Ալան Լի
Ալան Լի | |
|---|---|
 | |
| Ծնվել է | օգոստոսի 20, 1947[1][2][3][…] (75 տարեկան) |
| Ծննդավայր | Լոնդոն, Միացյալ Թագավորություն |
| Քաղաքացիություն | .svg){kind=small} Միացյալ Թագավորություն |
| Կրթություն | Ealing Art College? |
| Մասնագիտություն | նկարիչ, նկարազարդող, հոգեբույժ, դերասան, արվեստագետ և վիզուալ արտիստ |
| Պարգևներ | |
 Alan Lee Վիքիպահեստում | |
Ալան Լի (անգլ.՝ Alan Lee, օգոստոսի 20, 1947[1][2][3][…], Լոնդոն, Միացյալ Թագավորություն), անգլիացի ծաղկող և կոնցեպտուալիստ դիզայներ։
Կենսագրություն[խմբագրել | խմբագրել կոդը]
Ծնվել է Միդլսեկսում։ Կրթությունը ստացել է Լոնդոնի Արվեստների Իլինգյան քոլեջում։ 1975 թվականից ապրել է Դեվոն կոմսության Դարտմուր քաղաքում։ Ամուսնացած է, ունի երկու երեխա։
Նկարազարդումներ[խմբագրել | խմբագրել կոդը]
Ալան Լին նկարազարդել է ֆենտեզի ժանրի տասնյակ գրքեր, ինչպես նաև ստեղծել է մի շարք գրքերի շապիկներ[4]։ Նրա ամենահայտնի գործերից են Ջոն Ռոնալդ Ռուել Թոլքինի գրքերի նկարազարդումները, այդ թվում՝ Տոլկիենի հարյուրամյակին նվիրված 1992 թվականի հրատարակության «Մատանիների տիրակալը», «Հոբիթ կամ գնալն ու գալը», «Հուրինի երեխաները»[4][5]։
Ալան Լիի գեղանկարչության տեխնիկան ներառում է ջրաներկ և մատիտի էսքիզներ[5]։
Կինեմատոգրաֆիա[խմբագրել | խմբագրել կոդը]
Լին և Ջոն Խաուն եղել են Փիթեր Ջեքսոնի «Մատանիների տիրակալը» ֆիլմաշարի գլխավոր կոնցեպտուալիստ դիզայներները[6]։ Այնուհետև երկու նկարազարդողները միասին աշխատել են «Հոբիթ» ֆիլմաշարի վրա[6][7]։ Լին Ջեքսոնի հետ աշխատել է որպես նկարիչ-բեմադրող՝ մշակելով առարկաների, զենք ու զրահի դիզայնը։ Նա նաև երկու անգամ հայտնվել է Ջեքսոնի ֆիլմերում կամեո դերով։ Նախ հանդես է եկել «Մատանիների տիրակալը։ Մատանու եղբայրություն» ֆիլմում՝ որպես ինը թագավորներից մեկը, որոնք հետագայում դարձել են նազգուլներ, ապա «Մատանիների տիրակալը։ Երկու ամրոց» ֆիլմում՝ որպես Ռոհանի զորքի ռազմիկ[8]։
Լին զբաղվել է նաև «Լեգենդը», «Վիկինգ Էրիկը», «Քինգ-Քոնգ» ֆիլմերի և «Մեծն Մերլին» մինի սերիալի կոնցեպտուալ դիզայնով[6]։
«Մատանիների տիրակալը» ֆիլմաշարի ավարտից երկու տարի անց Լին հրատարակել է իր կոնցեպտուալ նկարազարդումների 192 էջանոց հավաքածուն՝ «The Lord of the Rings Sketchbook» անունով (հրատարակվել է 2005 թվականին «HarperCollins»-ում)[9]։
Ֆիլմագրություն[խմբագրել | խմբագրել կոդը]
- «Փերիներ» (Faeries) (1978)
- «Ամրոցներ» (Castles) (1984)
- «Ավերված ապարանք» (Brokedown Palace) (1986)
- «Ստվերի վերադարձը» (The Return of the Shadow) (1988) - ամերիկյան հրատարակության շապիկի ձևավորում
- «Իզենգարդի դավաճանությունը» (The Treason of Isengard) (1989) - ամերիկյան հրատարակության շապիկի ձևավորում
- «Մատանու պատերազմը» (The War of the Ring) (1990) - ամերիկյան հրատարակության շապիկի ձևավորում
- «Մատանիների տիրակալը» (1991)
- «Սաուրոնի պարտությունը» (Sauron Defeated) (1992) - ամերիկյան հրատարակության շապիկի ձևավորում
- «Հոբիթ կամ գնալն ու գալը» (The Hobbit) (1997)
- «Հուրինի երեխաները» (The Children of Húrin) (2007)
- «Կախարդական քաղաքի հեքիաթները» (Tales from the Perilous Realm) (2008)
- «Բերեն և Լյուտիեն» (Beren and Lúthien) (2017)
- «Ճամփորդ և այլ հին անգլիական բանաստեղծություններ» (The Wanderer and Other Old-English Poems) (2018)
Պարգևներ[խմբագրել | խմբագրել կոդը]
1978 թվականին հրատարակված «Փերիներ» (Faeries) գրքի նկարազարդումների համար, որը Լին արել է Բրայան Ֆրաուդի հետ, ներկայացվել է Լոկուս մրցանակի և քվեարկության արդյունքում զբաղեցրել երկրորդ հորիզոնականը[10]։
1988 թվականին ստացել է «Չեսլի» (Chesley Award for Best Interior Illustration) մրցանակ Փիթեր Դիկինսոնի «Մերլինի երազները» գիքի նկարազարդման համար[10]։ Նույն տարի արժանացել է «Գիտական ֆանտաստիկայի բրիտանական ասոցիացիայի մրցանակի» լավագույն նկարազարդման համար[10]։
1993 թվականին արժանացել է Քեյթ Գրինուեյ (Kate Greenaway Medal) շքանշանի Ռոզմարի Սաթկլիֆի «Սև նավեր Տրոյայից առաջ» (Black Ships Before Troy) մանկական գրքերի լավագույն պատկերազարդման համար[11]։
«Հոբբիթի» 60-րդ տարեդարձին (առաջին անգամ հրատարակվել է 1937 թվականին) Լին ստացել է իր երկրորդ «Չեսլի» մրցանակը ներքին նկարազարդումների համար (մինչև 2011 թվականը նա ութ անգամ եղել է այդ մրցանակի եզրափակչի մասնակից)[12]։
1998 թվականին՝ Ֆենտեզիի համաշխարհային կոնվենտի ժամանկակ, Լին ստացել է Ֆենտեզի համաշխարհային մրցանակ (World Fantasy Award) «Լավագույն նկարիչ» անվանակարգում[13]։
2000 թվականին ստացել է «Spectrum Award» մրցանակ ֆանտաստիկ ստեղծագործությունների պատկերազարդման համար[14]։
2004 թվականին Գրանդ Մեյջորը, Ալան Լին և Դեն Հեննան արժանացել են «Օսկարի»՝ «Նկարիչ-բեմադրողի լավագույն աշխատանք» կատեգորիայում, «Մատանիների տիրակալը։ Թագավորի վերադարձը» ֆիլմի համար[15]։
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Movie Database — 1990.
- ↑ 2,0 2,1 Internet Speculative Fiction Database — 1995.
- ↑ 3,0 3,1 NooSFere (ֆր.) — 1999.
- ↑ 4,0 4,1 Alan Lee Internet Speculative Fiction Database-ում
- ↑ 5,0 5,1 «Amazing Artworks By Alan Lee» (անգլերեն)։ KlingPost։ Արխիվացված է օրիգինալից 2010-12-07-ին
- ↑ 6,0 6,1 6,2 Alan Lee Internet Movie Database կայքում
- ↑ «Guillermo del Toro Chats with TORN About The Hobbit Films!» (անգլերեն)։ TheOneRing.net։ 2008-04-25
- ↑ «Cameos and Special Extras in The Lord of The Rings» (անգլերեն)։ Fantasiadomain.com
- ↑ «The Lord of the Rings Sketchbook (British edition)» (անգլերեն)։ WorldCat
- ↑ 10,0 10,1 10,2 «Lee, Alan» (անգլերեն)։ LocusMag.com։ Արխիվացված է օրիգինալից 2012-10-16-ին
- ↑ «Greenaway Winner 1993» (անգլերեն)։ CarnegieGreenaway.org.uk։ Արխիվացված է օրիգինալից 2013-01-29-ին
- ↑ «Chesley Nominees List» (անգլերեն)։ The Locus Index to Science Fiction Awards։ Արխիվացված է օրիգինալից 2011-11-04-ին
- ↑ «1998 World Fantasy Award Winners and Nominees» (անգլերեն)։ World Fantasy Convention։ Արխիվացված է օրիգինալից 2008-09-22-ին
- ↑ «Spectrum Awards» (անգլերեն)։ LocusMag.com։ Արխիվացված է 2000 օրիգինալից 2012-10-19-ին
- ↑ «The Lord of the Rings: The Return of the King» (անգլերեն)։ AllMovie
Արտաքին հղումներ[խմբագրել | խմբագրել կոդը]
- Ալան Լի Internet Speculative Fiction Database-ում
- Ալան լի Internet Movie Database կայքում
- «Faeries (1981)»(անգլ.) ֆիլմը Internet Movie Database կայքում
| ||||||||||||
