Ալկալա փողոց

Վիքիպեդիայից՝ ազատ հանրագիտարանից
Jump to navigation Jump to search
Ալկալա փողոց
Calle de Alcalá
Calle de Alcalá (Madrid) 24.jpg
ԵրկիրFlag of Spain.svg Իսպանիա
Գտնվում էՄադրիդ
Երկարություն10,5±0,1 կիլոմետր
Անվանվել էԱլկալա դե Էնարես
Calle Alcalá (callejero de Madrid).svg
Կոորդինատներ: 40°25′41.8800001″ հս․ լ. 3°40′4.0080001″ ամ. ե. / 40.428300000028° հս․. լ. 3.667780000028° ավ. ե. / 40.428300000028; 3.667780000028

Ալկալա փողոց (իսպ.՝ Calle de Alcalá), Իսպանիայի մայրաքաղաք Մադրիդի տրանսպորտային կարևոր հանգույց, գործարար կենտրոն: Փողոցը ձգվում է քաղաքի կենտրոնից մինչև հյուսիսարևելյան ծայրամասը: Նրա երկարությունը 10.5 կմ է:

Ձգվածություն[խմբագրել | խմբագրել կոդը]

Ալկալա փողոցը սկսվում է Պուերտա դել Սոլ հրապարակից, որը Իսպանիայի ու Մադրիդի բոլոր ճանապարհների պայմանական զրոյական կիլոմետրն է: Այն ձգվում է Ամարիկա մայրուղուն զուգահեռ մինչև Իսպանիայի հրապարակ:

Ալկալան Մադրիդի ամենաերկար փողոցն է: Այստեղ են տեղակայված Մադրիդի ամենահայտնի տեսարժան վայրերը` Պուերտա դել Սոլը, Անկախության հրապարակը, Ալկալա դարպասները և Սիբելես շատրվանը: Փողոցի կենտրոնական հատվածն ավարտվում է մադրիդյան M-30 տրանսպորտային օղակի հատումով:

Փողոցի երկրորդ հատվածը, որը հատում է Սյուդադ Լինեալ և Սան Բլաս շրջանները, հիմնականում առանձնանում է բնակելի տների բազմությամբ, սակայն քիչ չեն նաև առևտրական նշանակության շենքերը (հիմնականում` նորաձև խանութներ և առևտրական կենտրոններ): Փողոցն ավարտվում է Սան Բլաս շրջանում` M-14 մայրուղու հատումով (Իսպանիայի հրապարակ):

Պատմություն[խմբագրել | խմբագրել կոդը]

Ալկալա փողոց, Դևիդ Ռոբերտս, 1838

Ալկալա փողոցը Մադրիդի հնագույն փողոցներից մեկն է: Այն շարունակվել է կառուցվել քաղաքի զարգացմանը զուգընթաց` ամեն ժամանակաշրջանում կրելով փոփոխություններ: Այդ պատճառով մեր օրերում բնութագրվում է քաղաքային հստակ նախագծման բացակայությամբ:

Փողոցի առաջին ուրվագծերն ի հայտ են եկել 15-րդ դարի սկզբին այն ճանապարհի հիմքի վրա, որը ձգվում էր քաղաքի այն ժամանակների արևմտյան սահմանից` Պուերտա դել Սոլից: Փողոցը ձգվում էր արևելք` դեպի Ալկալա դե Էնարես, հետագայում նաև Արագոն: Սկզբնական շրջանում փողոցը կոչվել է Ձիթենուտ, քանի որ աչքի էր ընկնում ձիթենիների ծառերով: Երբ Իզաբելա I թագուհին ավազակների հարձակումներից զերծ մնալու նպատակով հրամայում է հատել ծառերը, անվանումը կորցնում է իր նշանակությունը:

Քանի որ քաղաքի բնակչությունն աճում էր, մանավանդ երբ Մադրիդը 16-րդ դարում մայրաքաղաք է դառնում, նրա կենտրոնական հատվածում ազնվականները սկսում են շքեղ առանձնատներ ու եկեղեցիներ կառուցել, ինչի շնորհիվ հին ճանապարհը վերածվում է քաղաքային կարևոր փողոցի: Անգլիացի գրող, ճանապարհորդ Հենրի Դևիդ Ինգլիսը 1837 թվականին այսպես է բնութագրել փողոցը. «Երկար, լայն փողոց, որ շրջապատված է անհավասար շինությունների հրաշալի շարքով»[1]:

Ծանոթագրություններ[խմբագրել | խմբագրել կոդը]

  1. Inglis Henry David (1837)։ Spain։ Whittaker։ էջ 70 

Արտաքին հղումներ[խմբագրել | խմբագրել կոդը]