Ալկասար դե լոս Ռեյես Կրիստիանոս

Վիքիպեդիայից՝ ազատ հանրագիտարանից
Jump to navigation Jump to search
Coa Illustration Elements Building Castle.svg
Ալկասար դե լոս Ռեյես Կրիստիանոս
Jardin alcazar cordoue.jpg
Տեսակդղյակ և հուշարձան[1]
Վարչական միավորԿորդովա[1]
ԵրկիրFlag of Spain.svg Իսպանիա[1]
Համալիրի մասԿորդովայի պատմական կենտրոն
Կայքalcazardelosreyescristianos.cordoba.es/?id=3
Կոորդինատներ: 37°52′37.999992100001″ հս․ լ. 4°46′54.999984100001″ ամ. ե. / 37.87722222002777528° հս․. լ. 4.78194444002777796° ավ. ե. / 37.87722222002777528; 4.78194444002777796
Alcázar de los Reyes Cristianos[2] Վիքիպահեստում

Ալկասար դե լոս Ռեյես Կրիստիանոս (հայերեն «Քրիստոնյա միապետների ամրոց»), հայտնի է նաև Կորդովայի Ալկասար անունով, միջնադարյան ամրոց է իսպանական Կորդովայի պատմական կենտրոնում, Կորդովայի մսկիթ-տաճարի և Գվադալկիվիր գետի միջև: Ալկասար անունը առաջացել է արաբական (արաբ․՝ القصر‎‎) Ալ-Կասար անունից, ինչը թարգմանաբար նշանակում է պալատ: Ամրոցը երկար տարիներ եղել է Կաստիլիայի թագուհի Իզաբելա I և Արագոնի թագավոր Ֆերդինանդ II գլխավոր շինությունների:

Պատմություն[խմբագրել | խմբագրել կոդը]

Միջնադարում ամրոցի տարածքում եղել է վեստգոթեր ցեղի բնակավայր, Երբ Օսմանյան կայսրությունը գրավեց Պիրենյան թերակղզին և նվաճել վեստգոթերի տարածքը, Դամասկոսի օսմանյան խալիֆը այն վերակառուցեց: Երբ Աբբասյան խալիֆայությունը նվաճեց Օսմանյան կայսրության տարածքի զգալի մասը, օսմանների փրկված ղեկավարը՝ Աբդ ալ-Ռահման I փախավ Կորդովա: Աբդ ալ-Ռահման I-ը հաստատվեց Կորդովայում և հիմնեց Կորդովայի խալիֆայությունը: Նրա իշխանության տարիներին քաղաքը զարգացավ և դարձավ քաղաքական ու մշակութային կենտրոն. հիմնվեցին այգիներ, ջրավազաններ, ընդարձակվեց քաղաքի տարածքը, հիմնվեց արևմուտքի ամենամեծ գրադարանը[3]: Գվադալկիվիր գետի վրա կառուցված ջրաղացներից ստացվող ջրի շնորհիվ ոռոգվում էին դաշտերն ու այգիները:

1236 քրիստոնեական զորքերը Ռեկոնկիստայի շրջանակներում վերագրավեցին Կորդովան: 1328 թ.-ին Կաստիլիայի և Լեոնի թագավոր Ալֆոնսո XI-ը վերակառուցեց իսլամական ոճով կառուցված քաղաքը[4][3]: Չնայած մինչ օրս էլ քաղաքի շինությունների ճարտարապետական ոճում նկատելի են իսլամական ճարտարապետության մուդեջար ոճի ազդեցությունը:

Ալկասարը մասնակցեց քաղաքացիական պատերազմին, որի ժամանակ Կաստիլիայի թագավոր Հենրիխ IV-ի դեմ ըմբոստացավ նրա իր անչափահաս եղբայրը՝ Ալֆոնսոն: Պատերազմի ժամանակ ամրոցի պաշտպանական համակարգը ուժեղացվեց, որպեսզի հնարավոր լիներ պաշտպանվել բարութի կիրառումից: Նույն ժամանակահատվածում կառուցվեց Ալկասարի գլխավոր աշտարակը, որը ներկայումս առավել հայտնի է որպես «ինկվիզիցիայի աշտարակ»[3]:

Հենրիխ IV-ի իրավահաջորդ Իզաբելան և նրա ամուսինը՝ Ֆերդինանդը Ալկասարը օգտագործում էին որպես իսպանական ինկվիզիցիայի գլխավոր հարթակներից մեկը և գլխավոր հենակայանը Գրանադայի ամիրայության ղեկավարների՝ Նասրիդիների դինաստիայի դեմ պայքարում: Գրենադայի ամիրայությունը միակ մավրիտանական թագավորությունն էր մնացել Պիրենյան թերակղզում: Ինկվիզատորները 1482 թ.-ին սկսեցին Ալկասարը կիրառել որպես ինկվիզիցիայի գլխավոր շտաբ՝ ամրոցի մեծ մասը, այդ թվում՝ արաբական բաղնիքները օգտագործելով կտտանքների վայր: Ինկվիզիցիայի դատարանը այստեղ մնաց ավելի քան 300 տարի: Գրանադայի ամիրայության առաջնորդ Մուհամեդ XII 1483 թ.-ին գերևարվելուց հետո բանտարկվել է այստեղ[5]:

1492 թ-ին Ալկասարի միապետը հյուրընկալում է Քրիստափոր Կոլումբոսին, որը պատրաստվում էր իր առաջին ճանապարհորդությանը դեպի Ամերիկա[4]:

1810 թ.-ին Ալկասարը եղել է Նապալեոն Բոնապարտի զորքերի կայազոր, իսկ 1821 թ.-ին դարձել է բանտ: 1950 թ.-ին Իսպանիայի կառավարությունը Ալկասարը դարձրել է զբոսաշրջային կենտրոն և տվել ազգային հուշարձանի տիտղոս[3]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 Monuments database — 2017.
  2. 2,0 2,1 https://commons.wikimedia.org/wiki/Category:Alc%C3%A1zar_de_los_Reyes_Cristianos
  3. 3,0 3,1 3,2 3,3 Reed Tony (2005)։ «Alcazar de los Reyes Cristianos - Córdoba»։ Infocordoba.com։ Արխիվացված օրիգինալից 11 May 2006-ին։ Վերցված է April 4, 2006 
  4. 4,0 4,1 «Alcázar de los Reyes Cristianos»։ Frommer's։ Վերցված է April 4, 2006 
  5. «Alcázar de los Reyes Cristianos»։ Fodor's։ Վերցված է April 4, 2006 

Արտաքին աղբյուրներ[խմբագրել | խմբագրել կոդը]