Ադամ Մեսինգեր

Ադամ Մեսինգեր; Adam Massinger
Ծնվել է	սեպտեմբերի 6, 1888; Ֆոյդենհայմ, Մանհայմ, Բադենի Մեծ Դքսություն, Գերմանական կայսրություն
Մահացել է	հոկտեմբերի 21, 1914 (26 տարեկան); Իպր, Իպրես, Արևմտյան Ֆլանդրիա, Բելգիա
Քաղաքացիություն	Գերմանական կայսրություն
Մասնագիտություն	աստղագետ
Ալմա մատեր	Հայդելբերգի համալսարան

Ադամ Մեսինգեր (գերմ.՝ Adam Massinger, սեպտեմբերի 6, 1888(1888-09-06), Ֆոյդենհայմ, Մանհայմ, Բադենի Մեծ Դքսություն, Գերմանական կայսրություն - հոկտեմբերի 21, 1914(1914-10-21)^[1], Իպր, Իպրես, Արևմտյան Ֆլանդրիա, Բելգիա), գերմանացի աստղագետ, աշխատել է Հայդելբերգ-Կյոնիգշտուլի լանդային աստղադիտարանում։

Մեսինգերը պանդոկպանի որդի էր։ Ավարտելով դպրոցը 1908 թվականին նա սկսել է ուսանել մաթեմատիկա և բնական գիտություններ Հայդելբերգի համալսարանում։

1910 թվականից սկսած Մեսինգերը սկսել է աշխատել Հայդելբերգի աստղադիտարանում որպես օգնական։ 1912 թվականի աշնանը նա թողնում է աստղադիտարանում աշխատանքը և շարունակում է ուսումը։ 1914 ապրիլին նա վերադառնում է աստղադիտարան և աշխատում որպես կամավոր։

Իր առաջին երկնային մարմինը Մեսինգերը հայտնաբերել է 1911 թվականի մարտի 22-ին, որը ստացավ «1911 LP» ժամանակավոր նշանակում, վատ եղանակի պատճառով Մեսինգերը կորցրեց այս մարմինը և հնարավորություն չունեցավ հաշվարկելու նրա ուղեծիրը։ Աշխատանքի ընթացքում նա կատարել է միգամածությունների բազմաթիվ դիտարկումներ, կատարել է ավելին քան 4400 լուսանկարներ։

Մեսինգերը Առաջին համաշխարհային պատերազմի սկզբում կանչվեց բանակ և զոհվեց 1914 թվականի հոկտեմբերի 21-ին Իպերնի մոտ։

Նրա պատվին է անվանվել Ֆրանց Կայզերի կողմից հայտնաբերված (760) Մեսինգա աստերոիդը։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 http://adsabs.harvard.edu/full/1914AN....199..335W

Արտաքին հղումներ[խմբագրել | խմբագրել կոդը]

Wolf, Max: Anzeige des Todes von Adam Massinger. Astronomische Nachrichten, Bd. 199, 1914, Sp. 335 (անգլ.)

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

[_d9e106c7feeaa3bb-1] 1,0 ^1,1 ^1,2 http://adsabs.harvard.edu/full/1914AN....199..335W

[1]