Սիբելես շատրվան

Վիքիպեդիայից՝ ազատ հանրագիտարանից
Սիբելես շատրվան

Սիբելես շատրվան (իսպ.՝ Fuente de Cibeles կամ Fuente de Cibeles), շատրվան Մադրիդի համանուն հրապարակում, առաջինը, որ կառուցվել է Պրադոյի զբոսայգում։ Կառուցվել է 1782 թվականին Բուենավիստա ապարանքի հետ միաժամանակ Սալոն-դել-Պրադո ծրագրի իրականացման ժամանակ Վիլյաերմոս ապարանքի հարևանությամբ (այժմ՝ Տիսեն-Բորնեմիսայի թանգարան և հյուրանոց)։

Շատրվանի քանդակային կոմպոզիցիան ներկայացնում է աստվածուհի Կիբելային, որը խորհրդանշում է մայր բնությանը, պտղավորման և հողագործության հովանավորն է. պատկերված է անվասայլակով՝ լծված առյուծներին:

Պատմություն[խմբագրել | խմբագրել կոդը]

Արքա Կառլ 3-րդը, տարվելով լուսավորության գաղափարներով, անցկացրեց մի շարք բարեփոխումներ ադմինիստրատիվ կառավարման, ժողովրդական տնտեսության և լուսավորության բնագավառներում։ Փոփոխությունները վերաբերեցին նաև քաղաքաշինությանը։ Նրա կառավարման տարիներին իսպանական քաղաքներն ունեցան փողոցային լուսավորություն, ջրագիծ, փողոցները կապվեցին սալաքարերով։ Թագավորության մայրաքաղաք Մադրիդը պետք է վերակառուցվեր, որ դասվեր եվրոպական այնպիսի քաղաքների կողքին, ինչպիսիք են Փարիզը, Սանկտ-Պետերբուրգը: Ստեղծվեցին մայրաքաղաքը վերափոխելու կոչված ծրագրեր, որոնցից էին Պուերտո դե Ալկալա կամ Նեպտունի շատրվանը, ինչպես նաև Սիբելեսի շատրվանը Սալոն դել Պրադոյում՝ նախատեսված մադրիդցիների հանգստի համար։

Շատրվանը նախագծվել է 1777 թվականին Վենտուրա Ռոդրիգեսի կողմից (իսպ.՝ Ventura Rodríguez)։ Աստվածուհու և անվասայլակի քանդակի հեղինակը Ֆրանցիսկո Գուտյերեսն է։ Առյուծների քանդակների հեղինակը Ռոբերտո Միշելն է, իսկ շատրվանի ձևավորումը հանձնարարված էր Միգել Հիմենեսին։ Կիբելայի և առյուծների քանդակները մարմարից են, մնացած մասերը պատրաստված են Ռեդուենի քարից (Ռեդուենը տեղանք է, որ գտնվում է Մադրիդից 53 կմ հյուսիս)[1]:

Ծանոթագրություններ[խմբագրել | խմբագրել կոդը]