Տիտուս Լուկրեցիուս Կարուս

Տիտուս Լուկրեցիուս Կարուս (լատ.՝ Titus Lucretius Carus, մ.թ.ա. մոտ 98-55թթ.), հռոմեացի փիլիսոփա և բանաստեղծ:

Հարել է էպիկուրյան փիլիսոփայական դպրոցին: Նրա կյանքի մասին համարյա ոչինչ հայտնի չէ, կա տեղեկություն, որ իր կյանքն ավարտել է ինքնասպանությամբ: Վեց գրքից բաղկացած «Իրերի բնության մասին» (լատ.՝ De rerum natura) նշանավոր պոեմի հեղինակ է, որտեղ շարադրել է իր պատկերացումները կրոնի, տիեզերքի, երկրի, մարդու ֆիզիոլոգիական ու հոգեկան հատկանիշների, աշխարհի պատմության և այլ հարցերի մասին: Հեղինակը նշում է, որ իր նպատակը սոսկ Էպիկուրոսի ուսմունքը վերաշարադրելն է, սակայն հասել է շատ ավելի մեծ արդյունքի` այլևայլ հարցերում հայտնելով ուշագրավ տեսակետներ և դրսևորվելով որպես ինքնատիպ մտածող: Երկը հույժ արժեքավոր է իբրև բանաստեղծական արժանիքներով օժտված գեղարվեստական ստեղծագործություն:

Լուկրեցիոսի երկը թարգմանվել է հայերեն Գրիգոր Արեյանի կողմից

Արտաքին հղումներ

• «Իրերի բնության մասին» երկը Համահայկական գրադարանի կայքում