Ալեքսանդր Անչիշկին

Ալեքսանդր Անչիշկին; Александр Анчишкин
Ծնվել է	օգոստոսի 11, 1933; Մոսկվա, ՌԽՖՍՀ, ԽՍՀՄ
Մահացել է	հունիսի 24, 1987 (53 տարեկան); Մոսկվա, ԽՍՀՄ
Գերեզման	Նովոդեվիչյան գերեզմանոց
Քաղաքացիություն	ԽՍՀՄ
Մասնագիտություն	տնտեսագետ
Հաստատություն(ներ)	ՄՊՀ տնտեսագիտության ֆակուլտետ
Գործունեության ոլորտ	տնտեսագիտություն
Անդամակցություն	ԽՍՀՄ գիտությունների ակադեմիա
Ալմա մատեր	ՄՊՀ տնտեսագիտության ֆակուլտետ
Գիտական աստիճան	տնտեսագիտության դոկտոր
Հայտնի աշակերտներ	Անդրեյ Բելոուսով
Պարգևներ	; և
Կուսակցություն	ԽՄԿԿ

Ալեքսանդր Իվանովիչ Անչիշկին (օգոստոսի 11, 1933(1933-08-11)^[1]^[2], Մոսկվա, ՌԽՖՍՀ, ԽՍՀՄ^[1] - հունիսի 24, 1987(1987-06-24)^[2], Մոսկվա, ԽՍՀՄ), խորհրդային տնտեսագետ։ 1963 թվականից Խորհրդային միության կոմունիստական կուսակցության անդամ։ Տնտեսագիտության դոկտոր (1973), պրոֆեսոր։ ԽՍՀՄ գիտության ակադեմիայի ակադեմիկոս (26.12.1984, անդամ-թղթակից 23.12.1976 թվականից)։

ԽՍՀՄ Պետական մրցանակի դափնեկիր (1989, հետմահու)։ Պարգևատրվել է Աշխատանքի կարմիր դրոշի (1981) և Հոկտեմբերյան հեղափոխության (1986) շքանշաններով։

Կենսագրություն

Ծնվել է Մոսկվայում, գիտաշխատողի ընտանիքում։ Ավարտել է Մոսկվայի պետական համալսարանի տնտեսագիտական ֆակուլտետը (1956)։ 1977-1981 թվականներին եղել է Մոսկվայի պետական համալսարանի տնտեսագիտության ֆակուլտետի ԽՍՀՄ ազգային տնտեսության պլանավորման ամբիոնի վարիչ։

Անչիշկինի գիտական հետաքրքրությունների ոլորտը եղել է տնտեսագիտությունը։ Նրա հիմնական աշխատանքները նվիրված են ընդլայնված վերարտադրության տեսություններին, մակրոմոդելավորմանը, ԽՍՀՄ ազգային տնտեսության զարգացման կանխատեսմանը։ Անգնահատելի ներդրում է ունեցել տնտեսա-մաթեմատիկական տեսության զարգացման գործում։ Իրականացրել է աշխատանքների շարք՝ մակրոտնտեսական կանխատեսումների և ազգային տնտեսության համաչափ զարգացման ոլորտներում։ Զբաղվել է գիտատեխնիկական առաջընթացի բարդ համակարգի տնտեսական խնդիրների մշակմամբ։

Նա իր գործունեության ընթացքում մի քանի գրքի և մենագրությունների հեղինակ է եղել, որոնք են՝

«Տնտեսական աճի գործոնային վերլուծության և կանխատեսման մեթոդներ» (1970),
«Սոցիալիստական տնտեսության աճի կանխատեսում» (1973),
«Գիտատեխնիկական առաջընթացը և արտադրության ակտիվացումը» (1981) մենագրությունների և
«Ազգային տնտեսության պլանավորված հավասարակշռությունը» (1967)։

1980-1985 թվականներին եղել է ԽՍՀՄ գիտության ակադեմիայի տնտեսագիտության ֆակուլտետի ակադեմիկոս-քարտուղարի տեղակալ։ Ա. Ի. Անչիշկինը եղել է մեկն այն տնտեսագետներից, ովքեր ԽՍՀՄ-ում պահպանել են արտադրության ակտիվացման անհրաժեշտությունը։

Թաղված է Նովոդևիչյան գերեզմանատանը^[3]։

Ծանոթագրություններ

↑ ^1,0 ^1,1 ^1,2 ^1,3 ^1,4 Анчишкин Александр Иванович // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
↑ ^2,0 ^2,1 ^2,2 ^2,3 ^2,4 VIAF ID
↑ Մոսկովյան գերեզմաններ։ Անչիշկին Ա.Ի.

Արտաքին հղումներ

Էջը Մոսկվայի պետական համալսարանի տնտեսագիտական ֆակուլտետի կայքում
Կենսագրությունը Վ. Մ. Ստեպանենկովի ուսումնական կայքում(չաշխատող հղում)

[_b504777c7419e031-1] 1,0 ^1,1 ^1,2 ^1,3 ^1,4 Анчишкин Александр Иванович // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[_2ce7c0326de362b9-2] 2,0 ^2,1 ^2,2 ^2,3 ^2,4 VIAF ID

[3] Մոսկովյան գերեզմաններ։ Անչիշկին Ա.Ի.

[1]

[2]

[3]