Ագնեշկա Օսեցկայա

Վիքիպեդիայից՝ ազատ հանրագիտարանից
Jump to navigation Jump to search
Ագնեշկա Օսեցկայա
լեհ.՝ Agnieszka Osiecka
Agnieszka Osiecka Polish writer.jpg
Ծնվել էհոկտեմբերի 9, 1936(1936-10-09)[1]
ԾննդավայրՎարշավա, Լեհաստանի Երկրորդ Հանրապետություն[1]
Վախճանվել էմարտի 7, 1997(1997-03-07)[1] (60 տարեկանում)
Վախճանի վայրՎարշավա, Լեհաստան[1]
Մասնագիտությունբանաստեղծ, գրող, լրագրող, հեղինակ-կոմպոզիտոր և երգերի հեղինակ
Լեզուլեհերեն
ՔաղաքացիությունFlag of Poland.svg Լեհաստան
ԿրթությունՎարշավայի համալսարան և Լոդզի կինոդպրոց
ԱմուսինWojciech Frykowski?
Agnieszka Osiecka Վիքիպահեստում

Ագնեշկա Օսեցկայա (լեհ.՝ Agnieszka Osiecka, հոկտեմբերի 9, 1936(1936-10-09)[1], Վարշավա, Լեհաստանի Երկրորդ Հանրապետություն[1] - մարտի 7, 1997(1997-03-07)[1], Վարշավա, Լեհաստան[1]), լեհ բանաստեղծ, բազմաթիվ երգերի բառերի հեղինակ։ Հայտնի է նաև իր արձակ ստեղծագործություններով, թատերական և հեռուստատեսային ներկայացումներով, ինչպես նաև լրագրողական աշխատանքով։

Կենսագրություն[խմբագրել | խմբագրել կոդը]

Ագնեշկա Օսեցկայան ծնվել 1936 թվականին Վարշավայում, դաշնակահար Վիկտոր Օսեցկու և Մարիա Շտեխմանի ընտանիքում։ 1952-1956 թվականներին սովորել է Վարշավայի համալսարանի ժուռնալիստիկայի ֆակուլտետում, 1957-1961 թվականներին՝ Լոձի բարձրագույն կինեմատոգրաֆիստական և թատերական դպրոցում։ 1954 թվականից աշխատել է Ուսանողական երգիծական թատրոնում, մինչև 1972 թվականը եղել է թատրոնի խորհրդի անդամ։

1954-1957 թվականներին «Գլոսե Վիբժեժա» (Glos Wybrzeża), «Նոր մշակույթ» (Nowa Kultura), «Շտանդդարե մլոդիխ» (Sztandar Młodych) և «Պո պրոստու» (Po prostu) թերթերում հրատարակել է իր բանաստեղծությունները, արձակ ստեղծագործություններն ու ռեպորտաժները։ Ավելի ուշ տպագրվել է «Գրականության» (Literatura), «Մշակույթ» (Kultura) և «Լեհաստան» (Polska) հանդեսներում։ Եղել է լեհ գրողների միության անդամ։

Յոթ տարի Ագնեշկան վարել է «Երգի ռադիո ստուդիա» (Radiowe studio piosenki) ծրագիրը լեհական ռադիոյում, որտեղ այդ ժամանակահատվածում հնչել է շուրջ 500 երգ։

1994 թվականից Ագնեշկան սերտորեն համագործակցել է Սոպոտ քաղաքի Ատելիե թատրոնի հետ, որի համար գրել է իր վերջին աշխատանքները։ Այսօր թատրոնը կոչվում է Ագնեշկա Օսեցկայայի անունով։

Մահ[խմբագրել | խմբագրել կոդը]

Մահացել է հաստ աղիքի քաղցկեղից 1997 թվականի մարտի 7-ին Վարշավայում։ Թաղված է Վարշավայի «Povonzki» գերեզմանատանը, հատված՝ 284b։

Ընտանիք[խմբագրել | խմբագրել կոդը]

Ագնեշկայի դուստրը՝ Ագաթա Պասենտը (ծնվ. 1973, փետրվարի 4), հայտնի լեհ լրագրող է, Վարշավայի հրեական համայնքի ակտիվիստ։

Ստեղծագործություններ[խմբագրել | խմբագրել կոդը]

Հեղինակել է 2000 երգեր, որոնք լույս են տեսել հետևյալ հավաքածուներում՝

  • Կենդանի գովազդ (Żywa reklama)
  • Երգող նամակներ (Listy śpiewające)
  • Արհեստական մեղր (Sztuczny miód)
  • Երգող ավազներ (Śpiewające piaski)
  • Սենտիմենտներ (Sentymenty)
  • Մի պահ անց (Za chwilę)

Ագնեշկան երգի տեքստեր է գրել այնպիսի արվեստագետների համար, ինչպիսիք են՝

  • Աննա Գերման
  • Մարիլյա Ռոդովիչ
  • Կալինա Ենդրուսիկ
  • Մագդա Ումեր
  • Սևերին Կրաևսկի
  • Աննա Շալապակ
  • Քրիստինա Յանդա
  • Իրենա Սանտոր
  • Skaldowie խումբ

Մատենագիտություն[խմբագրել | խմբագրել կոդը]

  • Осецкая, Агнешка. Здравствуй, Евгений! / Перевод с польского В. Приходько. Рисунки Л. Мильчина. М.։ Детская литература, 1972. - 94 с.

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]