Jump to content

Ահմադու Կուրումա

Վիքիպեդիայից՝ ազատ հանրագիտարանից
Ահմադու Կուրումա
Ծնվել էնոյեմբերի 24, 1927(1927-11-24)[1][2][3][…]
ԾննդավայրBoundiali[4]
Վախճանվել էդեկտեմբերի 11, 2003(2003-12-11)[5][1][2][…] (76 տարեկան)
Վախճանի վայրԲրոն[4]
Մասնագիտությունգրող
Լեզուֆրանսերեն
Քաղաքացիություն Կոտ դ'Իվուար
Ուշագրավ աշխատանքներLe soleil des indépendances?[6], Monnè, outrages et defis?, Waiting for the Wild Beasts to Vote?, Allah Is Not Obliged? և Quand on refuse on dit non?
Պարգևներ

Ահմադու Կուրումա (ֆրանսերեն՝ Ahmadou Kourouma; նոյեմբերի 24, 1927(1927-11-24)[1][2][3][…], Boundiali[4] - դեկտեմբերի 11, 2003(2003-12-11)[5][1][2][…], Բրոն[4]), իվուարցի գրող։ Գրել է ֆրանսերեն լեզվով։

Կենսագրություն

[խմբագրել | խմբագրել կոդը]

Մանդինկա ժողովրդի հայտնի ընտանիքից է։ Սովորել է Բամակոյի դպրոցում (Մալի)։ Ծառայել է գաղութային ֆրանսիական բանակում Հնդկաչինում (1950-1954), այնուհետև սովորել է Լիոնի Ֆինանսների համալսարանում։ 1960-ին, Կոտ դ'Իվուարի անկախության համար պայքարից հետո, վերադարձել է հայրենիք։ Հակամարտության մեջ է մտել Ուֆուե Բուանյիի վարչակարգի հետ և ձերբակալվել է։ Լքել է երկիրը, ապրել է Ալժիրում (1964-1969), Կամերունում (1974-1984), Տոգոյում (1984-1994), այնուհետև կրկին վերադարձել հայրենիք։ Առաջին իվուարական պատերազմի ժամանակ նա կանգնել է ընդդիմության կողքին՝ պաշտոնական ազգայնականության դեմ, որը առաջացրեց նախագահ Էյադեմի դժգոհությունը։

Ստեղծագործություններ

[խմբագրել | խմբագրել կոդը]

Վեպեր

[խմբագրել | խմբագրել կոդը]
  • Անկախության արեգակը/ Les Soleils des indépendances (1968, «Presses de l’Université de Montréal», վերահրատարակվել է «Սյոյ» հրատարակչությունում, 1970, ձեռագրերի համար արժանացել է քվեբեկյան «Études françaises» ամսագրի մրցանակին, մտնում է XX դարի լավագույն աֆրիկյան հարյուր գրքերի շարքի մեջ)
  • Monnè, outrages et défis (1990, «Seuil»)
  • Սպասում են վայրի գազանների քվեարկությանը/ En attendant le vote des bêtes sauvages (1994, «Seuil» 1999, «Livre Inter» մրցանակ, հանձնաժողովի նախագահ՝ Ժան-Մարի Գյուստավ Լեկլեզիո)
  • Ալլահը պարտավոր չէ/ Allah n’est pas obligé (2000, «Seuil», Ռենոդո մրցանակ, լիցեյիստների Գոնկուրյան մրցանակ, Ամերիգո Վեսպուչիի մրցանակ, Ֆրանսիա, ռուս․ թարգ․ 2002)
  • Հրաժարվելիս ասում են «ոչ»/ Quand on refuse on dit «non» (2004, «Seuil», հրատարակվել է հետմահու)

Պիեսներ

[խմբագրել | խմբագրել կոդը]
  • Tougnantigui ou le Diseur de vérité, Աբիջանում մի քանի անգամ բեմադրվելուց հետո արգելվել է գրաքննության կողմից, վերականգնվել է 1996-ին, հրատարակվել է 1998-ին, «Acoria»
  • Ալլահը պարտավոր չէ/ Allah n’est pas obligé, ըստ համանուն վեպի,բեմադրվել է «Théâtre de Poche de Bruxelles»-ում 2004-ի մայիսին

Ճանաչում

[խմբագրել | խմբագրել կոդը]

Գրողի վեպերը թարգմանվել են շատ լեզուներով։ 2004-ից Ժնևի ամենամյա գրքային սրահում հանձնվում է Ահմադու Կուրումայի մրցանակը։ Ի թիվս այլոց, մրցանակը ստացել են Տանելլա Բոնին (2005), Սամի Չակը (2007), Կոսսի Էֆուին (2009), Ֆլորան Կուաո-Զոտտին (2010), Էմանուել Դոնգալան (2011), Սքոլաստիկ Մուկազոնգան (2012), Տյերնո Մոնենեմբոն (2013)։

2010 թվականին փարիզյան «Seuil» հրատարկչության կողմից թողարկվել է Ահմադու Կուրումայի ամբողջական երկերի ժողովածուն։ Նրա պատվին նույն թվականին անվանվել է «Jardin des Chartreux» լիոնյան այգու տունը։

Ծանոթագրություններ

[խմբագրել | խմբագրել կոդը]

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Ահմադու_Կուրումա&oldid=9729837» էջից