Ալբեր Սեշե

Վիքիպեդիայից՝ ազատ հանրագիտարանից
Jump to navigation Jump to search
Picto Info sciences exactes.png
Ալբեր Սեշե
ֆր.՝ Albert Sechehaye
Ծնվել է հուլիսի 4, 1870(1870-07-04)[1]
Ժնև, Շվեյցարիա
Մահացել է հուլիսի 2, 1946(1946-07-02)[1] (75 տարեկանում)
Ժնև, Շվեյցարիա
Քաղաքացիություն Flag of Switzerland.svg Շվեյցարիա
Մասնագիտություն լեզվաբան, համալսարանի պրոֆեսոր և ոչ գեղարվեստական գրող
Հաստատություն(ներ) Գյոթինգենի համալսարան
Ալմա մատեր Ժնևի համալսարան
Տիրապետում է լեզուներին ֆրանսերեն[1]
Ազդվել է Ֆերդինանդ դը Սոսյուր

Ալբեր Սեշե (ֆր.՝ Albert Sechehaye) (1870-1946), շվեյցարացի լեզվաբան։

Գյոթինգենի համալսարանի փիլիսոփայության դոկտոր (1902 թվականին), Ժնևի համալսարանի պրոֆեսոր (1929 թվականից), Ժնևի լեզվաբանական ընկերության նախագահ (1941-1946 թվականներին)։ Աշակերտել է Ֆերդինանդ դը Սոսյուրին, դարձել նրա ուսմունքի հետևորդ։ Առաջինը Սեշեն է շարադրել սոցիոլոգիական ուղղության Ժնևի դպրոցի հայացքները։ Հատկապես շատ է զբաղվել լեզվի տեսության հարցերով։ Անդրադարձել է նաև նախադասության տրամաբանական կառուցվածքին, լեզվի մեջ արհեստական ու սոցիալական գործոնների, ինչպես և տրամաբանականի ու քերականականի փոխհարաբերության հարցերին, լեզվական նշանի ըմբռնմանը, համաժամանակյա (սինխրոնիկ) ու տարաժամանակյա (դիախրոնիկ) պլանների մեկնաբանությանը։ Սեշենի կարծիքով խոսակցական լեզուն բաղկացած է քերականական և արտաքերականական տարրերից ըստ պատմական հաջորդականության սրանց համապատասխանում են «նախաքերականական լեզուն» և «կազմակերպված լեզուն», առաջինի դեպքում ստեղծվում են արտահայտման նշանները, որոնք կապված են հուզազգայական (աֆեկտիվ) կողմի հետ և դրսևորվում են անհատական ոլորտում, իսկ երկրորդի դեպքում օգտագործվում են այդ նշանները, որոնք արդեն կապված են մտավոր (ինտելեկտուալ) կողմի հետ և դրսևորվում են սոցիալական պլանում։ Սեշեն փորձել է նաև ուրվագծել լեզվաբանության առանձին ճյուղերի խնդիրները։

Ծանոթագրություններ[խմբագրել | խմբագրել կոդը]

  1. 1,0 1,1 1,2 data.bnf.fr: տվյալների բաց շտեմարան — 2011.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 298 CC-BY-SA-icon-80x15.png