Ալբերտ Զուրաբյան

Ալբերտ Զուրաբյան
Ծնվել է	մարտի 6, 1940(1940-03-06) (83 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	ՀԱՊՀ (1966)
Պարգևներ	Հայաստանի վաստակավոր ճարտարապետ (2009) և Հայաստանի վարչապետի հուշամեդալ (2015)
Ալբերտ Զուրաբյան Վիքիդարանում

Ալբերտ Նապոլեոնի Զուրաբյան (մարտի 6, 1940(1940-03-06), Երևան, Հայկական ԽՍՀ, ԽՍՀՄ), հայ ճարտարապետ, ՀՀ վաստակավոր ճարտարապետ (2009)։

Կենսագրություն

1966 թվականին ավարտել է Երևանի պոլիտեխնիկական ինստիտուտը։

1967 թվականից աշխատել է Երևաննախագիծ ինստիտուտում, 1985 թվականից՝ ճարտարապետության արվեստանոցի ղեկավար։ 1992-2002 թվականներին` Հայաստանի ճարտարապետների միության վարչության նախագահ։ 1990 թվականից դասավանդում Է ԵՊՃՇՀ-ում։ 1994-1995 թվականներին՝ ճարտարապետների միությունների միջազգային ընկերակցության փոխնախագահ, 1995-1997 թվականներին՝ նախագահ, 1997-1998 թվականներին՝ պատվավոր նախագահ։ «Տարվա լավագույն նախագիծ» համամիութենական ստուգատեսի դափնեկիր և ոսկե մեդալակիր է (1987)։

Ստեղծագործական գործունեություն

Զուրաբյանի նախագծերով Երևանում կառուցվել են՝

• Բնակելի տներ (1973-1974)
• ԵՊՀ Ֆիզիկայի ԳՀԻ լաբորատորիաների համալիրը (1976 թվական, համահեղինակ)
• Երևանի մետրոպոլիտենի Մարշալ Բաղրամյան կայարանը (1981 թվական, համահեղինակ)
• Մշակույթի կենտրոն (2004)
• Նկարիչ Վարոս Շահմուրադյանի մահարձանը (1978 թվական, քանդակագործ՝ Վիլյամ Պետրոսյան)
• Կոմպոզիտոր Առնո Բաբաջանյանի մահարձանը (1984)
• Հայկական մշակույթի կենտրոնը և Սուրբ Խաչ եկեղեցին Մոսկվայում (2001-2005 թվականներ, համահեղինակ), (2003-2004 թվականներ)

Մեջբերումներ Ալբերտ Զուրաբյանից

«Տեսակն ամենակարևոր արժեքն է։ Տեսակ։ Լավ ու վատ չէ, այլ` ՏԵՍԱԿ։ Մեր խոսքն ԱՅԼ է, մեր երաժշտությունն ԱՅԼ է։ Մերն է և դրանով է պայմանավորված մեր գոյությունն ու մեր ապագան»։

Պարգևներ և կոչումներ

• Հայաստանի Հանրապետության վաստակավոր ճարտարապետ (2009)։
• ՀՀ վարչապետի հուշամեդալ (2015)։