եզդի բանաստեղծ, արձակագիր, բանասիրական գիտությունների թեկնածու, ԽՍՀՄ գրողների միության անդամ 1934 թվականից։ Ստեղծագործել է և' հայերեն, և' եզդիերեն։

Կենսագրություն

Ծնվել է Կարսի մարզի Յամանչաիր գյուղում։ 1936 թվականին ավարտել է Երևանի պետական համալսարանի բանասիրական ֆակուլտետը։ 1944 թվականից որպես ավագ գիտաշխատող աշխատել է ՀԽՍՀ ԳԱ պատմության թանգարանում, ապա պատմության ինստիտուտում։ 1944 թվականին «Եզդի կինը նահապետական ընտանիքում ըստ ազգագրական և ֆոլկլորային նյութերի» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան։

Նրա առաջին պատմվածքը՝ «Ջասմ և Թոսմ», տպագրվել է 1924 թվականին, «Կարմիր ծիլեր» ամսագրում (Թիֆլիս)։

1933 թվականին Երևանում տպագրված «Հայ-եզդիերեն» առաջին բառարանի (23000 բառ) համահեղինակներից է։

Եզդիերեն լույս են տեսել նրա «Գարուն» (1935), «Երեք եղբայր» (1957), «Փարիշան» (1969), «Գյուլիզար» (1973) և այլ գրքեր։ Հայերեն լույս է տեսել նրա կազմած «Եզդիական ժողովրդական հեքիաթներ» ժողովածուն (Երևան, 1957)։

Մահացել է Երևանում^[3]։

Ա. Ամինեի հայերեն երկերի մատենագրություն

Եզդի կինը նահապետական ընտանիքում, Երևան, 1948։
Արյան վրիժառությունը քրդերի մեջ և նրա մնացուկների վերացումը խորհրդային պայմաններում, Երևան, 1952։
Սովետական Հայաստանի քրդերի նոր կենցաղը, Երևան, 1953։
Գյուլիզար, Երևան, 1956։
Անդրկովկասյան քրդերի կենցաղը, 1957։
Առաջին գարուն, Երևան, 1961։
Եզդիների հավատալիքները, Երևան, «Գիտություն», 2006, 192 էջ։

Թարգմանություններ

Խորհրդային քուրդ գրողներ։ Անթոլոգիա.- Երևան։ Պետհրատ, 1936.- 154, 1 չհ. էջ։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ ^2,0 ^2,1 ^2,2 ^2,3 ^2,4 ^2,5 Аминэ Авдал (ռուս.) / под ред. А. М. Прохорова — 3-е изд. — М.: Советская энциклопедия, 1969.
↑ Գրական տեղեկատու. Երևան: «Սովետական գրող». 1981. էջ 27.

Արտաքին հղումներ

Ավդալ Ամինեի 100-ամյա միջոցառման մասին «Երկիր» թերթում(չաշխատող հղում)
Ա. Ամինեի հայերեն աշխատությունները ռուսերեն թարգմանությամբ(չաշխատող հղում)

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 319)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_326ee2e464d6f338-2] 2,0 ^2,1 ^2,2 ^2,3 ^2,4 ^2,5 Аминэ Авдал (ռուս.) / под ред. А. М. Прохорова — 3-е изд. — М.: Советская энциклопедия, 1969.

[3] Գրական տեղեկատու. Երևան: «Սովետական գրող». 1981. էջ 27.

[1]

[2]

[3]